مشكلتي اخي

[مشكلتي]

السلام عليكم ورحمة الله وبركاته
يا اخواني واخواتي انا محتاجة نصيحتكم وش ندير مع خويا ؟؟
انا عمري 19 نقرا في الليسي ماديتش اباك وراني نعاود فيه وعندي اخ عمرو 21 هو جامعي هو الشاب الوحيدة بين 5 بنات وهو الاكبر بكل صراحة انا خويا من النوع الخفيف والضحايكي والغير مبالي ويدور بلبنات بزاف انا صح نتهم بيه مي مانقدرش نحكي معاه في اموروا الشخصية
المهم خويا لاحظت في الفترة الاخيرة هادي عندها 15 يوم بدا يتبدل ويرجع شاب مليح يعني رجع يصلي ويعاملنا مليح وكامل استغربنا هاد الامر وكي بديت نحوس نفهم عرفت انو مداير صاحبتو وهي وحدة من اللي اللي نقرا فيه وهي تاني هاد العام باك وقل مني بعام حوست مليح وعرفت هي اللي راهي ماثرة فيه هكا وحتى جا هوا وحدو وحدو عاد يخالطنا ويحكي معانا ويسقسي علينا وعلى وش نحتاجوا وكي سقسيتو قالي الطفلة هادي اللي تعرفت عليها بدلتني ورجعتني هاد هي تقولو اهتم بخواتاتك وامك وباباك وهي اللي كانت تحكيلو على الدين حتى يرجع يصلي وهي عندها حركة ديرها كي يبقى على الادان دقايق تعطيلو تحكي معها هو يدن هي تقولو نروح نصلي ونجي هو حتى عاد كي تكوبي يروح هوا تاني يتضوا ويصلي انا عرفت بلي الطفلة هادي كانت حاجة ايجابية في حياتو
مي الشملكة انو جاتني صاحبتي قاتلي بلي خويا او شاف خوك من قبل يتكيف زطلة انا تشوكيت وما عرفتش وش ندير
في رايكم نحكي مع الطفلة وهي تلقى حل وتبعدو عليها ولا نخاف نقلها تجبد روحها عليه وهو بدا يتبدل ويتعدل ولا انا نحكي معها ولا كيفاه ندير؟؟

[om rahma]

kheti khalih balak hadi haja fatat w 3adat matgoulilha ma walou khaliha madam hadi tofla salha w bdat tbadal fih w awal khotwa hiya slat hmd ki wala ysali rahyha tatbadal hyatou khlas w kadra tkoun ghira man nas ki chafouh bda yata3dal habou ykharjo alih hadra mataamnich kheti choufi li godam aynik

[ام احمد]

بنتي بالاكي تغلطي و تقوليلها
شوفي اهدري معاه برفق قوليلو راني فخورة بيك لي عندي خو كيما نتا طايع ربي و طايع والديك و مرضي خواتاتك
دايما بينيلو بلي راهو هايل حتما اذا كان يدير في حاجة ماشي مليحة راح يحشم منكم كامل بطريقة غير مباشرة
يا ربي ماتكونش صح
خوديلي راي بنتي و ماضيعيش خوك ربي يهديه

[غربة أهل السنّة]

و عليكم السّلام و رحمة الله و بركاته
عليكِ أن تنصحي أخاك بالإبتعاد عن هذه الفتاة لأنه بالتأكيد لن يرضى لكِ أن تصاحبي شابا يأمرك بالصّلاة و يتّصل عليك قبل الآذان بخمس دقائق.
قولي له أن يصون إبنة غيره و أخت غيره كي يصون الله أمه و أخواته و زوجته و بناته في المستقبل
لا تظنّي أن علاقته مع الفتاة ستبقى هكذا (أمر بالمعروف و نهي عن المنكر),,, فللشيطان عدّة أبواب يدخل منها لتشويش دين المسلم و أخلاقه
أما بخصوص كلامك عن المخذرّات فأنت من تعرفين أخاكِ,,, إذا كن تظننين أنه يستطيع فعل ذلك فسارعي إلى نصحه و إلى إخبار والديك بشرط أن يكلموه بالحُسنى و إلّا فأنت تعلمين أن الناس محترفون في الكذب و تلفيق الحكايات التّي تسبب المشاكل لغيرهم

[○•ميسون•○]

من الاحسن تتاكدو من المعلومة تاع *يتكيف الطاة اولا*

اذا كانت مؤكدة كلمي صاحبتو قوليلها تنحو باه يجبد روحو من الزطلة راهي تفسدلو حيات

[أمة الله 12]

لا أنصحك بالتدخل, و اصبري قليلا فلربما نزوة و توقف عنها, و ربما الخبر كاذب

[kmilya]

اذا ماثرة فيه هك قوليلها تحكي معاه اذا كانت تحبو صح تعاونو مي سع تاكدي

[bellaluna]

أنصحك يا غالية أن تهتمي بدراستك و ترضي والديك و اخوتك و لا تحشري نفسك في مشاكل أكبر من عمرك أولا من قال أن أخاك "تكيّف" بالدليل و البرهان ؟ ثانيا هذه الفتاة التي ستنصحيها لديها عقل مثلك مثلها و تستطيع تمييز الطيب من الخبيث و ثالثا و الاهم من يضمن لك أن لا تنقل هذه الفتاة ما قلته في حقّ اخيك فيغضب و يهيج و يضربك أو يعنّفك امام المعهد أو في المنزل ؟

[نايفز55]

زوجوه بيها

[كلنا لله]

المشاركة الأصلية كتبت بواسطة أم جهاد الجزائرية

و عليكم السّلام و رحمة الله و بركاته
عليكِ أن تنصحي أخاك بالإبتعاد عن هذه الفتاة لأنه بالتأكيد لن يرضى لكِ أن تصاحبي شابا يأمرك بالصّلاة و يتّصل عليك قبل الآذان بخمس دقائق.
قولي له أن يصون إبنة غيره و أخت غيره كي يصون الله أمه و أخواته و زوجته و بناته في المستقبل
لا تظنّي أن علاقته مع الفتاة ستبقى هكذا (أمر بالمعروف و نهي عن المنكر),,, فللشيطان عدّة أبواب يدخل منها لتشويش دين المسلم و أخلاقه
أما بخصوص كلامك عن المخذرّات فأنت من تعرفين أخاكِ,,, إذا كن تظننين أنه يستطيع فعل ذلك فسارعي إلى نصحه و إلى إخبار والديك بشرط أن يكلموه بالحُسنى و إلّا فأنت تعلمين أن الناس محترفون في الكذب و تلفيق الحكايات التّي تسبب المشاكل لغيرهم

هذا واش حبيت نقول بالضبط هادي الطفلة ادا كانت متدينة صح كيفاش تمشي مع واحد اجنبي عليها ؟؟؟

[حضنية28]

المشاركة الأصلية كتبت بواسطة أم جهاد الجزائرية

و عليكم السّلام و رحمة الله و بركاته
عليكِ أن تنصحي أخاك بالإبتعاد عن هذه الفتاة لأنه بالتأكيد لن يرضى لكِ أن تصاحبي شابا يأمرك بالصّلاة و يتّصل عليك قبل الآذان بخمس دقائق.
قولي له أن يصون إبنة غيره و أخت غيره كي يصون الله أمه و أخواته و زوجته و بناته في المستقبل
لا تظنّي أن علاقته مع الفتاة ستبقى هكذا (أمر بالمعروف و نهي عن المنكر),,, فللشيطان عدّة أبواب يدخل منها لتشويش دين المسلم و أخلاقه
أما بخصوص كلامك عن المخذرّات فأنت من تعرفين أخاكِ,,, إذا كن تظننين أنه يستطيع فعل ذلك فسارعي إلى نصحه و إلى إخبار والديك بشرط أن يكلموه بالحُسنى و إلّا فأنت تعلمين أن الناس محترفون في الكذب و تلفيق الحكايات التّي تسبب المشاكل لغيرهم

اتفق معك اختي ام جهاد

[Napia]

ربي يهدينا

[ميمي سمية]

ختي تبالي ماتحكميش على كلام صحبتك

ومدام رجع يصلي حاجة باينة بلي حيخلي الحوايج هذوا .......

يعني راهو يتغير ايجابيا واذا جات مرة وين حكمتي عليه فمة حاولي تغيريه نتي ومبعدها اذا ماقدرتيش قوليلها ليها

مهما كان راهي تبقى برانية عليكم وقادرة تعرف الحاجة هذي تبعد على خوك ويعود يدير كثر من هكذا

اعرفي كيفاه تتصرفي وماديريش لغلطات اللي من بعدا تندمي عليهم

[نورالهدى بيولوجيست]

لاحول ولا قوة اللا بالله

ربي يهدي شباااااابنا ان شاءالله

[khalwi]

و جادلهم بالتي هي أحسن