المحاكمة
ف لحظة نصبت محكمتك
وكنت أنت ..
حكم .. وخصوم
وحطيتنى ... وحيد سجنى
وبين جدران من الاوهام ..
بتسجنى ..
وبين شوكك ..
وبين خوفك ..
وبين ظلمك ... تقيدنى
وكانت غلطتى الكبرى...
وكانت تهمتى العظمى ..
هى .. عشقك ..
*****
ف لحظة نصبت محكمتك
وكان الحكم ..
أسجدلك ..
أكون عبدك ..
وأندم عمر فوق عمرى ..
على حبك
وأشرب من عذابك كاس ..
و ادوق مُرك ..
وأيه ذنبى .. امام ذنبك ..
دا ذنبى إنى خليتك .. تكون حلمى ..
وجُرمى إنى حطيتك .. مكان قلبى ..
*****
فى لحظة نصبت محكمتك
وكنت انت ... دفاع وهجوم
وصرت ف عينى من ظلمك ..
سراب وغيوم ..
نسيت نفسك .. وغاب عقلك
ودست برجلك القاسية .. على حلمى
وكنت إنت .. فى عز المحكمة القاسية
بتصدر حكمك القاسى
على قلبى ..
قصاد عينى .. بتعدمنى ..
*****
عشان تعدل
تعالى بقلبك المغلوب .. على أمره
أمام قلبى ..
تعالى بعقلك المسجون ..ف أوهامه
أمام عقلى ..
تعالى وبس ..
حاسبنى
أعاتبك أو ..
تعاتبنى..
ولو كان الغلط منى ..
تشيل ذنبى ..
ولو كان الغلط منك ..
تصالحنى ..
لان الذنب دا بسببك
و ذنب الحب .. مش ذنبى
*****
جمال نصير فى 7/11/2013
( تقرير عن مشاركة سيئة )، و الموجودة أسفل كل مشاركة .
2013-11-17, 10:15
المحاكمة
العرض العادي
