باتيسري جديد من الساعية الى الجنة

[الساعية الى الجنة]

(يرجى من الادارة تعديل العنوان الى باتيسري جديد من الساعية الى الجنة)

هذا الباتيسري استوحيته من عجينة الجينواز الاسفنجية خاصتي
فحبيت اجرب اعمل بها باتيسري وجايهبل وخاصة ذوقو
المهم العجينة هي كالتالي:
المقادير :
5بيضات
1 كاس فرينة
1/2 كاس نشاء
كاس سكر عادي
1 كيس خميرة
1كيس فاني
1/2 كاس زيت
التحضير :
اولا ننخل الفرينة مع النشاء والخميرة ونضعها على جنب
وبعدها نخفق البيض في الروبو حتى نلاحظ ظهور الفقاعات ويتغير لونه ،ثم نضيف السكر ونخفق ثم الزيت والفاني ونخفق، ثم ننزع الروبو ونضيف خليط الفرينة السابق شيئا فشيئا مع التحريك من الاسفل الى الاعلى
ونصبها في مول مربع او مستطيل ابعاده ما بين 30*28 مدهون ومرشوش بالفرينة ،ونتركها تطيب 15د تماما على درجة حرارة 200 درجة (مع العلم انوالفور نتاعي حرارتو واطية شوية)
الدهن:
3م/ك مربى المشمش
1م/ص نكهة الفراز
حليهم في قليل من الماء وادهنيها وهي حامية باش جيك بنينة ويتشرب مليح

وهذه هي صورة الخليط

ثم حضري الحشو :
طبقة القشطة:
80غ كريم شانتي
كاس الا ربع حليب
1 ياؤورت قشطة كرامال
- اخفقي الكريمة مع الحليب وكي تطلع اضيفي الياؤورت واخفقي. وهذاشكلها راح يكون بني فاتح


طبقة التوفي(سكر +زبدة +حليب)
بعد تحضيره اتركيه ليبرد ثم اضيفي له 100غ غبرة الشانتي واخفقيه جيدا بالميكسور



طبقة الشوكولاطة :

1علبة شوكولاطة منى (من الافضل ذات الغلاف الاخضر)
1علبة ياؤورت ليغواز
2م/ك حليب بودرة .
بعدما تذوب الشوكولاطة في حمام مائي مع القليل من الزبدة والحليب انزعيها عن النار ثم اضيفي لها بودرة الحليب و الياؤورت واخليطي جيدا



اقسمي العجينة على 2 بالتساوي


ادهني احدى الطبقتين بحشوة التوفي بعدها بحشوة القشطة ثم ضعي فوقها الطبقة الثانية



من الاعلى زينيها بطبقة الشوكولاطة وطبقة القشطة كالتالي



قطعيه وغطيه ثم اتركيه في الثلاجة يرتاح على الاقل 3ساعات (لكي تزيد طراوته ولذته) ثم قدميه (انا عملت فيه خطوط )












وبصحتكم

[souma.sousou]

[Blue*flower]

يسعدني نكون اول من يمر بالموضوع الراااائع


شهيتيني

شكرااااا على الموضوع

[Blue*flower]

هل ممكن نستغني عن طبقة التوفي


شكراااااا

[ليديا الطمطومة]

الله يبارك جاك روعة سيرتو كي درتيه كي المنفاي

[عطرالذهب]

ما شاء الله فكرة رائعة

[mounia hse]

يعطيك الصحة

[الساعية الى الجنة]

شكرا على مروركم الكريم
وجزاكم الله خيرا على تعليقاتكم مسرورة جدا بحضوركم الكريم
وبالنسبة ليكي يااخت Blue*flower فلطبقة التوفي وخاصة اذا اضفتي لها الكريم شانتي مذاق لا يقام
لكن يمكنك الاستغناء عنها بصح لازم تعرفي بان المذاق راح يختلف
يعني ذوق الكرامال اللذيذ مش رايح يكون فيها
وشكرا

[*سيرين نور عيني *]

merciiiiiiiiiiiii emmmmm nmout 3la patisserie hani dert wahda chofiha w redii blkhbar

[Blue*flower]

المشاركة الأصلية كتبت بواسطة الساعية الى الجنة

شكرا على مروركم الكريم
وجزاكم الله خيرا على تعليقاتكم مسرورة جدا بحضوركم الكريم
وبالنسبة ليكي يااخت Blue*flower فلطبقة التوفي وخاصة اذا اضفتي لها الكريم شانتي مذاق لا يقام
لكن يمكنك الاستغناء عنها بصح لازم تعرفي بان المذاق راح يختلف
يعني ذوق الكرامال اللذيذ مش رايح يكون فيها
وشكرا

شكرااااااا على الرد

انا بصراحة لاني جربت التوفي مرة و فشلت فيه ... خفت نعاودها ...و ايضا لانك ما حطيتيش المقادير بدقة تاعه

لو ممكن تعطينا المقادير المضبوطة لصلصة التوفي


مرسييييييييييييي

[ام الهضاب]

يعطيك الصحة يهببببل

[tong2]

ما شـــــــــاء الله تــــــــبارك الله

[الساعية الى الجنة]

مسرورةجدا جدا جدا بمروركما وشكرا على التعليق
ومش خسارة فيكي يا اختي Blue*flower هذي هي مقاديرو بالضبط ، واذا عملت مرة اخرى رايحة نزلو بالخطوات
المهم المقادير هي :
3م/ك سكر احرش
1م/ص زبدة ( لازم تكوني هذوين خرجتيها من الثلاجة)
1/2ك ماء
1/2ك حليب
التحضير :
في طاوة وعلى نار هادئة ،حطي الزبدة والسكر مع بعضاهم وخلطيهم مليح ثم استناي حتى تذوب الزبدة تماما وحركي
بعدها انتظري حتى يتغير لونه ويصبح بني فقط ثم اضيفي الماء طبعا رايح يتكتل ويتحجر لكن لا تخافي ، غطيه وخليه بعد مدة قصيرة رايح يتحلل وحركيه (قد تلاحظين وجود حجرات صغار تاع السكر لم تذب لكن لاتخافي)
بعد مايبد يخثار شوية برك انزعيه واتركيه ليبرد لكن ليس في الثلاجة بل بالتحراك ( لازم كي تمسيه بيدك يكون دافئ فقط) بعدها اضيفي الحليب واخفقيه باليد بالخفاقة بسرعة حتى يتجانس ارجعيه على النار الهائة واستمري بالخفق باش ما يروبلكش الحليب
وفي النهاية بذا غلى وما رابش اتركيه حتى يخثار وانزعيه
( ونقلك على سر التوفي تاعي انا في بعض الاحيان نضيفلو 1م/ص حليب بودرة +1م/ص كريم شانتي غبرة وطبعا هذا يكون مع اضافة الحليب وصدقيني ذوقو روعة بعد ما يبرد )
ملاحظة:
اذا رابلك الحليب بعد ما رجعتيه على النار ما تخافيش علخاطر كيما تخفقيه مع الكريم شانتي رايح يختفي تماما
علبالي طولت عليك بصح راني حاولت قدر الامكان نفيدك ونفيك اخواتي الكريمات بكل النصائح الي عندي
اتمنى تجربيه وترديلي الخبر وانشاء الله يصلحلك
في امان الله

[fati13]

يعطيك الصحة

[ahlem87]

الله يعطيك الصحة