حلوة اقتصادية وتحمر لوجه

[المستغفرة]

السلام عليكم هذي الحلوة كنا نخدموها وحد خمس سنين
تفكرناها ليوم خدمتها الغالية مرت خويا لعزيزة
دارت عبرة ونص
ستة بيضات كاس سكر عادي فاني ملعقتين نشا
عصير نص ليمونة ضربيهم مليح من بعد تزيدي كاس
زيت ومن بعد تلمي بالفرينة مغرف صغيرة بيكاربونات كي تولي قريب تنشف
نقسمها وحدا ندريلها كاكاو والاخرى نكملوها بالفرينة
حلي العجينة البيضا وفوقها البنية
ولويها دورتين وقصي ،تشوفيها صغيرة بصح راهي تخمر و يكبر الشكل تاعها
قصيها مقروضات قطعيهم بالخيط شوفي الصور
باش تحكم شكل هايل و طيبيه
من بعد عسليها و مرمديها في البيمو مرحي
نخليكم مع الصور