سؤال مهم

[حليمة2012]

السلام عليكم
انا سيدة اعمل في اطار عقود ما قبل التشغيل اعمل في ادارة لا داعي لذكر اسمها المهم قالوا لي هناك ان الحجم الساعي هو 8 ساعات
علما ان في المديرية هناك من يعمل عقود مثلي ز لكنه يعمل للفترة الصباحية فقط اي4 ساعات بنصف دوام
قلت لهم لماذا قالوا لي انه على حسب المصلحة لي راني فيها اي رئيس المصلحة هو لي يحدد
انا لقيت بلاصة اخرى في متوسطة ما شي بعيدة عليا و قالي نجي غير الصباح
السؤوال هو اذا جاءت فعلا التعليمة الجديدة لترسيم صح ما يدخلش فيها قطاع التربية
و لا كامل القطاعات يدمجوهم

ارجو التفاعل فانا في حيرة من امري هل ابقى في المديرية ام اتحول الى المتوسطة مع العلم ان اجري هو 8000 دج و ما خلصتش حتى ضرك دخلت في اوت

[آلاء فهد محمد]

صح كاينة منها وصلتنا تاني في مديرية التكوين تعليمة من مديرية التشغيل تحدد ساعات عمل عمال الادماج ب 8 ساعات يوميا للاسف حتى في مركزنا تطبقت اما باقي المراكز لا دوامهم لا يتعدى 4 ساعات يوميا

[mourad ali]

انا ننصحك روحي l enjemديري قرض واخدمي على روحك خليك منهم

[حليمة2012]

انا حابا نعرف التحويل سهل و لا لا و يا يدرا اذا صح رسمو اصحاب العقود تنطبق ثاني على قطاع التربية ؟؟؟؟؟

[وتر الأمنيات]

نقاك حاجة انا ثاني كنت مكلح واحد الوقت نخدم داخل مصلحة في المديرية 8 ساعات فقت لعمري ديرت تحويل لابتدائي بحذانا وليت مانروحش بلكل والبوانتاج ماشي وحدي والترسيم ماكانش منو غير اهربي

[mourad ali]

غير اتهنوا ماشي رايحين توقعوا في هذا المشكل مستحيل وimpossible و امبوحال .. ايكون ايدماج راهي خلوطة كبيرة

[اية الرحمن1988]

السلام عليكم
بالنسبة للتحويل ننصحك أخطيك من أي حاجة تابعة لقطاع التربية
لأنو في المديريات ممكن يجيبو مناصب وتشاركي في مسابقة وتكون عندك الأولوية لانك تخدمي في المديرية
اما مديرية التربية كلشي تلقايه فيها ميش كل اكمالية عندها مناصب محددة ليها يعني مسابقة موحدة
و شيء ثاني مديريات التربية تكثر فيهم الحقرة، المشاكل، المعريفة وكل شيء ميش مليح
ممكن ضرك تروحي تخدمي الصباح برك
بعدها يجي مدير جديد يقلك تجي صباح وعشية كل مدير يخدمك على هواه
اذا ممكن حاولي تغيري المصلحة اللي راكي تخدمي فيها ولا روحي لفرع خاص بالمديرية وين تكون الخدمة قليلة
وربي يسهلك ان شاء الله ويفتحلك أبواب رزقو
شيء آخر بالنسبة للشهرية راهي طول شوي مع الأول بالنسبة لعقود لاداس ممكن اربع اشهر باش تبدا تمشيلك
ومباعد تولي عادي كل شهر

[حقيقي]

السلام عليكم ...اختي : من بااب النصيحة وعلى امل ان يكون ردي ذو فائدة .....
اولا العمل الذي تقومين به بعتبر تهيئة الشخص لدخول عالم الشغل وليس بالضرورة ادماج
الشيىء الثاني هو انك غير مستعدة للتخلي عن هذه الوظيفة ..يعني انك خائفة من فقدان منصب العمل
الشيئ الثالث هو انه ليس هناك ادماج
من خلال المعطيات نستنتج انه من المؤكد والاكيد لو استجمعتي قواك وهذا مع الضمان ..واصريتي على القدوم في الفترة التي تريدينها اي الصباح او المساء ...فانك لن تجدي من يوقفك ولن يستطيع ان يفسخ لكي العقد مهما فعل لانك تركته يتسائل من يقف ورائك ويدعمك وهنا يأتي دور الشخصية الجامعية في الضغط على الطرف الاخر من خلال سؤال المثقف والرد اللبق في .كون الجواب ....ماكش انت المستخد م وصاحب العقد ووالله ياختي مهما يكن المدير ورئيس المصلحة يجب ضرب هذا بذاك ...وبالتوفيق

[souma roua]

انا قالولي كي يجي الادماج يدمجو لي راهم يخدمو في الدومان نتاحهم ولي ماش في الدومان نتاحهم يزيدوهم الكونترا