طلب للمساعدة لخبيرات الحلويات والخبز

ملكة الورود · 2010-09-15, 17:49

حبيت نسقسيكم على لا بات فايتي نخدمها مليح ندير الفرينة قرصة ملح و 2 مغارف زيت نعجنها حتى تولي تطرطق تحت ايديا و نديرلها زبدة التوريق قاسة تاع فرح و نطبقها حتان....... و بصح متخرجليش طالعة ياسر كي تطيب حبيتها طالعة ياسر حتى لي فول فون .

و نزيدكم سؤال كيفاه حتان تخرجلي عجينة المشكلة بيضة زينة كيما يديروها أنا توجور تخرجلي صفرا دوغي هي زينة بصح حبيتها بيضا قالولي ديريلها كولوغون أبيض بصح مخرجليش

و حبيت نسقسيكم ثاني كيفاه حتان تخرجلي الطلية هاذ اللون

و ثاني الدزيريات تجيني الحشوة يابسة الله لا يوريكم وش نديرلها

و ثاني عطاتني حبيبتي غوسات تاع بقلاوة و مبعد العجينة ديريها كي الرشتة و تقليها و تديريها من فوق محبتش تلصقلي كيفاه نديرلها
واللي يعرف المقروض تاع المول

و حبيت نسقسيكم على خبز الطاجين كاين اللي يديرو يهبل أنا ما نعيا نعرك و والو تظل ماما تعاير فيا درتلو السكر والزيت خرج لاصق مانيش عارفة و ش نديرلو ماما تقولي العجين يدين ههههههه؟ و راني على باب زواج و مدابيا نروح متعلمة كلش ربي يخليكم

ملكة الورود · 2010-09-17, 07:49

ماكانش قاع لي حابة تعاوني

rafik abdo · 2010-09-17, 10:59

QUOTE=ملكة الورود;3721314]حبيت نسقسيكم على لا بات فايتي نخدمها مليح ندير الفرينة قرصة ملح و 2 مغارف زيت نعجنها حتى تولي تطرطق تحت ايديا و نديرلها زبدة التوريق قاسة تاع فرح و نطبقها حتان....... و بصح متخرجليش طالعة ياسر كي تطيب حبيتها طالعة ياسر حتى لي فول فون .

لازم اختي بين كل دورة تخلي العجينة تاعك ترتاح على اقل نصف ساعة في الثلاجة .

و نزيدكم سؤال كيفاه حتان تخرجلي عجينة المشكلة بيضة زينة كيما يديروها أنا توجور تخرجلي صفرا دوغي هي زينة بصح حبيتها بيضا قالولي ديريلها كولوغون أبيض بصح مخرجليش

كي طيبيها ما تخليهاش تحمار بزاف يعني تنشف برك. او ديري للعجينة الون ابيض لكن مش هداك لي يتبع في اكياس صغار راهة كاين الون بلميزان هو الافظل
و حبيت نسقسيكم ثاني كيفاه حتان تخرجلي الطلية هاذ اللون

و ثاني الدزيريات تجيني الحشوة يابسة الله لا يوريكم وش نديرلها

كي تخرجي دزيريات من الفرن شربيها في شاربات وهي سخونة وخليها تتشرب على اقل 10د
و ثاني عطاتني حبيبتي غوسات تاع بقلاوة و مبعد العجينة ديريها كي الرشتة و تقليها و تديريها من فوق محبتش تلصقلي كيفاه نديرلها
واللي يعرف المقروض تاع المول

ادا على هذا المقلروط هو ليس مصنوع في المول.انا عملت دوائر وديرت في الوسط الحشو وبعدين نقشتو بنقاش
و حبيت نسقسيكم على خبز الطاجين كاين اللي يديرو يهبل أنا ما نعيا نعرك و والو تظل ماما تعاير فيا درتلو السكر والزيت خرج لاصق مانيش عارفة و ش نديرلو ماما تقولي العجين يدين ههههههه؟ و راني على باب زواج و مدابيا نروح متعلمة كلش ربي يخليكم[/QUOTE]

ملكة الورود · 2010-09-17, 11:20

ربي يحفظك أختي الله يخليك مشكورة يالغالية

سَلْسَبِيّلْ · 2010-09-17, 11:42

شكرا على المعلومات القيمة افدتينا

ali rani · 2010-09-17, 13:45

اوريلي كيفاش دري بات فايتي

ملكة الورود · 2010-09-17, 15:08

اقتباس:

المشاركة الأصلية كتبت بواسطة ali rani

اوريلي كيفاش دري بات فايتي

شوف يا أخي
500 غ فرينة
350 غ زبدة توريق تباع في المحلات أنا ندير فرح
2 مغارف كبار زيت و لا كاس شاي زيت
قرصة ملح إذا حاب بات فايتي للحلوى نقص الملح دير قا قرصة و إذا حابها للمملحات دير 10 الى 15 غ
ماء
الطريقة : نخلط الفرينة و الزيت و الملح حتى يكون الفرينة كيما الرمل ثم تلمها بالما حتى تتلم
تعجنها حتى تولي تطرطق كاين لي ما يعجنهاش و تاني تخرجلو مليحة
و امبعد تفتح العجينة على شكل + و تدير فيها الزبدة اللي تكون حرارتها بحرارة الغرف يعني مش ذايبة و مش يابسة كيما العجينة .
و تطبقها طريقة التطبيق و اللف تجدها في هذا الفيديو
https://www.youtube.com/watch?v=Yth5W...eature=related
وكل مرة تخليها ترتاح من 15 الى 20 دقيقة

ali rani · 2010-09-17, 15:29

شكرا حنونة

ملكة الورود · 2010-09-17, 21:55

اقتباس:

المشاركة الأصلية كتبت بواسطة ali rani

شكرا حنونة

لا شكر على واجب الحاجة اللي نعرفها نوريها و الي منعرفهاش الله غالب
شكرا

رونق الامل · 2010-09-17, 23:28

و القلاصاج كيفاه حتى يجي يبرق هكدا؟؟