الكانيلوني اصنعيه بنفسك في بيتك سهل وبسيط

[ام ساجد]

اهلا اخواتي ان شاء الله تكونو بصحة وسلام

الكانيلوني نوع من انواع العجائن الايطالية وهو طبق لذيذ

** الحشو** بصلة مرحية + لحم مرحي + فلفل اسود + ملح نتبلهم على النار

ولما يبرد نضيف فرماج + بيضة

** الصوص** طماطم كعب مقطعة + بصلة مقطعة + زيت + ملح +طماطم مرحية

+ ملح + ثوم + بهارات نقليهم مليح ثم نمرقهم ونخليه يطيب



** العجينة** 300غ فرينة + 3الى 4 بيضاة نخلطها ونخليها ترتاح
ثم نحلها بالمشينة او الحلال ونقطعها مربعات انا استعملت ورقة قصيتها 10 /10 وقطعت بيها





ونتركها تشيح شوي






ونطيبها في ما يغلي لمدة 2 دقائق




ثم نرميها في الماء البارد



ونخليها تنشف فوق منشفة

ثم نحط في كل مربع مغرفة من الحشو ونلف على شكل سجائر ونحط في طبق الفرن





ونصب عليها الصوص لي حضرناه



والى الفرن مدة 45 دقيقة على نار هادئة




وفي الاخير نزينها بالفرماج رابي ونحمرها شوي



ونقدمها