كيف تراجعون مادة الآدب العربي يا علميين أفيدونا .. ؟؟

roma boy · 2013-10-29, 22:18

السلام عليكم ورحمة الله تعالى وبركاته ..
أهلاً بكم، ياريت كل واحد يشارك معنا طريقته الخاصة في مراجعة الآدب العربي
حتى نستفيد .. خاصة وأن مقرر هذه المادة لهذه السنة يختلف تماماً عن السنوات الماضية .. وشكراً

Mino Yasmine · 2013-10-30, 00:06

والله غيير راني لاعلااقة معاهاا..
أهملتها بلا مانحس

وحتى انا حابة نعرف كيفاه راكم تراجعوا فيهاا..

Hakou28 · 2013-10-30, 05:02

نفس الشيء
شريت كتاب الموجه للأدب العربي فيه تقريب 60 نص محلول
ولكني مبديتش المواد العلمية مديتلي وقت كثير
لاكن سأجد وقتا الآاااااااان قبل فوات الاول
حظ سعيد

Just Marwan · 2013-10-30, 07:57

حسب رأيي أحسن طريقة هي حل مواضيع و نماذج باكالوريا / لأنك إذا قريت من الكتاب راح تلقى حوايج بزاف ما تحتاجهاش

~~khaled killer~~ · 2013-10-30, 10:49

الحل الانسب هو حل مواضيع بكالوريا و مراجعة دروس القواعد و النحو

zainona · 2013-10-30, 11:58

الحل الافضل هو حل المواضيع

fr95 · 2013-10-30, 16:45

فلسفة و عربية هوما في جهة و انا في جهة ربي يقدر الخييير

roma boy · 2013-11-08, 18:07

شكراً على المشاركة في انتظار مشاركات جديدة

حيآتي أسمَى · 2013-11-08, 21:13

مازال قاع مادرتش بالادب تبا

●|التّوَابٌ إلى الَلّه|● · 2013-11-08, 22:00

لا علاقة بيها كيفها كيف الفلسفة

YOUSEF-ALG · 2013-11-08, 22:36

الحل هو حل بكالوريات ساابقة مع التمعن في طريقة الاسئلة

ناصف الورداني · 2013-11-08, 22:56

الموجه في حليل النصوص الادبية

الدرة المصونة‎ · 2013-11-09, 00:06

بالنسبة لي احنا نراجعوها تقريبا في القسم خطرش في في نهاية الاسبوع نحلوا موضوع و كل موضوع يكون يشمل الدروس لقريناها مثلا في الاسبوع الأول حلينا نص نتاع شعر تعليمي و شفنا انواع الاسئلة لتطرح و الاسبوع التاني حلينا نص لابن خلدون و كدلك شفنا انواع اسئلة اخرى وهكدا رنا نواصلوا.. اما المواد الادبية الاخرى أهملتها الله يجيب الخير .

kenza boucetta · 2013-11-09, 17:20

السلام عليكم

راح نعطيكم طريقة مراجعتي لهاذي المادة بالذات لي الحمد لله ديت فيها في باك العام لي فات 16

كنت نركز مليح مع طريقة الاستاذة التاعي ربي يجازيها كل خير في تحليل النصوص والأبعاد لي راهي تقيم بيها هي ,خاصة اللغة العربية

تاع الباك كانت تكتسي بالطابع الرمزي بزاااااااااف ,, المهم كنت مرة في الأسبوع نحاول نقرا القواعد لي درناهم كاااااامل ونفهمهم

ولي تاع حفظ نحفظهم كيما الإعراب تاع إذ وإذا ...... إلخ ,, والصراحة كنت كل مساء من نروح للدار نحل موضوع استعملت كتاب الموجه

هو كتاب قيم بزااااااف بزااااااف وتاني مواضيع البكالوريات السابقة ,, وما نكذبش عليكم بلي أول فرض درناه فيها كنت كيما انتوما

خارج نطاق التغطية وديت فيه 8 ,, ما تخافوش خلاص مزالكم في البداية حاولو تعطيوها شوييييية من وقتكم مثلا حل موضوع مش راح يدي

منكم اكثر من 40 دقيقة

نتمنى نكون افدتكم ولو بالقليل ربي يسهلك ويبلغكم مقاصدكم وان شاء الله نشوفوكم كاااااااامل من الناجحين بل المتفوقين

موفقيـــــــــــــــــــــــــــــــــــــــــــــ ــــــــــــــن والله المستعان