ارجوكم اريد حلا

[خولة 96]

السلام عليكم ..............














كسف الحال ان شاء الله بخير
و ما عندكمش المشكل لي عندي
ارجوكم اريد حلا
بيلز ما عرفتش كيفاش نراجع و نقرا في الدار و في الليسي رانا غير نزعقو برك
و اذا قريت في الدار نقرا المات برك
حابة نبدا نحفظ و ما لقيتش الطريقة الانسب
عاونوني

[الجميلة انا]

كل يوم عاودي واش قريتي ف القسم تع المواد العلمية و خايري ف الليل ولا ف الصباح بكري باش تحلي غير التمارين تع كاش مادة علمية
اما المواد الادبية خليها لنهاية السبوع يعني الجمعة و السبت اما الخميس مساءا ما تقراي والو ارتاحي فيه
و ربي يعيننا

[خولة 96]

ان شاء الله بارك الله فيكي علا ردك العطر

[الوجہ البَشوش]

كامل هكذااا

استعيني بالكتب الخصوصية و حلي منها تمارين محلولة
كل يوم خصي مادة أساسية
دروس الحفظ بيومي الجمعة والسبت


بالتوفيق

[اريج الاخلاق]

سلام خولة العزيزة
اتمنى انك بخير
انا كنت ملخبطة كيفك
لكن الان نظمت وقتي وليت نقرا كل يوم مادتين علميتين ونحل التمارين تاعهم
ومواد الحفظ نقراها الصباح بكري ويومي الجمعة والسبت
لكن انا ماعرفتش وقتاه نراجع المواد الادبية
على خاطر نبقى غير نحل في التمارين وراني ناسيتهم كامل
المهم ربي يوفقنا ان شاء الله
ولازمك تنظمي وقتك اختي
دمتي بخير والى الملتقى في ............

[اريج الاخلاق]

عليكي ان تقسمي وقتك ايضا وانت تتحكمي فيه ماشي هو يتحكم فيك
ديري كيما طريقتي
انا مثال نقول نراجع الرياضيات في ساعة ونصف
كي تكمل الساعة ونصف مانقولش خلي نكمل هذا التمرين لالالالالا ديراكت نسكر حوايج الرياضيات ونبدا في كاش مادة ادبية هذا اذ تذكرتهم وكي نكمل نراجعها هاذيك المادة نسكر ونروح ااعلوم او فيزياء
المهم راني ثرثرت عليك ياسر اسمحيلي

[خولة 96]

لالالالالالالالالالالا اختي انجلايا بالعكس كلامك من ذهب

[raouf one]

السنة ثانية ثانوي و الله سهلة كل درس تدرسيه راجعيه في يومه سواء مواد ادبية او علمية

و بالنسبة لدروس خصوصية . هل تدرسين ؟

[gFx designer DZ]

خويا خاصك تنظم وقتك واستخدم ذكائك في التخطيط الجيد عليك بالتخطيط
يعني الصباح كي تنوض قول مثلا أنا اليوم الصباح نضت على ال6 صباحا حل تمرين تاع علوم و روح تقرا وكي ترجع العشية على 5 ريح شوي وحل تمرين فيزياء ومبعد راجع عاديا وتم على هذا المنوال هذا فقط مثال صغير و أنتا ثاني خير الطريقة لي تساعدك ونظم جهدك من هنا الى غاية نهايةا لسنة