خطيبي يغير رأيه فجأة

[بنت غليزان]

السلام عليكم سبق و أن طرحت هاته المشكلة في قسم مشكلتي لكن لم اتوصل إلى حل لانها مسألة صعبة و حساسة و لا أريد التسرع فيها و أطلب من الاخوة الكرام ذوي الخبرات و المعرفة أن يرشدوني بعد قراءة تامة للقصة

باسم الله :
مشكلتي قد تبدو لكم بسيطة لكنها تؤرقني
انا مخطوبة و قرنت العقد المدني و الشرعي لكن لم تتم الدخلة بعد
المشكلة تكمن في ان خطيبي عند الخطبة اتفقت العائلتين على شروط و من بينها عملي و السكن الفردي علما انه يمتلك مسكن خاص و ليس له عمل دائم
لم اشترط عليه الا ما يقدر عليه و تغاضيت عن عدة اشياء لو كانت مكاني فتاة اخرى لما صبرت و قلت كله يهون لآننا سوف نسكن بمفردنا و نعيش بحرية و استقرار
على فكرة أبوه توفي منذ حوالي شهر و كان رحمه الله متشدد كثيرا .
و لكن عندما اقترب موعد زفافنا غير شرطه و قال لي تسكنين مع اهلي رضيت ام ابيت و انسي السكن الفردي و لكنه كان شرطي و ايضا رغبته منذ البداية و هو كان موافق
علما ان امه ليس لوحدها معها اخيه و زوجة أخيه
قطع الاتصال بي لكنني اتصلت به و قلت لابأس أن انتظر و لا أتسرع .لا و بل طلبت ان اقابله وجها لوجه لان كلام الهاتف لم يجد نفعا

و بالفعل تقابلنا و لكنه مصر لماذا لا أدري؟

قال لي ابي الذي كنت خائف ان لا اتعاشر معه قد مات

و سأبقى هنا و هذا البيت بنيته انا حجرة بحجرة قلت له لكن هدا شرطي ووعدتني بان نستقل في بيتنا

ثم بقي ساكتا و رفض حتى مناقشة الأمر معي قلت له لو أمك لوحدها لسكنت معها عادي لكن هناك زوجة اخيك و بدأ يعطيني أسبابا جد جد تافهه و غير مقنعة أكاد أجن

قلت له تعرف انني انا امرأة عاملة لا أريد لاحد أن يحاسبني عن شغل البيت عندما أكون في بيتي أفعل ما أشاء و آخذ حريتي في ملبسي و أكلي الى غير ذلك

ثم قال لي اذا لم تتعاشري مع أهلي سوف يكون لنا مطبخ خاص بنا وحدنا تخيلو؟؟؟؟؟؟
قلت له كيف المنزل جاهز من كل شيء و ندير حشايش في الدار

و أهله بالدرجة ( مزيريين بزاااف) أغنياء لكنهم بخلاء يعزون حتى الأكل الجيد في أنفسهم لكن زوجي ليس مثلهم

الآن سوف يحدد موعد العرس بعد حوالي شهر او شهرين

انا قلت لن اقطع علاقتي معه لكن عند الاتصال مع اهلي لإعلامهم عن موعد العرس سوف اترك ابي و امي يفكرانه بشرطي ووعده ان كان عنده وعده فتبارك و ان بقي مصرا فكل واحد في طريقو

[مريم الصابرة]

السلام عليكم اختي
إسمحيلي نقولك إنت الغالطة هنا راحا ناقشك
شوفي هو ما حقش عليه تفاهمتو ويدور في هدرتو لأنو في البداية قبل وتفاهمتو
لكن اختي باباه توفى والمشكل ما راهش في باباه ما يتعشرش المشكل ما حبش يخلي يماه ودارهم تقلوليلي خوه كاين لكن هو حب يريح في دارهم
وراكي لما رفضت ومديتي اسبابك لأنك عاملة راه قالك ديري كوزينتك وحدك هنا ما ندو ما يزيدلك
إنت روحي تزوجي وشوفي الحياة وبعدها كان ما عجباتكش قوليلو وما تمديش الأسباب لتخسري خطيبك وراه قريب العرس وتندمي
اختي المهم راجل يتزوجك ويسترك وتستريه ويكون محترمك ويتحترميه علاه تعلقو حياتكم على أمور مادية معناها المهم دار ساترتكم ما يهمش نتاعكم او نتاع أهلو بٍرأي راكي غالطة وشوفي راني معاك كل مرا تحب تسكن وحدها لكن اختي الله غالب هذا ما قدرلك الله يعني تتراجعي على جال دار معناها خطيبك هذا يسوى عندك دار وتخليه على جال ما سكنكش وحدك او إنت دايتها من باب عند وعدني ازم يوفي الله غالي كاين ظروف تدخل تخلي الواحد يبدل هدرتو وهذا ما راهش دليل تحسبيه متقلب المزاج دخلو ظروف خلاوه بدّل رأيو موفقة

[بنت غليزان]

المشاركة الأصلية كتبت بواسطة مريم الصابرة

السلام عليكم اختي
إسمحيلي نقولك إنت الغالطة هنا راحا ناقشك
شوفي هو ما حقش عليه تفاهمتو ويدور في هدرتو لأنو في البداية قبل وتفاهمتو
لكن اختي باباه توفى والمشكل ما راهش في باباه ما يتعشرش المشكل ما حبش يخلي يماه ودارهم تقلوليلي خوه كاين لكن هو حب يريح في دارهم
وراكي لما رفضت ومديتي اسبابك لأنك عاملة راه قالك ديري كوزينتك وحدك هنا ما ندو ما يزيدلك
إنت روحي تزوجي وشوفي الحياة وبعدها كان ما عجباتكش قوليلو وما تمديش الأسباب لتخسري خطيبك وراه قريب العرس وتندمي
اختي المهم راجل يتزوجك ويسترك وتستريه ويكون محترمك ويتحترميه علاه تعلقو حياتكم على أمور مادية معناها المهم دار ساترتكم ما يهمش نتاعكم او نتاع أهلو بٍرأي راكي غالطة وشوفي راني معاك كل مرا تحب تسكن وحدها لكن اختي الله غالب هذا ما قدرلك الله يعني تتراجعي على جال دار معناها خطيبك هذا يسوى عندك دار وتخليه على جال ما سكنكش وحدك او إنت دايتها من باب عند وعدني ازم يوفي الله غالي كاين ظروف تدخل تخلي الواحد يبدل هدرتو وهذا ما راهش دليل تحسبيه متقلب المزاج دخلو ظروف خلاوه بدّل رأيو موفقة

و عليكم السلام اختي اولا شكرا لك لردك على موضوعي
ثاني شيء يا أختي أنا من سابع المستحيلات نعيش مع اهلو
اولا أخوه مدمن كحول
ثانيا راني نقولك بلي مزيريين بزااااف و انا ما غاديشس نصرف عليهم و في نفس الوقت ما نموتش بالشر
ثالثا علابالي قاع نروح وندير داري تما و ما نلقاش راحتي لانو كل واحد يحكم في هاديك الدار الاخت تحكم و الاخ يحكم ما نحش رووحي ألاز ناهيك عن انه خالف شرط من شروط الزواج
أختي و تاع هادي روحي تزوجي و شوفي انا ما تخرجنيش لانو مانيش باغية حتى نوصل و نرجع لدارنا لاني مقتنعة اني مانقدرش نعيش معاهم

[samira135]

بما انك مش مقتنعة انك تسكني مع أهلوا قوليهالو بصــــراحـــة نسكن وحدي ولا ننفصلوا اما باش دخلي والديك ممكن يظن انو هذا رأيهم هما وانتِ قابلة

[achwak crazy girl]

معليش ختي انا نشارك الاخت سميرة الراي لانووو انت غالطة صح مدخليش والديك في النص هكذاك يعتبرها الراي ديالهم ماهوش ديالك المهم اخت انت شوفي واش يخرج عليك اذا راك صح حابة منزل خاص زيدي قوليلو وحاولي واذا محبش كيما قالت الاخت مريم لازم تعيشي حياة تما متعرفي بلاك يتبدل كل شىء حنا معلابالناش واش راهي الدنيا نخبية لكن انصحك متتسرعيش في قرارك لانو الموعد اقترب بزااف

[* الحلم سكر *]

السلام عليكم
اختي بصراحة انا جا في بالي ممكن راه يخمم في الميراث يقلك بعد وفاة الوالد انا تعبت و بنيت و خسرت و غيري يديها بالواجد انا هكذا خممت مي يبقى تخمين و الله اعلم الصح غير هو علابالو بروحه
نقلك حاجة في كل الحالات ما تخميش وحدك عندك اهل خطبك منهم يتفاهم معاهم و هوما اكيد راح يشوفو الموضوع بزوايا عدة خاصة اذا الامر كيما قلتي و مستحيل تعيشي معاهم انتي وحدك تعرفي الوضع مليح
ربي يوفقك للي فيه الخير يا رب

[مريم الصابرة]

المشاركة الأصلية كتبت بواسطة بنت غليزان

و عليكم السلام اختي اولا شكرا لك لردك على موضوعي
ثاني شيء يا أختي أنا من سابع المستحيلات نعيش مع اهلو
اولا أخوه مدمن كحول
ثانيا راني نقولك بلي مزيريين بزااااف و انا ما غاديشس نصرف عليهم و في نفس الوقت ما نموتش بالشر
ثالثا علابالي قاع نروح وندير داري تما و ما نلقاش راحتي لانو كل واحد يحكم في هاديك الدار الاخت تحكم و الاخ يحكم ما نحش رووحي ألاز ناهيك عن انه خالف شرط من شروط الزواج
أختي و تاع هادي روحي تزوجي و شوفي انا ما تخرجنيش لانو مانيش باغية حتى نوصل و نرجع لدارنا لاني مقتنعة اني مانقدرش نعيش معاهم

السلام عليكم
آه قولينا هكذا كي ولات هكذا يا اختي ما دمريش حياتك يعني اشرطي دارك لأانو دارتوها فالشرط وباباك يحكي معاه كان هكذا اوك كان لالا ربي يجيبلو ويجيبلك احسن من تولي مطلقة بعيد الشر
وإن شاء الله لما يشوف باباك هدر يبدل رأيو إن شاء الله من الأحسن تبعدي عليهم ما كنتش عارفة باللي دارهم هكذا احسن ليكم كلكم
موفقة وإسمحيلي على رأي ما كنتش عارفة ظروفهم هكذا موفقة

[أم عامر]

حقك يا أختي تشرطي واش يليق بيك في عقد الزواج
اذا قبل كان بها ما قبلش خلاص
و أنت تعرفي قدراتك
تعرفي أنك ما تقدريش تعيشي مع أهله ،حاولي تقنعيه
ومعليش يتكلم معاه والدك ولا أخوك يفكروه بالوعد اللي قطعه
و خاصة أنه عنده سكن جاهز
نشوف في الإجابات و كأنه هذا الرجل آخر رجل في الدنيا
لو ما تقبلش بشروطه راح تضيع
لا ماشي هكذا
الزواج رزق و مكتوب واش كتبلك ربي يكون
معاه و لا مع غيره
و ما تعرفيش الخير وين راه
تكملي معاه و لا توقفي
المهم شوفي اللي يساعدك واستخيري و زيدي شاوري أهلك
و ربي يخرجها على خير

[بنت غليزان]

المشاركة الأصلية كتبت بواسطة samira135

بما انك مش مقتنعة انك تسكني مع أهلوا قوليهالو بصــــراحـــة نسكن وحدي ولا ننفصلوا اما باش دخلي والديك ممكن يظن انو هذا رأيهم هما وانتِ قابلة

شكرا لك أختي
قلت له اني غير مقتنعة منذ البداية
ووالديا لازم ندخلهم لاني انا ماتزوجتش معاه غير وحدي و راهو عارف بلي هادي رايي و راي والديا منذ البداية

[بنت غليزان]

المشاركة الأصلية كتبت بواسطة achwak crazy girl

معليش ختي انا نشارك الاخت سميرة الراي لانووو انت غالطة صح مدخليش والديك في النص هكذاك يعتبرها الراي ديالهم ماهوش ديالك المهم اخت انت شوفي واش يخرج عليك اذا راك صح حابة منزل خاص زيدي قوليلو وحاولي واذا محبش كيما قالت الاخت مريم لازم تعيشي حياة تما متعرفي بلاك يتبدل كل شىء حنا معلابالناش واش راهي الدنيا نخبية لكن انصحك متتسرعيش في قرارك لانو الموعد اقترب بزااف

شكرا لردك يا اختي هدا من ضمن شروط الزواج لازم اهلي يكونو في الصورة

[بنت غليزان]

المشاركة الأصلية كتبت بواسطة pgcd

السلام عليكم
اختي بصراحة انا جا في بالي ممكن راه يخمم في الميراث يقلك بعد وفاة الوالد انا تعبت و بنيت و خسرت و غيري يديها بالواجد انا هكذا خممت مي يبقى تخمين و الله اعلم الصح غير هو علابالو بروحه
نقلك حاجة في كل الحالات ما تخميش وحدك عندك اهل خطبك منهم يتفاهم معاهم و هوما اكيد راح يشوفو الموضوع بزوايا عدة خاصة اذا الامر كيما قلتي و مستحيل تعيشي معاهم انتي وحدك تعرفي الوضع مليح
ربي يوفقك للي فيه الخير يا رب

شكرا لردك اختي
لكن الميراث ياك غادي يدو قاع كيف كيف يا لو كان هو الي بنا الدار و لا راني غالطة شكون باغي يشوف فيه

[بنت غليزان]

المشاركة الأصلية كتبت بواسطة مريم الصابرة

السلام عليكم
آه قولينا هكذا كي ولات هكذا يا اختي ما دمريش حياتك يعني اشرطي دارك لأانو دارتوها فالشرط وباباك يحكي معاه كان هكذا اوك كان لالا ربي يجيبلو ويجيبلك احسن من تولي مطلقة بعيد الشر
وإن شاء الله لما يشوف باباك هدر يبدل رأيو إن شاء الله من الأحسن تبعدي عليهم ما كنتش عارفة باللي دارهم هكذا احسن ليكم كلكم
موفقة وإسمحيلي على رأي ما كنتش عارفة ظروفهم هكذا موفقة

شكرا لك مرة أخرى بالعكس احترم رأيك لانه كان صريح و بكل احترام
و انا كذلك راني مخليتها لوالديا

[بنت غليزان]

المشاركة الأصلية كتبت بواسطة أم عامر

حقك يا أختي تشرطي واش يليق بيك في عقد الزواج
اذا قبل كان بها ما قبلش خلاص
و أنت تعرفي قدراتك
تعرفي أنك ما تقدريش تعيشي مع أهله ،حاولي تقنعيه
ومعليش يتكلم معاه والدك ولا أخوك يفكروه بالوعد اللي قطعه
و خاصة أنه عنده سكن جاهز
نشوف في الإجابات و كأنه هذا الرجل آخر رجل في الدنيا
لو ما تقبلش بشروطه راح تضيع
لا ماشي هكذا
الزواج رزق و مكتوب واش كتبلك ربي يكون
معاه و لا مع غيره
و ما تعرفيش الخير وين راه
تكملي معاه و لا توقفي
المهم شوفي اللي يساعدك واستخيري و زيدي شاوري أهلك
و ربي يخرجها على خير

شكرا لردك اختي الفاضلة
و الله انا بغيت نحل المشكل و نقعو غير بيني و بينو لكن لم يعرني اهتماما فقلت اللهم نقول لواديا هو يعرفو صلاحي احسن بكثير مني

[السي ياسين]

انا في رايي اطلبي الطلاق و خلاص

مادام راكي كارهة الفكرة لهذه الدرجة

و مُصرة ( انتي ثاني ) على العمل و السكن المنفرد

لن تعيشي معه في توافق و مودة و حُب

[mitrochka]

للاخت صاحبة الموضوع
حاولي تزيدي تهدري مع خطيبك
جاني الأمر غريب تملكان بيتا منفردا و تفاهمتما على ذلك قبل الخطبة
ثم يغير رأيه بلا سابق إنذار
ربما صدمه موت والده