اقنعوني !!!!

كادي12 · 2013-10-16, 13:31

في هذا الوقت الحالي يقال ان اي واحد يجي يخطب لازم يعود مصاحب البنت والا يقابل بالرفض لان البنت تنظر لرجل غيره
هل هذا يعني انه مكانش بنت بلا صداقة ؟؟وان الصحبة شرط اساسي قبل الخطبة ؟؟؟ بين هذا وذاك اعطونا الفايدة خاصة لي خطب او خطبوها في هذا الوقت الاخير

ايمان ألماس · 2013-10-16, 13:34

انا الصراحة ما اقدر اتزوج حد ما اعرفه ومستحيييييييييييييل اقدر اتعايش معاه.

مراد الأمل · 2013-10-16, 14:48

اقتباس:

المشاركة الأصلية كتبت بواسطة roubix7

انا الصراحة ما اقدر اتزوج حد ما اعرفه ومستحيييييييييييييل اقدر اتعايش معاه.

يا سلاااااااااااام بوركت أختنا الفاضلة،،،

زرقـآء اليمآمـة · 2013-10-16, 14:56

ماكانش منها
البنات لسن متشابهات
فإبنة واحد يضل يجري وراء المال ويحوس على المناصب
او بنت واحد كثير السهرات والصفقات
مشي كيما بنت واحد موظف عادي وقانع
احنا ما عندناش الصحبة بعد الخطبة
توكّل على الله فيمن تراها تناسبك وان نفر عقلك قبل قلبك
حاول الاقناع
وان فشلت فخيرها في غيرها
بصراحة بزاف بنات في هذا الوقت يحوسوا يلعبوا خاصة الصغيرات
الله المستعان

مراد الأمل · 2013-10-16, 15:03

اقتباس:

المشاركة الأصلية كتبت بواسطة كادي12

في هذا الوقت الحالي يقال ان اي واحد يجي يخطب لازم يعود مصاحب البنت والا يقابل بالرفض لان البنت تنظر لرجل غيره
هل هذا يعني انه مكانش بنت بلا صداقة ؟؟وان الصحبة شرط اساسي قبل الخطبة ؟؟؟ بين هذا وذاك اعطونا الفايدة خاصة لي خطب او خطبوها في هذا الوقت الاخير

السلام عليكم أخي،،
صحيح فكرتك منتشرة بكثرة في زماننا وللأسف الشديد أن كثير من حالات الخطبة تم رفضها أو فسخها بسبب أن البنت والشاب لا يعرفون بعضهم أو بمفهوم آخر ليسا على علاقة من قبل ،، رغم أنو لا ديننا ولا عاداتنا تقول بهذا الشيء لكن نحن في زمن العجائب والغرائب،،
نقول شيء فقط حدث معي مؤخرا : نويت نخطب فتاة شفتها يمكن مرة واثنين فقط ،، لما كلمت أحد جيرانها عن عايلتها تصدمت أنو قالي هل أنت على علاقة بها؟؟؟ وزاد أنو إذا أنت على علاقة بها القبول رح يكون سهل جدااا!!!!!!!!!!!!!!!!!!!
ههههههه وأنا والله عمري ماكلمت البنت أبدااا ،، المهم أخي حبيت نقولك وقتنا تعكست فيه كثير من المفاهيم
لكن بالمقابل الإنسان عندما يبتعد عن هذه الأمور والشبهات أكيد أن الله عز وجل يوفقه في الحصول على زوجة صالحة تسعده طوال حياته ،، يعني أنت إذا لم تكن على علاقة بأيه فتاة وناوي تخطب ربي يسهلك ويعطيك على حساب نيتك
موفق أخي

كادي12 · 2013-10-16, 15:47

شكــــــــرا على مروركم

ايمان نور الجزائر · 2013-10-16, 16:27

ماكانش منها هاذي
مازال هناك خطبة تتم بطريقة الرجل يختار فيها وممكن يكلم البنت
او يطلب رايها فقط ثم الخطوبة ماشي يتطور الامر الى مصاحبة او ماذا تسمى
لا تخف ...لن يقابل بالرفض اذا وجدت البنت ما ترجوه من زوج المستقبل
وهذا ما حدث معي

عماني نور · 2013-10-16, 17:55

في زمننا هذا قلييييييييييييييييييييييييييييييل الي تلقاهم يتخطبو بلا ما يعرفو بعضاهم و يكملو الخطبة

و هذا ليس مقياس ،، كاين ناس تاني نعرفهم اتزوجو عبر الأقارب ،، الأحباب ،، و راهم عايشين حياتهم لاباس بيهم " الحمد لله "

لكن ،، انك تتزوج واحدة ماراكش عارف حتى كيفاش تفكر ،، كيفاش تخطط هاذ الطفلة لمستقبلها ،، كيفاش دايرة ،، كيفاش تهدر ،، كيفاش تتعامل ،، انا بالنسبة ليا تهور

يعني ماشي كي تخطب ،، و تتسمى خاطب و الطفلة مخطوبة أومبعد اذااا شفتو رواحتيكم ماشي مناسبين لبعض تفسخو !!

و ماشي لازم يتعارفو 10 سنين اومبعد يتخطبو

يعني ،، انا شخصيا مع التحدث مع الشخص قبل الخطبة ،، و انا خطيبي مامشيتش معاه ،، عرفنا بعض مدة 6 اشهر تقريبا لكن معرفة سطحية (( يعني كنا نتلاقاو مع بعض في اجتماعات ،، لقاءات ،، كل هدرة بيني و بينو كانت امام جماعة )) لكن بعد فترة اتقربنا من بعض ،، وولينا اصدقاء (( ماشي احباب

)) لمدة شهر تقريبا ،، هو اقتنع ،، انا اقتنعت ،، هو قرر ،، انا وافقت

على الأقل عرفت الشخص الي رايحة نرتبط بيه كيفاش يفكر ،، واش يدور في راسو ،، لوين ناوي يوصل ،، كيفاش حاب يعيش ،، واش نظرتو للزواج ؟؟ " يا اخي ع الأقل نحس بلي هذا الشخص اختارني انا من بين كل نساء العالم ^^ "

ماشي تجيني امرأة شافتني في عرس ولاّ فالحمام تقولي نديك لوليدي ،، " مع احترامي " ،، انا نتزوج بيه ماشي بيماه ،، يعني لازم نعجبو هو ،، و يقتنع بيا هو ،، و يختارني هو عن قناعة و اعجاب و حب ...

و كل واحد و رأيو

AMINA.Z · 2013-10-16, 18:29

المصاحبة مرفوضة

و الزواج على العمياني مرفوض

ربي يسهل ان شاء الله

la perle noir · 2013-10-17, 19:26

اخي الفاضل مشي كامل البنات يصاحبو كاين لي خاطيهم .مثلا انا وحدة من الناس راني حابا زواج تقليدي يجي يخطبني من بابا ما يعرفني ما نعرفو .و اكيد لو تكلم معي في الشارع او مكان دراستي قطعا سارفضه .و اكيد ستجد انسانة تقبل شخص لا تعرفه مسبقا .المهم يكون انسان صالح و خدام و اكد على خدام
بالتوفيق لك في ايجاد الزوجة الصالحة

السي محمد · 2013-10-17, 20:19

تحب نقنعوك بحاجة ماكاش منها في الشرع؟؟؟؟

شكون هذا اللي يشرط التعارف و التمسخير قبل الخطبة؟؟؟

و إذا تم فسخ الخطوبة الفترة هاذيك واش نسموها؟؟؟

جمعي البشاري · 2013-10-17, 20:59

ربي يرزقك بزوجة صالحة

~~نايفز55~~ · 2013-10-17, 21:04

يخي عندك بنت خالك وبنت عمك وبنت جارك هذم يعرفوك اذا روح اخطب اي وحدة منهم وخلاص

naamane3 · 2013-10-17, 21:06

ناس غالطين وحابين يغلطوك معاهم
اعلم جيدا ان اي علاقة قبل الزواج كلها كذب في كذب
وبعد الزواج يبان الكذب وتبدأ المشاكل
ابحث وكلا تكل فان كنت صالحا حتما ستجد من هي مثلك
والله المستعان

sali-sali · 2013-10-17, 21:09

السلام عليكم

كاين شي اسمو الرؤية الشرعية
تما فيها اما قبول او رفض

بدون مصاحبة كما قلت