كبير لكن لا افكر تفكير الكبار

[مشكلتي]

السلام عليكم ورحمة الله تعالي وبركاته

انا شخص لكن لا افكر في كالكبار يعني كاصدقائي يريدون الوظـــائف والعـــمل والزواج

عندي 3 اصدقاء كل واحد لديه عقار اشتراه ب3 او اربعة ملايين الان العقار ارتفع ثمنه ب20 و 25 مليون

المهم لا اعرف كيف افكـــــــــــر انا نضال طالع هابط متكل علي منحة ( 700 الف )نــــخدم يومين في السمانة واخلاص

المهم بديت نندم شوية كيفاه ندير يعني باه نولي انسان عادي يعني يخمم تخمام كيفهم

سجلت في الباك حر فقط لكن اعرف اني لا اريد تضييع عام اخر من اجل البكالوريا 25 سنة راه وقت زواج

المشكلة بدات تورقني

وشكراا وبارك الله فيكم

[السي ياسين]

فوّت العسكر

أو

شوف وحدة بنت فاميلا اخطبها

تبدا تخمم تخماما الكبار

مش تخمم برك ........تمخمخ في التخمام


انا صراتلي و نقولها لك عن تجربة

[○•ميسون•○]

كيما قال الاخ روح للخدمة العسكرية و راح تضمن خدمتك عسكري

و من تم تزوج و راح يكون عندك مستقبل

[hloukaman]

السلام عليكم ورحمة الله وبركاته
أخي في الله أنت في يدك الحل،المشكل الأول أنك تؤرق نفسك بالتفكير السلبي على أنك لا تستطيع فعل شيئ
من هنا تكون نقطة الإنطلاق الحلم والتمني لن تصل إليهما دون السعي لاتنظر للآخر ،على أنه أفضل منك كل واحد وطريقته في العمل
فكرة جيدة إكمال الدراسة بالعكس لا تأخذسنة من حياتك اجتهد وطلب العلم ليس له سن
لربما انشاء الله وتفوقت ستفتح لك أبواب أخرى كانت مغلقة من قبل
لا تيأس لا زلت في مقتبل العمر
الإجتهاد والسعي سيوصلونك إلى مبتغاك

[فحلية]

بسم الله
اجعل لنفسك هدفا واسعى إليه
تحدى نفسك بأنك تقدر أن تشتري عقار وسيارة في ظرف سنتين
اعمل واجتهد

[بنت النخلة]

اذا راك عارف خطاك لماذا لا تصححه الحل بيدك اذا ابدا خمم تخمام كبار اما عن الزواج كيما قالولك الاعضاء فخمم فيه اولا مليح هل انتقادر على فتح بيت والانفاق على شريكة حياتك وعل الاولاد بعد ذالك زيادة على ذالك البيت وغيرها وتوكل على الله وشمر على يديك فالله يحب اليد العليا والرسول حث على العمل

[سفير الأيام]

تزوج ................. مجرد النية للخطبة

تولي تحس وتولي ماترقد بالتخمام

[sadako01]

عسكري غير فوتها راك باغي تنجح في حياتك تبع الدراهم

[عاشقة العلم والمعرفة]

لازم تحس بالمسؤولية عندها تولي كبير في عقلك وتخمم كي الكبار

[abdelhamid24]

يا اخي ورينا هذا العقار تاع 20و 25 مليون
و الله نولي نخمم في بلاصتك

الله يفتح عليك و على كل الاخوة........اميــن

[yacine-08]

مافهمت وااالو

خويا انت ماعندكش دراهم ماراكش تخمم كي الكبار

كل شخص لديه اولوياته ليس من المضروري تخمم كيما ناس اخرين