مهرجان السردين من مطبخي

[ام حمزة22]

اخواتي الكريمات ان شاء الله تكونوا بالف خير انتم وكل علئلتكم

اليوم حبيت نقدملكم اطباق متنوعة من السردين

هدا الاسبوعين سعر السردين راه معقول بين 200دج و300دج وطازج

زوجي ربي يحفضو ويخليه قال نستغل فرصة نزول سعر السردين قبل ما يلحق سعره ل800دج

وانا بدوري استغليت الفرصة لتقديم الاطباقي المفضلة لعائلتي

نبدا بسم الله الوصفة الاولى سردين بالدرسة كيما نقولو بالدارجة مشيطات

نغسل مليح السردين ثم نحطو فالكسكاس يقطر مليح

نحضر الدرسة لي معتامدتها المتكونة من فلفل دريس وكمون وثوم وملح
انا محضرة فالمجمد كمية معتبرة من الدرسة لكن بدون كمون لاستعمالها لعدة وصفات مثل شطيطحة لحم او دجاج .........
نفرغ الدرسة على السرجين ونخليه يتشرب مليح
بعدها نرمد السردين فالفرينة ونكون مجموعات مجموعات من 3 او اربع حبات سردين حنا نسموها مشطة سردين
الفرينة لي تقعدلنا بعد ما رمدنا كل حبات السردين نفرغها فالاناء لي كان فيه السردين يتشرب الدرسة
نضيف للفرينة زيت وملح وكمون وفلفل عكري نبسسها مليح قم نضيف الماء حتى تتكون عحينة نخدم بيها خبيزات زغار نسميوها القرسة نقطة فوق القاف

نقلي السردين وفي نفس الزيت نقلي القرصات














الوصفة التانية هي سردين فالكوشة

بعد ما نقي سردين وننزعلو الشوك اضع طبة من السردين في سنية او بلا
الكبقة التانية تكون متكونة من بصل ومعدنوس وبيض وملح وفلفل اكخل نخلك الكل ونضيفو على طبقة السردين
بعدها نضيف طبقة اخرى من السردين لكن على الوجه
نضيف شرائح الطماطم والرند ونضيف القارص اناكان عندي فالمجمد على شكل عصير
نضيف فالاخير زيت ثم نمرق وندخلها للفور حتى تشرب المرق









الوصف الثلثة شطيطحة سردين

بعد ما نقي سردين وننزعلو الشوك ثم نلسق الحبة مع ختها
من جهة اخرى نحضر الصلصة المتكونة من الدرسة لي دكرتها سابقا بكل توابلها مثل وصغة السردين بالدرسة نضيف لصوص الزيت و الرند
نخلي الكل يتقلى بعدها نمرق ونضيف ربع ملعقة طماطم مصبرة
بعد ما تغلي الصوص نضيف حبات السردين ونخليه يطيب ما ياخدش بزاف الوقت








الوصفة الرابعة ضولمة سردين

نقي السردين وننزعلو الشوك نضيف عليه بصل ومعدنوس وحبة بيض وملح وفلفل اكحل
امزج مليح الخليط ونكون كريات قد حبة الجوزة
من جهة اخرى نحضر الصوص ومكوناتها نفس مكونات شطيطحة سردين لكن نكثر شوية طماطم مصبرة
ولازم يكون المرق اكثر شوية لان السردين فيه الروز
بعد ما تغلي الصوص نضيف كريات السردين بعد ما يطيب نطفي عليه









هنا غليت الشوك مع وريقات رند ومرقت بيه والله زاد بنة على بنة
هده الفكرة خديتها من عضوة كانت علقت في موضوع زخرفة بارك الله فيهما وجزاهما كل خير على ما فدموه في ميزان الحسنات يارب