أول مشاركة لي * المعمول المعسل * هايل

أم أبوبكر · 2012-09-04, 20:06

السلام عليكم و رحمة الله تعالى و بركاته

إنشاء الله كل أعضاء المنتدى بخير و عافية يا رب

هذه أول مشاركة لي في المنتدى جبتلكم قاطو هايل* المعمول *جربتوا في عيد الفطر أخرجلي هايل طري و هش

بدون إطالة خليكم مع المقادير و طريقة التحضير

1* المقادير :

250 غ مارغرين طرية ومن الأحسن نوع فلوريال
02 حبات بيض
02 مغارف كبار سكر عادي
02 خمارة كيميائية
لفاني
03 كيسان سميد من النوع المتوسط
02 كيسان فرينة

2*- الحشو :

03 عبار كاوكاو محمص و مطحون
1/2 كيلة سكر عادي
مغرف صغيرة قرفة مطحونة
لفاني
عطر اللوز
ماء الزهر للم الحشو

كيفية التحضير :

أول في قصعة نضع المارغرين الطرية + البيض + السكر + لفاني + الخمارة و نلم ثم نضع السميد و الفرينة بالتناوب ليس

دفعة واحدة أي نفرغ كأس السميد الأول ثم كأس الفرينة بمعنى مرة نضع السميد ومرة أخرى نضع الفرينة حتى نكمل

كل الكيسان وبعدما تتلم العجينة نخليها ترتاح قليلا و نكونوا موجدين الحشو
نصنع كويرات بنفس الحجم ثم نعمل في كل كويرة حفرة ونملأها بالحشو وبعدها في المول المخصص للمعمول كلنا

نعرفه وبعدها للفرن و يكون مشعول من التحت و من الفوق

بعد ما يطيبوا نتركهم يبردوا مليح و نكونوا موجدين العسيلة ثقيلة و باردة , نعسلهم للمرة الأولى و نتركهم يقطروا ثم نعيد الكرة نعسلهم للمرة الثانية و بعدها نحطوهم في ليكيسات و نرشوا عليهم الجلجلان المحمص

الشكل جميل و البنة أجمل

أنشاء الله أتوفق في مشاركتي **التحية و السلام لكل أخواتي بالمنتدى **

عفوا على عدم وضع الصورة لم أتمكن

مسعودي خولة · 2012-09-04, 20:23

امممممممممممم اذا معسل باين بنين يعطيك الصحة اختي ومرحبا بيك معانا نشالله تستفيدي مغلطتيش كي سجلتي وكي عدت اول وحدة ترد لازم يكون عندها حقها من المعمول هههههه نورتي المنتدى اختي

OU SS AMA · 2012-09-04, 20:24

Baraka allaho fil wasfa gaula w blasants bidni Allah jazaki allaho hkayran

ويناروز · 2012-09-05, 13:27

يعطيك الصحة اختي

manel dima · 2012-09-05, 13:30

راااااااااااااااااااااائع بارك الله فيك

الصوامعية · 2012-09-05, 18:07

الله الله على هذاك المعمول يبان هااااااااايل بلا ما ذقتو راني حاسة بيه يذوب فالفم يعطيك الصحة أختي وصحبتي و بنت بلادي أم أبو بكر كاش نهار نجربو ونرجعلك الخبر
في إنتضار جديدك سلامي لجميع العائلة

[IMG][/IMG]