كرهت ....شخص اسمو ام زوجي

[أم عيد الله ولجين]

كرهتها كرهتا كرهتها ..................................
كل وش ندير مايعجبهاش الخطأمني مش مغفور بل جريمة من غيري لاتسمع ولاتحكي ولابتشوف ......
كرهتها كرهتها كرهتها .............
قبل مانتزوج نحب الصباح واستقبال يوم جديد بنفسية جد مرتاحة
لكن ملي تزوجت -بإستثنا 50 يوم الاولى من زواجي سافرت - كرهت صوت عصافير الصباح والله المستعان كذلك صوت اذان الفجر لانه يبشر بيوم جديد
تعبت نفسية مرضت عقلي خمج تخيلو تعيشو مع ناس يشروهالكم على اول لقاء في الصباح جرعة لازم يعطوهالك تبداي بيها يومك التعيس
كرهت كرهت كرهت وش ندير ماكنتش كيمهاك احساس الكره والله ما نعرفو ش صدقو او لا
مايعجبنيش الشخص اسحبه من حياتي كاني لا اعرف لا اكرهه ولا احبه لكن مع ام زوجي الله يهديها الله المستعان نكتب ونبكي على حالتي وعقليتي لي تغيرت 360درجة حاسة روحي رح نهبل لو نكمل هك
انصحونيييييييييييييييييييييييييييييييييي ادعولي بجاه ربي

[سَـآجدة]

و الله أختي لا أعلم ما يجب أن أقوله لك

هل زوجك يعاملك بنفس معاملتها لك ؟؟


المهم .... حاولي ان تعامليها بلطف و عندها لن تجد لك أي سبب لتتشاجر معك فربما تتغير وجهة نظرها فيك
و ان لم تنجح معك الطريقة فما عليك إلا ان تطلبي من زوجك أن يشتري لكم بيتا جديدا تعيشين فيه مع زوجك و ابناءك


كثير من نساء وقتنا الحالي يعاملن كذلك ...

استخيري ربك و ادعي لها بالسداد

[سَـآجدة]

استخيري لله


اصلح الله امركم و سدد خطاكم اجمعين

[Fatima fato]

يا حبيبتي صبري و ربي معاك ان شاء الله
الله يصلحها و يهديها

ربي يكون معاك ان شاء الله و يفرج عليك

[loufa]

اسال الله ان يفرج همك
اختي انت عاملة ماشاء الله اطلبي دارك روحي اكري وعيشي بسلام حتى وعلى الخبز والماء
ايضا لم تذكري زوجك في صفك او لا واهلك ما رايهم
ربي يعينك ويسلكك

[ريم الوداع]

ربي يكوننننننننن معاااااااااااااااااااااااااااااااك ويفرج هم تااااااااااااااعك

[hano.jimi]

اختي ربي يصلح امورك اكثري من الاستغفار ويغير حالك من حال اللى احسن ربي يفرج عليك ان شاء الله

[**د لا ل**]

اصبري يا اختي واستعيني بالله

فما ضاقت الا و فرجت ...

استعيني بالله وعامليلها بالحسنى وكلما زادتكِ اذى زيديها حسنا

وتأكدي ان كل شيء سلف ودين

وان كل خير تفعلينه الان سيعود لكِ غدا باذن الله

وحاولي ان تنزعي مشاعر الكره من داخلك ولاتقنطي من رحمة الله ابدا

فهو القادر ان يغير حالها بين لحظة واخرى

ادعي لها بالهداية وصلاح الحال

وربي يتقبل منك ويجعلها في ميزان حسناتك باذن الله

اوصيكي بالصبر اختي ووسعي بالك معاها على الاخر كما نقول

فلن تعيش للابد فاكسبي حسن معاملتها في الدنيا ولكِ الاجر باذن الله

وفقكِ الله واصلح احولكِ

[kari yacine]

الله يهديها كاين منها
ادعي الله يفرج عليك و على كل مؤمن و ربي يهديها لانك بنتها عند ربي

[**د لا ل**]

اصلح الله احوالكِ وفرج همكِ اختي

[khadidja arrache]

اصبري يا اختي الصبر مفتاح الفرج وادعيلها في صلاتك بالهداية ربي يهديها انشالله

[أم عبد النور]

السلام عليكم

ربي يفرج عليك همك والصبر مفتاح الفرج .الكمال لله

وكاين عجايزات ربي يهديهم وميختفوش ربي في بنات الناس

أختي عامليها بالحسنى وما ترديلهاش الهدرة على خاطر ربي وزوجك

فكرتيني في وحدة بنت قاتلي كي يبان ضوء النهار نوض نجري من الخوف

لأنها اذا فاتت 7 صباحا ستعاقب أشد العقاب والعجوز تدخل لغرفة ابنها دير

كنترول على الخزانة الملابس وعلى أثاث اذا كان مغبر واذا لقات الغرفة غير

مرتبة ستعاقب أختي مراكيش وحدك لو تسمعي حكايات الناس تهون عليك معاناتك

ربي يفرج عليييك

[نايفز55]

دخت دخت دخت ما فهمت والوا

نصيحة مني عزلة حوالي تبعدي على هذا ناس ليدرولك في مشاكل

[hodahodahoda]

اصبري اختي
لا تياسي
الفرج قادم 100/100
الكثيرات منا سارتلهم مشاكل مع ام زوجهم
اصبري اختي كل شيئ ايفوت

[hanadi21]

اولا ربي يهديها ويهديكي انتي تاني نورمالمو ما تكتبيش على ام زوجك هكدا مادا لو كانت زوجة اخوكي كتبت فالنت على والدتك


حاجة مهمة الناس عادت لايهمها سوى يفرغو قلوبهم فالنت لي هو انتاع العالم كامل يقراه يعني شكيتي للعالم كامل ام الزوج انتاعك ونسيتي بلي الشكوة لغير

الله مدلة

اختي اصبري في العالم يوجد من هم اكثر منكي ربي يهديكي والله غير غاضتني ام الزوج انتاعك بكل صراحة

ربي يهديكم اجمعين