انصحوني

أمي قرة عيني · 2013-10-30, 13:57

السلام عليكم
متزوجة حديثا من> شهرين و الحمد لله على هده النعمة مشكلتي تكمن في أنني متعبة جدا في هده المرحلة فأنا بعيدة غن أهلي بحوالي 200 كلم و لم أستطع التأقلم مع وضعي الجديد رغم ما يوفره لي زوجي من راحة فدائما أبكي و اريد الدهاب الى بيت والدي اريد نصائحكن من فضلكن سيداتي دوات الخبرة

شهد* · 2013-10-30, 14:06

استعيني بالقران حبيبتي سترتاحين باذن الله

ريم الوداع · 2013-10-30, 14:13

حنونه وسعي خاطرك وشوفي جانب مشرق نتي دوك صاي راكي مرتبط بشخص تاني اهلك غير سبرميهم من حياتك لانو مش راح ينفعك حتى واحد من غير زوج تاعك صح صعيبه مي كلش مع الوقت يفوت لانو صدقني زوج تاعك راح يقلق من هذا الشيى وراح تكرهيه بلا ما تحسي لانو يحسك مكاش متقبلاتوا ومفضل اهلك عليه حنونه ربي يكون في عون تاعك
سلامو

أمي قرة عيني · 2013-10-30, 18:54

شكرا على نصائحكن حيث انني في أمس الحاجة اليها

breathless89 · 2013-10-30, 19:36

اختي طولي بالك وحاولي بشوي راح توالفي انا ثاني من بسكرة و متزوجة بعيدا وعندي عام والحمد الله والفت صح راح تبقاي تتوحشي داركم بصح راح تكوني قادرا تتحكمي في مشاعرك و ماتبكيش الراجل يقلق من المرا لي تظل تبكي على دارهم هههه التفي لاعمال المنزل و طرق ترضي زوجك وعمري وقتك هكذل مش راح تخمي بزاف فيهم ههههه

رحمة من المولى · 2013-10-30, 21:13

الله يهنيييييييييييييييييييييييييييييييييييييييييك بركاي ما تتقلشي أنووووووووشة ربي ان شاء ءالله يرزقك بأنوش و لا أنوووووووووووووووووووشة تنسيك

"جنة فردوس" · 2013-10-30, 21:31

حنونة انا بعيدة ب 700 كم على دار والدي ومانروح غير في المناسبات لاني خدامة و مي نروح يا ربي يومين الثالث نرجع في رايك نجيبها حياتي كامل و انا نبكي اكيد لا احنا حبينا الزواج امالا بسيف علينا نتاقلمو
خمي في حياتك اختي الوالدين مايدومولناش

يونس معبدي · 2013-10-30, 22:05

ربما طلبتي رأي الاخوات لكن معليش تقبلي مروري
..
هذه سنة الحياة اختي الفاضلة
وتذكري دائما ان هناك من تريد الزواج لكن المكتوب مازال
وهناك من يئست منه اصلا ولا حول ولا قوة الا بالله
موفقة اختي وربي يسهل عليك ويهنيك

زرقـآء اليمآمـة · 2013-10-30, 22:11

اقتباس:

المشاركة الأصلية كتبت بواسطة أمي قرة عيني

السلام عليكم
متزوجة حديثا من> شهرين و الحمد لله على هده النعمة مشكلتي تكمن في أنني متعبة جدا في هده المرحلة فأنا بعيدة غن أهلي بحوالي 200 كلم و لم أستطع التأقلم مع وضعي الجديد رغم ما يوفره لي زوجي من راحة فدائما أبكي و اريد الدهاب الى بيت والدي اريد نصائحكن من فضلكن سيداتي دوات الخبرة

وعليكم السلام ورحمة الله وبركاته
اختي لم لم تفكري في هذا الأمر قبل الزواج؟
يجب عليك الان أن تعيشي لزوجك وتتأقلمي في حياتك الجديدة
بأن تشاركي اهل زوجك كل شيء
حدثيهم جالسيهم استشيريهم ولا تبقي لوحدك فيزداد ألمك
واعلمي أنك الوحيدة المسؤولة لأنك اخترت هذه الحياة
ولا تنكدي على زوجك فيتركك

صبر جميل والله المستعان

سراب06 · 2013-10-30, 22:12

أختي هذا شعور طبيعي جداّ ويحدث لأيّ زوجة حديثة حاولي تكلّميهم في الهاتف أو في ال***** وشفيهم وويشوفوك في انتظار زيارتهم وسترتاحين
لحظة لقائك بهم وستقتنعين أنّها سنّة الحياة مع الوقت
اشغلي نفسك بأشياء نافعة كقراءة القرآن أو التنزه مع زوجك أو تجارب في
المطبخ

أمي قرة عيني · 2013-10-31, 10:40

أشكر الجميع على المرور و تقديم النصيحة ربي يحفظكم انشاء الله و في ميزان حسناتكم انشاء الله

أمي قرة عيني · 2013-10-31, 14:39

السلام عليكم
أريد طرح هدا الموضوع عن زواج الينت خارج ولايتها و الوقت الكافي للتأقلم و هل من اخوات مررن على هده المرحلة اريد معرفة تجربتكن فيها من فضلكن

ريم الوداع · 2013-10-31, 14:48

...............................

لمسة من الماضي · 2013-10-31, 15:20

المشكلة مش في خارج ولايتها

لانك الاهم انك لم تخرجي من الجزائر

اقصد المهم الناس لراك رايحة عندهم ملاح

اما التاقلم فهذا بالعشرة تتعودي

صعوبتها فقط لما يموت لك قريب و تكوني بعيدة فقط هنا تحسي بلي راك في غربة بصح من جهة اخرى نقولك البنت كزريعة وين ما زرعتيها تنبت و قريبة و لا بعيدة كفكيف

كاين لتكون بجانب اهلها و لا تراهم الى مرات قلائل و كاين لتكون بعيدة و تطل على اهلها حسب نوعية الرجل طبعا

المهم انا من تجربتي متوجة من غير ولايتي يعني انا من ولاية في الغرب و هو من الجنوب لكن الحمد لله تاقلمت و اصبحت مثلهم و لم تبقى في لهجتي غير كلمة واه ههههههههه

و راني نزور اهلي تقريبا 3 مرات في السنة

محمد جديدي التبسي · 2013-10-31, 16:12

هذا يرجع لمدى وعي الفتاة وشغل وقتها بكل ما هو مفيد لأن الفراغ هو ما يجعلها تفكر هكذا
كما أن دور الزوج كبير حيث المفروض أن يجعل نفسه محور اهتمام زوجته وشغلها الشاغل وذلك من خلال المعاملة الحسنة والشعور بحاجتها له والسعي لارضائها خاصة وأنها تركت عائلتها وحياتها السابقة من أجله ليؤسسا حياة جديدة