أسهل طريقة لطهي الكسكس (البربوووووووووووووووشة)

[أم درصاف]

السلام عليكم اخواتي كيراكم ان شاء الله تكونو كلكم بالف صحة وعافية
طبعا كامل نحبو طبق الكسكسي من الشرق للغرب لكن هو بصراحة يقلق في طيابو خاصة للفنيانات كي حالتي المراة العاملة وزيد اذا عملتيه لضياف وبكمية كبيرة واااااع نشيب في التفوار نتاعو
الهم راني كثرت الهدرة ندخل ديراكتمو لطريقة وهي انك تعملي صوص عادي والبربوشة لما تخرجيها من الكيس اعمليلها زيت شوي بزيادة وحطيها في برمة فيها ماء حوالي 2لتروشوي ملح وخليها حتى تشوفيها تفورت مليح نحي الكسكاس وحطي عليه مباشرة هذاك الماء الي تفور عليه راح تلاخظي انو الماء اختفى ولا يخرج تقريبا كاس صغير من الكسكاس خليه شوي 3 دقايق بعدين فرغيه من الكسكاس وحليه مليح ممكن تلاحظي متماسك شوي ماتخافيش ظرك يتشرب هذاك الماء من بعد انت وذوقك شوفيه اذا خاص شوي ماء او ملح زيديلو واذا عجبك هكاك خليه ورديه يتفور للمرة التانية فقط والف صحة وهناء نتمنى شرحي يكون مفهووووووووووم ونشكر بنت خالي على الطريقة هذه والله هناتني