طلب من كل اعضاء المنتدى...من يريد تعلم الخياطة

crono · 2013-09-14, 10:43

السلام عليكم
"""""""""""""""""""""""""""""""""" مرحبا بجميع اعضاء قسم الخياطة والتفصيل
لقد لاحظت في الايام الاخيرة بانه كثر الطلب من طرف الاخوات على
تعلم فن الخياطة بي الباترون بطريقة سهلة و بسيطة... باذن الله قررت انزال هذا الموضوع
حتى ارى مدى رغبتكن و جدكن
طرح درس معين و طيلة هاذ الاسبوع تستقبل صاحبة الموضوع استفسارات الاخوات ويقع النقاش في محتوى الموضوع وتاناك نشوفو تطبيقات العضوات باه في اخر الاسبوع تجمع كل التطبيقات وتقيم مرة اخرى ونشوفو اعمالكن
نتمنى فكرة الدورة واضحةوتكون دورة ناجحة ومفيدة
اما الاستاذة التي ستقوم بالاشراف على هذه الدورة و التي اخترتها
لكن و التي ستتولى الايجابة من بعد ردي هيsiham mokrani
و لها تجربة لاباس بها
كذلك رسم بالباترون
ما شاء الله عليك siham mokrani
بمعنى انه كل الطلبات والاستفسارات والاراء ...الخ
ستوضع هنا
وكل موضوع سيكون خارج هاته الصفحة سيحذف
وهذا لكي تكون عملية تصفح القسم جد سهلة .
ويوجه كل موضوع لقسمه الخاص
وشكرا لتفهمكم

اريد من كل اخت يهمها الامر ان تترك كلمة عند مرورها
مشكورة مسبقا

crono · 2013-09-14, 10:48

ولكن شرطي

كل من يدخل سيطرح سؤالاااااااااااااااااااااااااااااااااا

في كل شيء ممكن يكون السؤال

واي اخت ممكن تجاوب باللي تعرفه

تسلمو احبابي

~ السلطانة ~ · 2013-09-14, 10:49

بارك الله فيك سيدتي ... مهما كانت الطريقة و اينما كانت انا هنا في الخدمة ... و كما اقترحتي سيدتي كي تكون فعلا ناجحة ننتظر تطبيقات فعليه لها ...

crono · 2013-09-14, 11:12

اهلا بارك الله فيك على الرد اللطيف المرهف
هدفنا ان شاء الله الخياطة بما فيها كل الرغبات

استاذة siham mokraniهذه الباقة الناعمة الجميلة...من أختك crono اليك و الى
كل العضوات المنخرطات
و الى نتمنى ميفرطوش في هذه الدورة و يتبعوها و يطبقو كل الدروس

جيدا لانها فرصة قلاما تعوض _اذا بارك الله فيك استاذة على الدورة و الدرس و الليونة التي تتميزين بها

العزيمة والارادة هي اساس النجاح

~ السلطانة ~ · 2013-09-14, 11:32

و فيك بارك الله سيدتي و اخجلتني بهذا الكرم الله يجازيك كل خير ان شاء الله ... اتمنى ان اكون في المستوى ... اذا ما فشلوش البنات أكيد راح نستمد العزيمة منهن ..

rimanou · 2013-09-14, 12:00

بارك لله فيكما الاخت كرونو و سهام فكرة مليحة و نشالله انا و الاخوات نستفادو منها الله يجازيكم كل خير نشالله

amamana · 2013-09-14, 12:39

فكرة مليحة مي كيفاه نعطوك كلمة المرور ما فهمتش ؟؟؟؟؟؟؟؟؟

الزهرة المضيئة · 2013-09-14, 12:42

مبادرة رائعة الله يجازيكم كل خير
سأكون معكن اريد تعلم الخياطة و عندي سؤال نبدا؟ ههههههههه

titi119 · 2013-09-14, 13:01

براك الله فيك
هل تكون الدورة عبارة عن دروس او نحن نقوم بطرح الاسئلة عن الخياطة و اكيد نشارك معاكم

فايزة1207 · 2013-09-14, 13:19

بارك الله فيك على الموضوع القيم
سؤالي هو انا نهاب نبدا اي حاجة هل يمكن نعمل نموذج مصغر ونخيطو ويجيني صحيح ام لا
منطقة الابط كيفاه نفصلوها والكم خيطت قندورة وجاني ضيق حليت الكم وقعدت القندورة بلا ذرعين ماعنديش كتان نزيد نخدم
وربي يسهلكم في ماتتمناو

لينة71 · 2013-09-14, 13:22

بارك الله فيكم على الموضوع القيم.....بوركتم على الخير الي راكم ديرو فيه جزاكم الله خيرا

حمدية حرة · 2013-09-14, 13:27

واخيرا جات وحدة تحب تعلمنا الباترون شكرا لك

كل وحدة تدخل تحط الباترون نبقى نشوف كيف نعمله وللاسف كل الدوات تبدا بالخياطة مباشرة
نحب نشارك ونتمنى يكون مبسط وبالعربية وشكرا لكل الاخوات

*منى* · 2013-09-14, 14:35

يعطيك الصحة انا حابة نتعلم

أم محمد تاج · 2013-09-14, 14:43

شكرا أختي سهام وأختي كرونو على المجهود وبارك الله فيكن
راني شريت ماشينة جامسي وراني نتعلم نمشيها ونبدا معاكم نشالله انتظروني حبيباتي

sara160349 · 2013-09-14, 14:53

مشكورين بزاف بزاف علي هذه المبادرة انا نموت علي لخياطة و نعرف ندير الباترون مي مشكلتي نخاف نفسد القماش و مشكلة التشطيب la finition و تاني كل ما نبدا مودال جامي نتمو ليه ليه نمل و ما يعجبنيش علي خاطر التشطيب