الحمد لله تحصلت على الإعفاء بعد معانات 10 أيام

LOUNIS HOUAS · 2013-10-20, 13:35

الحمد لله تحصلت على الإعفاء بعد معانات دامت ل 10 ايام بالثكنة العسكرية ببوسعادة بملف طبي
لكل إستفساراتكم انا هنا لأجيبكم عما كسبته من خبرة

tchoutchouu · 2013-10-20, 13:54

مبرك عليككككككككككك

abed89 · 2013-10-20, 15:15

مبروك عليك يا خويا
كيفاش عطاوهالك ؟؟؟

LOUNIS HOUAS · 2013-10-20, 16:15

و الله يا اخي ديت معايا ملف طبي متمثل في عملية جراحية فتق سنة 2006 وبعد ما عرضتها على طبيب الثكنة بعثني اورد ميسيون للبليدة و زدت درت افزيت عندوا و عطيتوا الملف و بعد ذلك وليت للثكنة و انتظرت النتيجة مدة اسبوع و كي جات خرجت اينابت

amine eco · 2013-10-20, 17:30

مبروك عليك الاخ لونيس
كم كان عددا لمجندين في بوسعادة ...وشحال لي خرجو ملف طبي ....وشحال لي خرجو فائض

LOUNIS HOUAS · 2013-10-21, 09:22

العدد كان حوالي 850 و تم تجنيد حوالي 360 شخص و 200 شخص بسبب طبي و الباقي تأجيل 6 أشهر أو فائض

أحبك ربّي · 2013-10-21, 09:39

مرحبا ومبروك عليك أخي

عندي واحد صحبي دخل في بوسعادة ثاني ودا معاه ملف طبي هو ميشوفش مليح ولكن عطاولو تأجيل عام كامل حسب ما قالي ومهوش فاهم أسكو يعطيولو الإعفاء أو مجرد تأجيل فقط

LOUNIS HOUAS · 2013-10-21, 13:52

والله يا أخي الطبيب هو اللي يقدر الوضعية نتاعك إذا كان تقدر تشفى يعطيك سورسي و إدا كان عندك مرض مثلا عملية جراحية قديمة و تشكل عليك خطر أثناء ممارسة الرياضة يعطيك روفورمي انا عندي عملية درتها سنة 2006 فتق ب 6 مساك في تقدير الطبيب ممكن اثناء الجري و القفز يتحل الجرح

أحبك ربّي · 2013-10-22, 11:10

اقتباس:

المشاركة الأصلية كتبت بواسطة lounis houas

والله يا أخي الطبيب هو اللي يقدر الوضعية نتاعك إذا كان تقدر تشفى يعطيك سورسي و إدا كان عندك مرض مثلا عملية جراحية قديمة و تشكل عليك خطر أثناء ممارسة الرياضة يعطيك روفورمي انا عندي عملية درتها سنة 2006 فتق ب 6 مساك في تقدير الطبيب ممكن اثناء الجري و القفز يتحل الجرح

لااا هو قالي ما عطاولي والو .. هازوه لبوسعادة ومن بعد طلقوه .. بصح ما عطاولو حتى ورقة وراه خايف شويه

وقالي طلعونا للبليدة ودار فحص بصح قالي نستنا دوري في الإعفاء لكن ماكان حتى ورقة جابها معاه ودوكا راهو في الدار عادي

lost19h · 2013-10-21, 14:55

السلام عليكم خويا ربي يشفي الوالد ان شاء الله .....عندي استفسار اناعندي لشهادة ليسونس لحقني استدعاء مع امر بالتحاق يوم 09/10*/2013 اي متاخر ب20 يوم عن الموعد المحدد لدخول الثكنة كي رحت لمركز التجنيد تاع سطيف باه يعطوني استدعاء للمحكمة العسكرية بقسنطينة قالولي شهر ولي حتئ تولي روشارش ارواح نعطيوهالك كيفاه ندير ..وهل ممكن نروح بدون استدعاء مع العلم انه عندي ملف طبي ورايح ندير عملية جراحية على الركبة

LOUNIS HOUAS · 2013-10-21, 15:12

السلام عليكم اخي الكريم إرجع بعد شهر سوف يعطونك رسالة للتوجه إلى محكمة قسنطينة خذ معك الإستداء و كذلك ملف طبي و إن وجد ملف كفالة و توكل على الله

lost19h · 2013-10-21, 18:08

bark allah fik akhi

angel-med · 2013-10-21, 19:24

السلام عليكم
ألف مبروك أخي ولعقوبة لينا ان شاء الله
أنا تاني درت عملية في 2009 الفتق في الجهة اليسرى
ولكن تم منحي سورسي 6 أشهر
لهذا حبيت نسقسيك خويا وصارحني اذا كان هناك عرف باه خرجت ولا يتم منح الاعفاء عن الفدق
وربي يجازيك ان شاء الله

falling · 2013-10-21, 19:40

اخي الكريم انا من مواليد 1988 لقد خرجت من الدراسة سنة 2004
مستوي اولي ثانوي
ودخلت الي معهد للتكوين المهني وخرجت منه سنة 2012
هل اتحصل علي بطاقة الاعفاء الوطني
ممكن اجابة اخي الكريم

pcidea · 2013-10-21, 22:55

انا عندي شهادة التأجيل بسبب دراسي(soursi)

وحاب ندير la visite باه نحط dossier médical
المشكل هو لا اعلم متى ندير visit
هل حتى كي يكملي sourci و لا نقدر نديرو ضروك