اروع جاج محمر اتفضلوا

[ام محمد امير]

سلام عليكم
هذي اول مشاركة ليا في منتدى الطبخ وبما اني نموت على الطبخ والماكلة بالصح جامي كان عندي الوقت اني نطيب ونصور في نفس الوقت والله ديمة مزروبة بالصح هذي الطبيعة لازم نحيها
المهم بلا طولة سيرة ندخل فالمفيد
مدتلي صديقتي وصفة تاع دجاج محمر ممممممممممم واش نحكي واش نخلي بنة عظيييييييييييمة
حبيتكم جربوها وتردولي لخبر
اولا نحتاج دجاجة متوسطة الحجم بعد ماتكونو نظفتوها وملحتوها
ونحتاج توابل ماجي السبعة راهي تتباع بارتو
ونحتاج ارز، ثوم.،موتارد، فلفل اسود، كاس ونصف زيت، ملح
نحكمو الدجاجة تاعنا ونتبلوها بالتوابل السبع مالداخل ومن برة يعني مليح مليح مليح
نغليو الارز تاعنا حتى يطيب ماتخليهش يعجن انا نحب نفورو مانحبش نغليه باش تبقى كل حبة وحدها
بعد مانغليو الارز نديرولو فلفل اسود ملح موتارد ولي يحب الزعفران يدير شوية
نحشيو هذيك الجاجة بالارز ومالاحسن الدجاجة نتبلوها ليلة من قبل ولا بساعة ولا ساعتين باش تتشرب التوابل وكل ماتشربت كانت البنة احسن
بعد مانحشيوها بالارز ولي يحب الحار يزيد قرون حومر فلفل تونس في الحشو نربطو الدجاجة بالخيط ونكونو هزينا كوكوط تاعنا درنا فيها كاس ونصف زيت ديريها على النار
بعد ماتشوفي زيت بدا يغلي لوحي الجاجة تاعك وقليها مليح من كل الجوانب حتى تحمار
بعد ماتحمار سكري كوكوط تاعك وخليها على نار هادئة مدة الطهي حسب حجم الدجاجة تاعك ماتزيديلهاش الماء راهي طيب فالبخار .
والله نتيجة رائعة احسن مالي راهم يبيعو فيه
قدميها مع فريت وسلاطة
وشهية طيبة اختي حبيت نوضعلكم الصور بالصح ماعرفتش على خاطر هذي اول مشاركة ليا مع الوقت نتعلم وضع الصور
ومانبخلكمش كيما مابخلتوناش ربي يحفظكم ويصونكم