اللغات مشكلتي الابدية

روان 96 · 2013-09-20, 08:05

السلام عليكم
بارك الله فيكم ساعدوني في مشكلتي اللغات
بالرغم من اني ندي فيها نقاط ملاح بصح مانفهمش النص الا بمساعدة الاستاذة
انا مانعرفش نتكلم فرنسية مليح نحب نتعلمها ممكن لان في الجنوب اللغات عندنا ناقصة
وعلى حسب مانشوف معظم التخصصات المليحة في الجامعه لازمها لغات
ساعدوني من فضلكم انصحوني اعطوني اقتراحاتكم او تجاربكم حتى نتخلص من عقدتي وخصوصا الآن البكالوريا وقلقلي زاد
انتظر ردودكم

~~asala2~~ · 2013-09-20, 08:26

صباح الخير اخت روان اللله يعينك ان بحكم تفوقي في الللغات + الاسبانية ننصحك باش تفهمي النص تخرجي الكلمة المفتاحية فيه وتدرسي كل فقرة وحدها ومن بعد تربطيهم حتى تشكلي نص في مخك واحسن حل تحلي نصوص ومتهمليش الكلمات اللي يجوك صعاب فيهم هزيهم في راسك حتى يتكون عندك رصيد لغوي جيد صح في الجنوب عندنا اللغات ناقصة مي الفرنسية طغات على كل شعبة في الجامعة قريب الادب تولي فرونسي وانا راني هنا اي سؤال تفضلي كيما تقول استاذة الادب اسئلو قبل ان تسئلو

روان 96 · 2013-09-27, 06:18

بارك الله فيك اختي مشكووووووووورة ان شاء الله رح نعمل بنصائحك شكراااا مرة اخرى

aminananana · 2013-09-27, 10:10

Lazem teketri moutala3a wel ba7t ki matefahmich kelma7awci 3liha ana nefhemhoum tres bien mais manahderhoumch en tous cas ay 71ja rani hna

Aounallah Rayane · 2013-10-03, 06:33

ركزي عليها دوك مادام مازال الحال أقراي نصوص بزاف و حاولوا اترجمي الكلمات الصعبة و تفهميها في النص ..

روان 96 · 2013-10-06, 06:33

بارك الله فيكم ربي يجعلها بميزان حسناتكم
بالتوفييق ليكم تسلمو