أسرعن قرصة الربيع بالتفصيل الممل و بالصور

[أم ماجد]

نظرا للطلبات الكثيرة لقرصة الربيع قلت نحطلكم الوصفة بالتفصيل مع الصور

كانت أمهاتنا منذ سنوات يديروا قرصة الربيع بالدقيق و البيض مع التطور التكنولوجي طورنا في القرص و لينا نديروها على شكل حلوى لذيذة يفرح بها الأطفال و يأكلونها و نديرو المبرجة و الرفيس طيلة الأسبوع الأول من مارس ونبعث للجيران والأقارب ...

نحط في قصعة 2كيلات زبدة +1 كيلة زيت= نمزج مليح+ كاس سكر ناعم + 4 بيض+ 2 كيسان نشاء و الباقي فرينة+ 1 خميرة القاطو= نشكل قرص تطهى في الفرن و التزيين إختياري

رايحة نبعث غدا القرص لابن جارتي وبنت سلفي وبنات سلافاتي وبنت صديقتي وبنت اخي الله يبارك العدد كبير والاحبة ايضا ونهديهم لابنائكم جميعا تقدري بلمسة صغيرة تفرحي طفل و تمدي صلة الرحم ويفرحو الاطفال بيك

كنت رايحة نحضرهم غدا باه نوزعهم جدد ههه لكن تذكرتكم وتذكرت ابناءكم وقلت ربما تخدموهم غدا وتفرحو الاطفال خاصة بحلول الامتحانات واعذروني راني تعبانة ودرت الموضوع في الليل وحتي الشوكولا مازال ما جمدتش

و يخرج أطفالنا غدا حامين قفف خاصة بالربيع فيها القرصة و براج و رفيس و حبة برتقال فرحين بقدوم الربيع و أنا غدا سأوزع القرص للأطفال الأعزاء

الطيرُ يغردُ هيمانا ***** والزهرُ يغني نشوانا

والسهلُ يداعبه جدولْ ***** والعشبُ يعانقه مِعْولْ

الفصلُ ربيعْ

النبعُ يضاحكُ أشجارا ***** والنحلُ يغازلُ أزهارا

والشمسَ يراقصها الغيمُ ***** والبرعمَ هدهده الحلمُ

الفصلُ ربيعْ

هيّا.. هيّا ياأطفالْ ***** نُهدي للقلب الآمالْ

نشدو شعراً للأنسامْ ***** شعراً حُلْواً كالأحلامْ

الفصلُ ربيعْ