مفاجأة اقتصادية وعصرية ****

ladymillion · 2013-06-18, 13:45

أهلا وسهلا بيكم عندي هههههه
جبتلكم اليوم فكرة بسيطة وفي نفس الوقت اقتصادية والاهم بنييييييينة وتحمر الوجه قدام الضيوف تصلح للعرضات والاعياد ميلاد والحفلات الصغيرة ماتديلكش وقت وتحافظلك شوي على الجيب ههههههه و Présentable عبارة على شوكولا في كيسات السيليكون بالكريمة والجينواز ونتمنى تعجبكم وتجربوها

نحتاج : 1 شوكولا منى هي البنينة
1 مادلان مشري او اذا عندك جينواز بقالك يكون مفتت
كريم شانتي مع النيسلي (( كأس حليب+ 6 م ك غبرة الشانتيي نطلعوهم ملييييييح + 2 م ك نيسلي طايب {يمكنك الاستغناء عنه} او تعوضيه بالكراميل ))

ونحتاج قوالب سيليكون شكل كيسات وبانسو

نذوب الشوكولا في حمام مائي وندهن القوالب بالشوكولا مديريش طبقة رقيقة لان من بعد راح تتكسر

نحط فيها شوي من الجينواز مفتت وندخلها الكونجيلاتوغ راح تجمد بسرعة ، كي تجمد ننزعولها القوالب برفق شوفو كيفاش تكون

نجط الكريمة في كيس حلواني ونبدا نزين لك الختيار وتقدم مع العصييييييييييير مممممممم

1 شكولا نتاع منى دارتلي 14 حبة كمية مليحة
وهاذوك الكويرات : بقاتلي الكريمة وزدت حبة مادلان لميت المادلات مفتت مع الكريمة وكورتهم + مرمدتهم في الكاكاو درتهم زيادة باش متبقاش الكريمة

نتمنى نكون أفدتكم بموضوعي البسيط
تقبلو تحيـــــــــــــــــــــــــــــاتي

فايزة44 · 2013-06-18, 13:59

ابداااااااااااااااااااع ، شكرا على الوصفة ، نديرها لكن نلم اللجينواز بالمعجون ومن فوق نزين بكريمة الزبدة مع الشانتييييي
انشاء الله نجرب هذه ، بوركتياغالية

منفضللك وصفتك تاع جينواز بالجوز ، الجوز وييييييييييييييين ، والصينية عبريها لي تعيشي حابة نطبقها الله يحفظك

touta2010 · 2013-06-18, 14:02

ممممممم روعة تسلمي

غزة في عيوني · 2013-06-18, 14:03

4444444444444444 هايلة الله يعطيك الصحة عجبتني بزاااااااف

أم هاجر البسامية · 2013-06-18, 14:03

بارك الله فيك حاجة شابة واقتصادية باينة بلي بنينة ربي يحفضك

الحياة فرصة · 2013-06-18, 14:06

ىعطىك الصحة هاىلة عجبتنى بزاااااااااف بزاااااااااااااف فوووووووووور

ladymillion · 2013-06-18, 14:07

فرحتوني بمروركم عزيزاتي

أم عامر · 2013-06-18, 14:15

قاطوا شباب و يحمر الوجه عجبني كثييير
الله يجازيك الجنة

*أم كوثر* · 2013-06-18, 14:16

يعطيك الصحة هاااايلة

بشرى2008 · 2013-06-18, 14:17

روووووووووووعة يعطيك الصحة

ladymillion · 2013-06-18, 14:23

يسلمكم عزيزاتي مروركم أسعدني وردكم أكثر وأكثر

أنواار الإيماان · 2013-06-18, 14:23

يعطيك الصحة هاااايلة

اغادير · 2013-06-18, 14:24

wwwwwwwwwwwwwwwwwwwwwwaw هايل روعة مممممممممممممممم شهتيني

اسماء الجنه · 2013-06-18, 14:32

يعطيك الصحه بزاف برزنتابل

ladymillion · 2013-06-18, 14:43

اقتباس:

المشاركة الأصلية كتبت بواسطة فايزة44

منفضللك وصفتك تاع جينواز بالجوز ، الجوز وييييييييييييييين ، والصينية عبريها لي تعيشي حابة نطبقها الله يحفظك

هاهي الوصفة فايزة

جينواز العسل والجوز
مقادير الجينواز :
250 غ زبدة
1 كاس سكر
3/4 كاس عسل انا درت عسل المرجان فيه نكهة العسل الحر واذا ملقيتيهش ديري اي نوعية نتاع عسل وزيدي ملعقة كبيرة عسل حر
5 بيضات كاملة
كأس جوز مرحي رطب
2 ملاعق كبيرة كاكاو اسود
2 كيسان ونصف فرينة
2 ملاعق صغيرة بيكاربونات أو خميرة القاطو

في الخلاط حطي الزبدة + السكر + العسل واخفقي مليح وزيدي المكونات الباقية
جيبي 2 صينيات ادهنيهم بالزبدة والفرينة
وقسمي الخليط على 2 بالتساوي
وحطيهم اطيبو على درجة 180°

تحضير الكريمة
250 غ زبدة + 250 غ سكر ناعم + فاني
اخفقيهم مليح وخليهم على جنب
حطي 3/4 كاس حليب في وعاء على نار متوسطة + 1 ملعقة صغيرة سكر + 2 ملاعق كبيرة سميد وخلطي حتى يطيب السميد في الحليب
جيبي كريمة الزبدة وخلطي معاها الحليب والسميد وزيدي اخفقيهم شوي برك باش يتخلطو مع بعض

كي يطيب الجينواز وتخليه يبرد حطي الكريمة على طبقة وهي في الصينية متنحيهاش وزيدي حطي فوقها الطبقة الثانية نتاع الجينواز

وحضري كلاصاج الشوكولا
استعملس شوكولا منى أنا نحبها هههههههههه بنينة ذوبي 600 غ في حمام مائي + صفار بيضة + باكي من قهوة نسكافي وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي
ملاحظة : الماء استعملي من نتاع الحمام المائي
وسيحي الكلاصاج فوق الجينواج ومشيه شوي واعدليه وخليه يشيح
التزيين : ذوبت الشوكولا وحدها من غير أي زيادات وجبت قوالب الورقة عمرتهم بالشوكولا ونحط في الكونجيلاتوغ تجمد شوي ونحيها وندير فوقها البريون الرطب بالبانسو

وكي يشيح الكلاصاج هاديك الغدوة قطعيه مربعاة وحطي في الكيسات ولازم يتخبى في الثلاجة
الصينية 25سم نصف القطر يعني كامل 50 سم دور نتاعها

هذه هي الوصفة انشاء الله نكون عند حسن ضنكم وادعولي ولولديا