عاونوني ياالفحلات..عاجل....

[ميمة.]

شكون لي عندها وصفة تاع طمينة تكون بنينة بزاف على خاطر رايحة نقص شعر ابني وعجوزتي قاتلي كي تقصيلو شعرو ديريلنا الطمينة
انا نعرف نديرها بصح بغيت وصفة تخليها ديما تهدر عليها على خاطر حطتني مانعرف والو وانا مانيش ساكنة معاهم
بلييييييييييييييييييييييييييز ساعدوني الله يخليكم حبيباتي وجزاكم الله خيرا

[um alaa]

حبيبتي انا ندير 250 غ سميد متوسط مفور و محمص قيس بول تع الشربة 125 غ زبدة انا ندير فلوريال 8 ملاعق كبيرة عسيلة او عسل حرةو ننصحك تزينيها بحلوة الترك على خاطر تعطيلها ذوق هبال نشالله تجربي طريقتي و تعجك و تدعيلي

[اسمهان79]

الاخت ام آلاء جزاها الله كل خير راهي فاداتك وراهي طمينتها روعة بالتجريب

[كوثرنيل]

اختي نعطيق طريقة احنا نخدموها كيعود عندا باروك ما ريحاش تندمي لوكان تحدميها 3كيلة سميد متوسط 1كيلة بسيسة العسل حسب الدوق زبدة طرية كاوكاو مرحي رقيق اولوز علبه حلوة الترك الطريقة هي انك تحلطي السميد بعد ماتحمصيه مع البسيسة والكاوكاو وحلوة الترك مليح بعد دلك نبدا باضافة الزبدة قليلا فقليلا ونحكها باليدجيدا لازم تحكها مليح بعد دلك وقبل ما تصبح طرية نضيف العسل حسب الدوق ونحك ايضا لما تحطي الا ما كانتش طرية كما لازم زيدي كملي حطي الزبدة حتى تولي طرية مليح ماشي جارية طرية وضعيها في بوغت مونجى ولما تجتاجي تسربيها اجججججججججججججججججبدي الكمية لتحتاجيها او عاودي حكيها غير شوية بيديك باه تطرا ووضعيها في الصحن وزينيها بحلوة الترك والبيستاش او زينيها كما تحبي

[ميمة.]

المشاركة الأصلية كتبت بواسطة um alaa

حبيبتي انا ندير 250 غ سميد متوسط مفور و محمص قيس بول تع الشربة 125 غ زبدة انا ندير فلوريال 8 ملاعق كبيرة عسيلة او عسل حرةو ننصحك تزينيها بحلوة الترك على خاطر تعطيلها ذوق هبال نشالله تجربي طريقتي و تعجك و تدعيلي

يعطيك الصحة حبيبتي باين هايل وبنين
الله يحفظك ويحفظلك زوجك وبنتك ويعطيك ماتتمناي ان شاء الله

[ميمة.]

المشاركة الأصلية كتبت بواسطة اسمهان79

الاخت ام آلاء جزاها الله كل خير راهي فاداتك وراهي طمينتها روعة بالتجريب

الف شكر ليك اختي اسمهان لمرورك العطر وردك الجميل
الله يحفظك حنونة

[ميمة.]

المشاركة الأصلية كتبت بواسطة كوثرنيل

اختي نعطيق طريقة احنا نخدموها كيعود عندا باروك ما ريحاش تندمي لوكان تحدميها 3كيلة سميد متوسط 1كيلة بسيسة العسل حسب الدوق زبدة طرية كاوكاو مرحي رقيق اولوز علبه حلوة الترك الطريقة هي انك تحلطي السميد بعد ماتحمصيه مع البسيسة والكاوكاو وحلوة الترك مليح بعد دلك نبدا باضافة الزبدة قليلا فقليلا ونحكها باليدجيدا لازم تحكها مليح بعد دلك وقبل ما تصبح طرية نضيف العسل حسب الدوق ونحك ايضا لما تحطي الا ما كانتش طرية كما لازم زيدي كملي حطي الزبدة حتى تولي طرية مليح ماشي جارية طرية وضعيها في بوغت مونجى ولما تجتاجي تسربيها اجججججججججججججججججبدي الكمية لتحتاجيها او عاودي حكيها غير شوية بيديك باه تطرا ووضعيها في الصحن وزينيها بحلوة الترك والبيستاش او زينيها كما تحبي

ميرسي بزاف على الطريقة أختي كوثرنيل الله يهنيك ويحفظك حبيبتي

[ام لوجين وهديل]

اسلام عيكم اختي نعطيلك طريقة الطمينة انتاعي راهي بزاف بنينة تشيشة رقيقة وكاين الي يقولولها سميد موايان المهم تكون رقيقة ورطبة كي تمسيها ما تصيبيهاش ملمسها خشين وهادا هوا الاساس انفضيها في الغربال الرقيق كامل ثم فوريها حوالي ربع ساعة باش ترطاب ثم برديها وحمصيها وما تحمريهاش خليها شوى بيضة باش يجي شكلها شباب حمصيها على نار هادئةجدا باش اطيب وما تبقاش فيها ريحة العجين او مانتو تبقا بيضة شوى هدا هوا سر الطمينة لاكلاس
الخطوة 2 دوبي حوالي 200غ من الزبدة لازم زبدة ماشي مغرين وزيدي كمية من العسل معقولة باش مجيكش حلوا بزاف كي تشوفيهم دابو ما يغلوش غير على نار ناقسة بزاف نحي من فوق النار وحطي السميد الي وجدتيه من قبل وحركي ما تثقليهاش بزاف لازم كي تحطيها في الصحن تمشي وحدها تسرح في الصحن فتفتي فوقها حلوة الترك او كيما يقولو بعظالناس شامية وغطسى الطابع الي تحبي فى الزبدة ثم غمسيه في القرفة وحطي اشكال مرتبة


انصحك بطابع الفراشة يجي بزاف شباب ملاحظة الطمينة ما عندهاش مقادير مظبوطةلانكى تحطي المادة الجافة فى المادة السائلة ونتي تتحكمي فى القوام نتاعها تقدري تتحكمي فقط في العسل باش ما تجيش حلوة بزيادة وثاني تنجمي تحطي شوي حلوة الترك داخل الخليط


وهادى هي الطمينة بكل اسرارها ما خبيت عليك والو هدي الطمينة في الجزائر العاصمة وضواحيها ماشى الجزائر كامل يديروها كفكيف
المهم ان شاء الله تعجبك تعجب ضيوفك والله غير تهبل يروحو فرحانين ويشكرو غير فيك هههههههههههههههههههههههههههههه بتوفيق

[attia dalila]

اذا كانت عجوزتك عاصمية ماديري لا حلوة الترك ولا كاوكاو سر طمينة العاصميات يكمن في بساطة مكوناتها والحرور

[ام زهر]

سلام ادا نتما من الشرق دير الزبدة تع البقرة والغرس بالمتنسي المرمز ازيد بنة هايلة في الطمينة

[ميمة.]

المشاركة الأصلية كتبت بواسطة ام لوجين وهديل

اسلام عيكم اختي نعطيلك طريقة الطمينة انتاعي راهي بزاف بنينة تشيشة رقيقة وكاين الي يقولولها سميد موايان المهم تكون رقيقة ورطبة كي تمسيها ما تصيبيهاش ملمسها خشين وهادا هوا الاساس انفضيها في الغربال الرقيق كامل ثم فوريها حوالي ربع ساعة باش ترطاب ثم برديها وحمصيها وما تحمريهاش خليها شوى بيضة باش يجي شكلها شباب حمصيها على نار هادئةجدا باش اطيب وما تبقاش فيها ريحة العجين او مانتو تبقا بيضة شوى هدا هوا سر الطمينة لاكلاس
الخطوة 2 دوبي حوالي 200غ من الزبدة لازم زبدة ماشي مغرين وزيدي كمية من العسل معقولة باش مجيكش حلوا بزاف كي تشوفيهم دابو ما يغلوش غير على نار ناقسة بزاف نحي من فوق النار وحطي السميد الي وجدتيه من قبل وحركي ما تثقليهاش بزاف لازم كي تحطيها في الصحن تمشي وحدها تسرح في الصحن فتفتي فوقها حلوة الترك او كيما يقولو بعظالناس شامية وغطسى الطابع الي تحبي فى الزبدة ثم غمسيه في القرفة وحطي اشكال مرتبة


انصحك بطابع الفراشة يجي بزاف شباب ملاحظة الطمينة ما عندهاش مقادير مظبوطةلانكى تحطي المادة الجافة فى المادة السائلة ونتي تتحكمي فى القوام نتاعها تقدري تتحكمي فقط في العسل باش ما تجيش حلوة بزيادة وثاني تنجمي تحطي شوي حلوة الترك داخل الخليط


وهادى هي الطمينة بكل اسرارها ما خبيت عليك والو هدي الطمينة في الجزائر العاصمة وضواحيها ماشى الجزائر كامل يديروها كفكيف
المهم ان شاء الله تعجبك تعجب ضيوفك والله غير تهبل يروحو فرحانين ويشكرو غير فيك هههههههههههههههههههههههههههههه بتوفيق

الله يسلمك حنونة على مرورك ووصفتك العطرين
الله يحفظك ويهنيك

[ميمة.]

المشاركة الأصلية كتبت بواسطة attia dalila

اذا كانت عجوزتك عاصمية ماديري لا حلوة الترك ولا كاوكاو سر طمينة العاصميات يكمن في بساطة مكوناتها والحرور

لالا عجوزتي ماهيش عاصمية
يعطيك الصحة على النصيحة

[ميمة.]

المشاركة الأصلية كتبت بواسطة ام زهر

سلام ادا نتما من الشرق دير الزبدة تع البقرة والغرس بالمتنسي المرمز ازيد بنة هايلة في الطمينة

نعم حنا من الشرق بصح مافهمتش واش تقصدي ب والغرس بالمتنسي المرمز ممكن توضحيلي؟
وشكرا لمرورك وردك

[ام سهام 02]

في كسكاس فوري سميد متوسط و حطي في قاعه سرفيات اُنبابيي او شاش كيفور حليه بالمغرف او جوزيه في الصيار خليه يبرد وامبعد حمصيه و خليه يبرد تماما .في كسرونة ذوبي زبدة و عسل و فرغي مقدار تع السميد المحمص و ديريه في طبسي و زيني بالقرفة .







ملاحظة باه اجيك طرية وما اجيكش يابسة لازم تكون كمية الزبدة اكثر من العسل

[تينا ماريا]

شكرا لكن ذقتها في عقيقة عند وحدة دزيرية عجبتني بزاف وحشمت ندوموندي الوصفة
باذن الله نجرب نصاءحكن