خطبة ام فراق مر

مشكلتي · 2013-09-28, 01:14

السلام عليكم
اكتب لكم مشكلتي بعد ان احترت فيما افعل رغم اني استخرت كثيرا و في كل مرة تكون نفس النتيجة : تعلقه بي اكثر فاكثر
الحكاية بدات حين كان يبلغ من العمر 15 سنة و انا 14 ( كنا حينها في 4 متوسط و انا اصغره بعام لاني دخلت 5 سنوات )
هاداك الطفل كان ديما ببراءة يعاملني بلطف
مبعد خلاص كملت و ديت bem باعلى معدل و دخلت ليسي و قرا معايا في نفس القسم و جامي بين حاجة فقط نهار نكون في ضيقة اول واحد نلقاه ,, هادي الحاجة اللي ميزاتو عن باقي ولاد القسم بالنسبة لي
المهم انا ما حطيت والو في بالي و كنت من النوع اللي لا علاقة بهاد الامور غير لاكان واحد حكالي بصريح العبارة و هاد الشي ماصراش ; كنت غير مع القراية و ديت الباك و درت طب
العام الاول في الجامعة بدات تصرا امور غريبة ; نفس الشاب نلقاه ديما في الحافة يلقي السلام و ابتسامة
العام الاول فات حتان في الصيف هادا حدثت المفاجأة : جاتني للدار وحدة ما نعرفهاش و قدمت روحها قاتلي انا اخت فلان و راني نشوف في خويا حالتو تشف و الله غير يحبك يا ..... ملي كنتو صغار و مرضني بيك و عدنا نعيطولو يا مجنون .....(اسمي) في الدار
ما لقيت وش نقول !!!! و ما زادتش بانت اخبارو و لا جات اختو
كنت دايما نقرا في هاد القسم و نقول لروحي ما تصدقيش 100% بالاك كاين حاجة و زعما كاين حب للدرجة هادي ?? و المصيبة من كثر التخمام تعلقت بيه
الاسبوع اللي فات لقيت ميساج في الفيسبوك من عندووووووو و ماهزش صديق قاللي بالحرف : اللي قالتهولك اختي صحيح و راني 3 ساعات و انا نكتب و نمحي في الميساج مش جبن و لا علاجال مش متاكد ربي يشهد بلي راكي حلم حياتي بصح انا نعرفك اكثر من نفسي و 5 سنين و انا نراقب فيك و علابالي خاطيك و ما تستاهليش ندخلك في مواضيع العلاقات الغرامية بصح راني ناوي الحلال و ارحميني و قوليلي ايه برك نجي نحكي مع باباك
انا ما نكدبش عليكن طررررررت من الفرحة بصح في نفس الوقت خفت خاطر حكيت معاه و قالي اهدري لباباك و لا قولي ليماك توصلو و انا ندبر راسي
المشكلة انا درك 19 سنة و هو 20 سنة قالي كي خرجت من فمي و وصلك خبر بلي راني نحبك خلاص ندخلو في الرسمي ;;; و هو حاب يمد الكلمة برك يععني ابي يعلم و منا على عامين يكمل ان شاء الله القراية و يحوس على خدمة رسمية و الزواج بعقلو اصلا انا مشواري في الطب طويل
واش رايكم نخليه يحكي مع بابا ?? مع العلم انو ابي استاذنا احنا 2 في الليي هههههه و يعرفو عز المعرفة و هو صاحب خلق و دين و الحمد لله صلواتو في المسجد ( هذا حسب وش كنت نسمع عليه في الليسي )
كيفاش راح يكون رد بابا انا هذا اللي مرعبني ? ياخي ما يزعفش عليا كون ما تعجبوش الفكرة ? انا قررت اذا كان ردو لا نقطع كل اتصال الا مع الله لاني راح نبقى ندعي يكون حلالي يوما ما ^^

Some1 · 2013-09-28, 12:36

قوليلو هو اللي يهدر معا باباك ولكان يجي باباه يكون خير ( كبار القوم ههه)
وما فيعا حتى عيب
انتي معندك ما راح تخافي اذا قبل باباك الف خير .اذا ماقبلش كيما قلتي ما تشوهيش السمعة تاعك

~~مراد سابقا~~ · 2013-09-28, 12:48

أخطيك مازلتم في سن المراهقة

naamane3 · 2013-09-28, 13:02

من الأحسن هو يتقدم يجيب باباه ويجي
وانت ما تقولي حتي لواحد
و لو قبلوه كلش مبروك ولو ما قبلوهش ربي يجيب الخير
مي دوختونا يا الجنس اللطيف
اللي يقولكم نحبكم تموتو فيه
ومن بعد لو قدر الله يصرا مشكل
تبداو بالآهات والحنين والحزن والأكتئاب
ماتقدروش تخليو هاذ الحب بعد الزواج ؟
الله يهدينا ويهديكم

لمعة السيف · 2013-09-28, 13:22

فكري جيدا قبل اقدام خطوة ابوك ثاق فيك وقراك وسهر على خدمتك وهو يظن انك تتقدمين في دراستك فيصطدم بعلاقتك مع الشاب
وهذا يصدمه ..وقد يمنعك من الدراسة ..هذا من جهة ومن جهة اخرى انتم لازلتم لم تكونو انفسكم وبدأتم علاقتكم المحرمة في سن صغير
وهل تظمنين الاستمرار والانتظار في المستقبل فالكثير من العلاقات الطويلة تكللت بالفشل والاحزان ..فالاحسن ان تتزوجا او تتفرغي لدراستك ودعيه لمستقبله.
فلا امركم عجيب كلمة فقط تجعل من العقل والقلب في مهب الريح ..

الريم الغالي · 2013-09-28, 13:23

خليه يتقدم ليك باش تخرجي من هاد الدوامة واقطعي لحديد وهو حامي كيما يقولو ناس زمان

kmilya · 2013-09-28, 13:34

خليه يحكي مع باباك يحط الكلمة عليك

لقرع بوكريشة · 2013-09-28, 13:41

اقتباس:

المشاركة الأصلية كتبت بواسطة مشكلتي

السلام عليكم
اكتب لكم مشكلتي بعد ان احترت فيما افعل رغم اني استخرت كثيرا و في كل مرة تكون نفس النتيجة : تعلقه بي اكثر فاكثر
الحكاية بدات حين كان يبلغ من العمر 15 سنة و انا 14 ( كنا حينها في 4 متوسط و انا اصغره بعام لاني دخلت 5 سنوات )
هاداك الطفل كان ديما ببراءة يعاملني بلطف
مبعد خلاص كملت و ديت bem باعلى معدل و دخلت ليسي و قرا معايا في نفس القسم و جامي بين حاجة فقط نهار نكون في ضيقة اول واحد نلقاه ,, هادي الحاجة اللي ميزاتو عن باقي ولاد القسم بالنسبة لي
المهم انا ما حطيت والو في بالي و كنت من النوع اللي لا علاقة بهاد الامور غير لاكان واحد حكالي بصريح العبارة و هاد الشي ماصراش ; كنت غير مع القراية و ديت الباك و درت طب
العام الاول في الجامعة بدات تصرا امور غريبة ; نفس الشاب نلقاه ديما في الحافة يلقي السلام و ابتسامة
العام الاول فات حتان في الصيف هادا حدثت المفاجأة

: جاتني للدار وحدة ما نعرفهاش و قدمت روحها قاتلي انا اخت فلان و راني نشوف في خويا حالتو تشف و الله غير يحبك يا ..... ملي كنتو صغار و مرضني بيك و عدنا نعيطولو يا مجنون .....(اسمي) في الدار
ما لقيت وش نقول !!!! و ما زادتش بانت اخبارو و لا جات اختو
كنت دايما نقرا في هاد القسم و نقول لروحي ما تصدقيش 100% بالاك كاين حاجة و زعما كاين حب للدرجة هادي ?? و المصيبة من كثر التخمام تعلقت بيه
الاسبوع اللي فات لقيت ميساج في الفيسبوك من عندووووووو و ماهزش صديق قاللي بالحرف : اللي قالتهولك اختي صحيح و راني 3 ساعات و انا نكتب و نمحي في الميساج مش جبن و لا علاجال مش متاكد ربي يشهد بلي راكي حلم حياتي بصح انا نعرفك اكثر من نفسي و 5 سنين و انا نراقب فيك و علابالي خاطيك و ما تستاهليش ندخلك في مواضيع العلاقات الغرامية بصح راني ناوي الحلال و ارحميني و قوليلي ايه برك نجي نحكي مع باباك
انا ما نكدبش عليكن طررررررت من الفرحة بصح في نفس الوقت خفت خاطر حكيت معاه و قالي اهدري لباباك و لا قولي ليماك توصلو و انا ندبر راسي
المشكلة انا درك 19 سنة و هو 20 سنة قالي كي خرجت من فمي و وصلك خبر بلي راني نحبك خلاص ندخلو في الرسمي ;;; و هو حاب يمد الكلمة برك يععني ابي يعلم و منا على عامين يكمل ان شاء الله القراية و يحوس على خدمة رسمية و الزواج بعقلو اصلا انا مشواري في الطب طويل
واش رايكم نخليه يحكي مع بابا ?? مع العلم انو ابي استاذنا احنا 2 في الليي هههههه و يعرفو عز المعرفة و هو صاحب خلق و دين و الحمد لله صلواتو في المسجد ( هذا حسب وش كنت نسمع عليه في الليسي )
كيفاش راح يكون رد بابا انا هذا اللي مرعبني ? ياخي ما يزعفش عليا كون ما تعجبوش الفكرة ? انا قررت اذا كان ردو لا نقطع كل اتصال الا مع الله لاني راح نبقى ندعي يكون حلالي يوما ما ^^

انت لحد الان طالبة تدرسين...وهو ربما كذالك.....انا اردت ان اسالك :كم بقي على تخرجك او تخرجه؟؟؟؟ نصف سنة ؟ سنة؟ سنتين ثلاثة ...اممممممممم خمس سنوات؟؟؟؟ يا اخت ان كان مقتدر الان او بعد نصف سنة لتمام الزواج فهذا عين العقل....اما خطبة لمشروع زواج بعد خمس او ستة سنوات..فهذا ضرب من الخبال....لا في مصلحتك ولا مصلحته.... الا ترين ايتها الاخت انها فترة زمنية كبيرة....؟؟؟ الا ترين مخطوبين لزواج لم يبقى عليه الا 4 شهور تولدت بينهما مشاكل والقيل والقال سواء منهما او من غيرهما وانت عارفة حالنا واحوال مجتمعاتنا؟؟؟؟؟ فما بالك ب5 او 6 سنوات انتظار.....؟؟؟؟؟ سنوات من الانتظار اكيد تتخللهم ..مراقبة...وتوصيات...ومطالبة...ورفض...وفلان قال وفلانة قالت...فلانة خرجت والاخرى دخلت....رايتها بام عيني تكلمت وتبسمت لفلان او علان..... سمعته يهاتف فلانة.....وو....ووو...ووووو انها كذا وانه كذا....وووووو الاخت الكريمة انت صاحبة الشان وانت ادرى......لانني اردت ان اقول : انت الان طالبة ومشوارك طويل خمي مليح.....ورتبي امورك بشكل صحيح.....واغلقي المنافذ الي ايجيك منها الريح........ ..............نصيحة حسب فهمي وفي الاخير يبقى اهل مكة ادرى بشعابها...........اقرع

om yaakoub · 2013-09-28, 13:47

اختي العزيزية حبيت نمد رايي
انا قصتي تشبه لقصتك مع الفرق اني انا و زوجي قدقد
حكايتي بدات في الليسي كنت انا 16 سنة المهم بالنسبة ليا ما تلقايش احسن منوا خطراش هدا الانسان يحبك صح وما مشاش في طريق خطا و ما عرفش بنات اخرين خليه يتكلم مع باباك انت قلت باباك استاد و يعرف مليح صدقيني الاب ديلك لما يشوفو مربي و يقرى راح يقبل بيه لان الاباء ديما يبحثوا عن نسيب يعرف ربي و مربي
بصح نبهك لعدة امور انا مريت بهده الطريق ادا كتب ربي و خطبك هدا السيد ديري في بالك راه يقرا يعني امور المهر و خاتم الخطبة ما حاش يكونوا حاجة كبيرة و مام قدام الناس مانيش مادية لكن المجتمع الي رانا فيه هكدا عامل كل واحدة تشوف و تستهز انا كنت ديمة قوية لكن في قرارة نفسي كان يغيضني الحال نديرو واش نديرو نقعدو نساء و نحبو ديما نكونو ... راكي عارفة
و مام ما ديريش بلي يلقى الخدمة تمتم يعني يمر بمرحلة بطالة و الخدمة الوطنية و......
ومام الخطبة كي تطول ماشي مليح ومام كي تتزوجو يكون هدا وين قال بسم الله .........
وديري في بالك هدا الزواج ماهوش غير بينك و بينو راح بين عيلتين ومام نتوما تتفاهموا و تقولو نمشو قيسنا عيلتك تقول تمشي كيما مشاو بنات عمها و هو كيف كيف يعني كاين امور بزاف ما تبانش دورك
خلاصة القول انا مريت بجميع هده المراحل
خطبني 22 سنة و فتحنا 23 سنة و تزوجنا 24 سنة يعني عام بعد التخرج وكانت الحالة المادية صعبة بزاف 25 سنة كان عندنا يعقوب و 26 سنة جات مرام و حنا دورك في عمرنا 27 سنة و راني حامل في الشهر الثاني
لكننا مرينا بعدة مشاكل لكني جامي حسستو بضعفو ولا ضغطت عليه سمحت من حقي بزاف قاع كانو يقولولي جايحة لازمك تكوني قوية وديري في بالك بعد الزواج لازم تكوني واجدة لكل العوائق خاصة و ان كل المجتمع يقولك علاش تدي واحد بدا من الصفر ادي واحد واجد ما تسوفريش معاه....
ما نيش نخوف فيك لكن حبيت نحطك في الصورة مرييت بمراحل ضعف وليت نقول في قلبي علاش حصلت روحي بصح مانيش ندمانة العكس لوكان يرجع بيا الزمان ما نبدل والو خطراش زوج يحبك و تكوني الاولى في حياتو نعمة كبيـــــــــــــــــرة بزاف
الان حالتنا تحسنت بزاف و كل حاجة ضحيت بيها عوضني ربي خير منها و اهم من كل شيء كسبت زوجي بطريقة ما تتصوريهاش صدقيني الدنيا هادي فرص ما ضيعيهش من يدك و صبري خطراش صدقيني رايحة تكسبيه في الاخير
قوليلو يهدر مع باباك و توكلي على الله و نشالله يكتبلك ربي اللي فيه الخير ما تنسايش عاودي دخلي و حكيلنا الجديد

فيصل الشرق · 2013-09-28, 14:05

كل يوم يزيد استغرابي من هذا الجيل في الابتدائي والمتوسط قصص وماشابه لاحولاولاقوة الا بالله العظيم

omar1992 · 2013-09-28, 14:15

منا على 5 سنين تولي طبيبة إنشاء الله وتتبدل افكار و طموحات نتوعك من راي إهتم بدراستك ولا كان من مكتوبك ربي يبلك لو كان بعد 100 عام

sehamralin · 2013-09-28, 14:29

انا من راي مازلت صغيرة على هذي الهدرة وانا مانيش حاسداتك صح الحب اللي بيناتكم كاين منو على حساب واش راكي تحكي لكن اختي راكي تكبري والعقلية نتاع الانسان والمشاعر يتبدلو مع مرور الوقت فانا نقلك باش ماتغلطيش في حقك وحق هذا الانسان ماتديرو حتى رسميات باش منبعد متندميش والمكتوب نتاع ربي يلحق يلحق وصدقين اذا صرات خطبة بيناتكم راح يولي يهدر معاك في التيليفو ويضيعلك وقتك
وخمي بعقلك وفي مصلحتك وقرايتك بالدرجة الاولى وزيدي اهدري مع يماك ومتخبي عليها والو والقرار الاول والاخير يرجع ليك الاخت الكريمة
وبالتوفيق انشاء الله

nor guiri · 2013-09-28, 15:43

اممم يا اختي غير قولويجي يتقدم الفرص الذهبيةتجي مرةوحدة في العـــــــــــام .....انا ثاني حبيت واحد من كنت صغيرووونة 13 سنة هههههههه وضركراني18 سنة خطبني 16 سنة وضركا راح نزوجو في 18 سنة وهوا 27 سنة..........والله الحمد لله على كلحال عايشين فووووووور ........ماال بلاكي تضيعي فرصة كيما هكا ......ومادمهو على خلق ودين مستحيل الاهل يرفضووو وانت ثاني صارحي يماك باه توقف معاك قدام باباك وربي يقدم لي فيه الخير

طيبة نفس · 2013-09-28, 20:07

اقتباس:

المشاركة الأصلية كتبت بواسطة om yaakoub

اختي العزيزية حبيت نمد رايي
انا قصتي تشبه لقصتك مع الفرق اني انا و زوجي قدقد
حكايتي بدات في الليسي كنت انا 16 سنة المهم بالنسبة ليا ما تلقايش احسن منوا خطراش هدا الانسان يحبك صح وما مشاش في طريق خطا و ما عرفش بنات اخرين خليه يتكلم مع باباك انت قلت باباك استاد و يعرف مليح صدقيني الاب ديلك لما يشوفو مربي و يقرى راح يقبل بيه لان الاباء ديما يبحثوا عن نسيب يعرف ربي و مربي
بصح نبهك لعدة امور انا مريت بهده الطريق ادا كتب ربي و خطبك هدا السيد ديري في بالك راه يقرا يعني امور المهر و خاتم الخطبة ما حاش يكونوا حاجة كبيرة و مام قدام الناس مانيش مادية لكن المجتمع الي رانا فيه هكدا عامل كل واحدة تشوف و تستهز انا كنت ديمة قوية لكن في قرارة نفسي كان يغيضني الحال نديرو واش نديرو نقعدو نساء و نحبو ديما نكونو ... راكي عارفة
و مام ما ديريش بلي يلقى الخدمة تمتم يعني يمر بمرحلة بطالة و الخدمة الوطنية و......
ومام الخطبة كي تطول ماشي مليح ومام كي تتزوجو يكون هدا وين قال بسم الله .........
وديري في بالك هدا الزواج ماهوش غير بينك و بينو راح بين عيلتين ومام نتوما تتفاهموا و تقولو نمشو قيسنا عيلتك تقول تمشي كيما مشاو بنات عمها و هو كيف كيف يعني كاين امور بزاف ما تبانش دورك
خلاصة القول انا مريت بجميع هده المراحل
خطبني 22 سنة و فتحنا 23 سنة و تزوجنا 24 سنة يعني عام بعد التخرج وكانت الحالة المادية صعبة بزاف 25 سنة كان عندنا يعقوب و 26 سنة جات مرام و حنا دورك في عمرنا 27 سنة و راني حامل في الشهر الثاني
لكننا مرينا بعدة مشاكل لكني جامي حسستو بضعفو ولا ضغطت عليه سمحت من حقي بزاف قاع كانو يقولولي جايحة لازمك تكوني قوية وديري في بالك بعد الزواج لازم تكوني واجدة لكل العوائق خاصة و ان كل المجتمع يقولك علاش تدي واحد بدا من الصفر ادي واحد واجد ما تسوفريش معاه....
ما نيش نخوف فيك لكن حبيت نحطك في الصورة مرييت بمراحل ضعف وليت نقول في قلبي علاش حصلت روحي بصح مانيش ندمانة العكس لوكان يرجع بيا الزمان ما نبدل والو خطراش زوج يحبك و تكوني الاولى في حياتو نعمة كبيـــــــــــــــــرة بزاف
الان حالتنا تحسنت بزاف و كل حاجة ضحيت بيها عوضني ربي خير منها و اهم من كل شيء كسبت زوجي بطريقة ما تتصوريهاش صدقيني الدنيا هادي فرص ما ضيعيهش من يدك و صبري خطراش صدقيني رايحة تكسبيه في الاخير
قوليلو يهدر مع باباك و توكلي على الله و نشالله يكتبلك ربي اللي فيه الخير ما تنسايش عاودي دخلي و حكيلنا الجديد

رأيي من رايها ما فيها والو الخطوة الاولى يهدر مع باباك ربي يسهلك

KARIMA.HOPE · 2013-09-28, 21:44

اختي توكلي على الله
باين شاب يحبك و هادر مع اختو على جالك
انا في رايي اهدري مع ماماكو هي تقول لباباك و خليه يجي
نورمال مهم كلمة تتعطا و زواج خليه بعد دراسة