سؤال استفساري للجميع فمن يجيب

[عبد القادر المدية]

بعد السلام عليكم البارحة حضرت العجينة المورقة للاخت batila و لكن لم تتورق بالقدر الكافي و كي طابت جات يابسة معرفتش علاه أعطوني نصائح

[عبد القادر المدية]

اين انتم ....................

[إلهام07]

أخي العجينة المورقة من أكثر العجائن صعوبة وحساسية يعني هناك الكثير من الأمور التي يجب ان تأخذها بعين الاعتبار اثناء تحضيرها بداية من العجين والتوريق حتى الطهو

لازم العجين ماتكونش طرية يعني ماشي جارية باش تتورق لأنو لو تكون جارية الزبدة رايحة تدخل في العجين بدل ان تكون طبقات
لازم درجة صلابة العجين تكون تساوي درجة صلابة الزبدة باش يشكلو طبقا وماتدخلش الزبدة في العجين
العجين كي نبلوه لازم نستعمل ماء بارد ونحتفظ بيه في الثلاجة ونحافظ عليه ددائما بارد وإلا الزبدة رايحة تذوب فيه وماتورقش
اخذ فترة راحة بين كل زوج TOUR
ناتي لخبز العجين :
ندهن البلاطو بالماء قبل وضع العجين فيه لأن بخار الماء رايح يساعد العجين يورق وثاني يجي طري من تحت ماشي يابس
لازم قبل مانحط البلاطو في الكوشة يطيب نحطو في الثلاجة يريح حوالي نصف ساعة هكذا ترح العجين وتتماسك الزبدة
لااااااااااااازم نسخن الفرن مليييييييييح قبل لا نحط البلاطو في الكوشة ومن بعد نقص شوية الحرارة الى درجة متوسطة 180 كي ندخل البلاطو للفرن على درجة متوسطة نخليه حوالي 10-15 د حتى وين نشوف العجين انتفخ نقص للحرارة حتى 160-140 ونخليه يطيب براحتو باش يورق ويطيب من داخل
طياب العجين المورق ياخذ حوالي ساعة


أرجو ان أكون افدتك

وعلى العموم بحول الله رايحة نجرب وصفة عجين مورق جديدة ساهلة للمبتدئين إذا لقيتها في المستوى وهايلة نحطهالكم موضوع باش تستفادو

[عبد القادر المدية]

شكرا لك أختي إلهام و لكن أنا زوجة عبد القادر المدية نصائح إنشاء الله ستطبق