علوم آجتمآعية -سطيف 2 -

raouf 1994 · 2013-09-06, 14:18

السلآم عليكم عليكم
من يدرس علوم آجتمآعية في سطيف
يفيدنآ و يقلنآ مآ هي كل التفرعآت التي هي هنآك
وشكرآ

raouf 1994 · 2013-09-06, 22:50

مآهي الوثآئق لاستخرآج بطآقة المطعم و النقل !!

صلاح السفير · 2013-09-08, 11:21

يا اخي اذهب الى الجامعة و استفسر لان جامعة الهضاب كل مرة يقلك واحد حاجة متفهملهم والو لازم تروح للبيرو لي تحت الاقامة.اما بخصوص التفرعات في الجامعة كاين علم الاجتماع و النفس و الارطوفوني و علم التربية .
اما بخصوص تجارب الطلاب قالك علم النفس هي لي مليحة ولكن لازملم معدل مليح......

زميلك طالب سنة ثانية اعلام نشالله بنفس الجامعة.

raouf 1994 · 2013-09-08, 12:16

أهلآ حبيبي شكرآ . و ربي يوفقك
رآني رحت نهآر لخميس خدمت تآع لآبورس و المطعم و النقل قآلولي رآهم كونجي
حتآن نهآر الثلآثآء
شكرآ على الرد

sarita022 · 2013-09-09, 11:08

ih hna thani galoulna bli nhar thlatha mais hmd an khdmt kolch khalst mazaltli ghir ta3 l'assurance galoulna hatan t3oud 3andkom chahada madrasia ana thani fi lhidhab

raouf 1994 · 2013-09-09, 23:04

وش تقرآي آختي ؟ +

مآهي الوثآئق لاستخرآج بطآقة المطعم و النقل !!

sarita022 · 2013-09-10, 15:22

ana kifk sna 1ere socio gouli esque nta 3tawk hadi bita9at khadamat ijtima3ia ou nn hna galoulna todokhlou biha restau w transport thani biha ta3 transport slkna 13 elf w500 +2 tsawr normalment w zid t2akd khoya

صلاح السفير · 2013-09-10, 19:12

نعم خليو عندكم بطاقة الخدمات ووجدو شهادة اقامة بسكو في ديسمبر ولا اكتوبر يخدمولكم كارت مانيتيك للمطعم و النقل وتمدولهم بطاقة الخدمات يمدولكم بطاقة المغناطيسية تاعكم . وشكرا راني في الخدمة بما يخص جامعة سطيف 2 راني عرفت المناج هههه.ربي يوفقكم

raouf 1994 · 2013-09-11, 10:59

شكرآ خوتي .. دك زدت رحت لبآرح قآلولي آرجع ليوم خخخ
و الله غير يهرجوآ بينآ كون جينآ قرآب لشتآ .

salimop · 2013-09-19, 23:15

بصحتكم مام انا راني بلوكيت العام لي فات و راح نقرا هاد العام فرنسية كل يوم نروح يقولولي غدوة ماكاين ني افواج ني والوا و الله عيب عليهم ....

salimop · 2013-09-20, 11:42

صديقي تعيش شوفلي كاش واحد ولا تعرفوا لاحوه فرنسية لتما انا عييت سمانة اكل وانا نطلع راني بعيد شوية تعيش

raouf 1994 · 2013-09-20, 23:04

عندي صحبي يقرآ آنجليزية الاحد آوفيسيآل تبدآ لقرآية

salimop · 2013-09-21, 14:09

وي مي الفرنسية مانعرف وكتاش ...

آلفا · 2013-09-23, 10:59

السلام عليكم ورحمة الله وبركاته

أخي الكريم ان شاء الله تستفيد

أنا ياأخي العام لي سبق كنت ادرس جذع مشترك علوم اجتماعية بجامعة الهضاب

سأوافيك بما تريد ان شاء الله

في لاسيري لولا تقرا _مدخل الى الفلسفة العامة 1 معامل 5
_مدخل الى علم النفس معامل 5
_مدخل الى علم الاجتماع معامل 5
_مدخل الى علم المعلومات والوثائق معامل 5
هاذو نسميوهم وحدة التعليم الاساسية
وزيد
احصاء وصفي 1 معامل 3
تقنيات القرائة والبحث معامل 3
هاذو وحدة التعليم الاستكشافية
وزيد
مدخل الى الاعلام الآلي 1 معامل 1
اللغة الفرنسة معامل 1
هاذو وحدة التعليم الافقية
وزيد
البحث مدارس ومناهج معامل 2
هاذي اسمها وحدة التعليم النهجية
هادوما تقراهم في لاسيري لولا
ربي يوفقك

وفي لاسيري الثانية تقرا

الوحدات تبقا هي هي وشنهي يتبدلو بعض الموديل برك خويا
_مدخل الى الفلسة العامة 2
_مدخل الى الارطوفونيا
_مدخل الى علم السكان
_مدخل الى علم التربية
معامل 5 كامل
نفس الوحدة الاولى

الودة الثانية تقرا
_احصاء وصفي 2
مدخل الى التحليل الاقتصادي
هاذو معامل 3
اما الوحدة الثالة بمعامل 1
اعلام آلي 2
لغة فرنسية

والوحد الاخيرة منهجية البحي مدارس ومناهج 2
معامل 2

اما فيما يخص التخصصات

في السنة الثانية
تتخصص علم الاجتماع
علم النفس
علم التربية
ارطوفونيا
علم السكان هاذا تخصص جديد غير هاذ لعام برك داروه
في السنة الثالثة تزيد تتخص

نقلك الحق برك خويا
اذا حاب تقرا اتعب قرايتها والله غير حلوة وساهلة مره

في التيدي راك ديما تقدم البحوث
وفي الكور لازم تخضر هو لي عليه العمل دير بيه ليكونترول
اساتذة فيهم وعليهم
وشنهي لازم نتا تفرض روحك برك

ريب يوفقك في دراستك اخي
دمت في رعاية الله
تقبل مروري.

raouf 1994 · 2013-09-24, 08:41

مشكورة أختي الله يحفظك