تفضلن صينيتي لعيد الفطر 2013

kakinova · 2013-08-12, 18:45

بسم الله الرحمن الرحيم

عيدكم مبارك و كل عام و انتم بالف خير

رغم اني متأخرة لكني حبيت نشارك معكم بحلويات و خصوصا اني اصبحت ادخل نادرا

تقبل الله منا و منكم و غفر لنا

هاذا رابط حلويات العام الماضي https://www.djelfa.info/vb/showthread.php?t=1087882

قاطو البان ديبيس : 500غ مارغرين طرية كاس سكر أرطب 2 كاس يان ديبيس مرحي خشين شوية مغارف كبار كاكاو 2 أكياس صغار نيسكافي 1 بيضة 1 كيس خميرة كميائية 2 طابلات شكولا نوار مكسرين صغار مثل او مرابيين فالخشينة 150غ جوز يكون مكسر خشين 150غ زبيب مقطع و نشيح بالفرينة
نتركها ترتاح ثم نعملها حربوش و نقطع اصابع او نكعبرها كويرات و تطهى لما تبرد نغطسها في معجون المشمش مخفف بما الزهر و نغطسها في البان ديبيس مرحي رقيق ممكن تخليه مثل ما هو او تعملي خطوط شكولا و ترشي سطر رطب انا ما رشيتش

الغريبية : كيلة سمن ذائب و بارد و ما تستعمليش القعر كيلة ناقصة سكر رطب حتى تجيك طرية رشة خميرة مغرف كبيرة فاني تخلطيهم ملييييييييييييييييييييييح مع رشة ملح و تنشفي بالفرينة تطبعي مثل ما تحبي و تحطيها فالبلاطو و دخليها المجمد ثم مباشرة الفرن رح ترتفع و تجي فارغة من الداخل و تذوف فالفم

قلوب الجلجلان و مربعات الكوكاو : 250 غ مارغارين طرية 3 ملاعق كبيرة سكر ناعم 5 ملاعق كبيرة حليب جاف 5 ملاعق أكل نشاء 2 صفار بيض + بيضة كاملة 1 كيس خميرة حلوى 2 كيس فانيليا 2 ملاعق أكل جلجلان حب فنجال كوكاو مرحي متوسط و نجمع بالفرينة لازم العجينة تكون طرية لانو الجلجلانية و الكوكاو و الفرينة رح يزيدو يتشربو
نعمل كويرات نغطسها في بياض البيض ثم في جلجلان أبيض غير محمص منقي و تطهى لازم تبرد تماما ثم ننزعها و نعمر الفراغ مربى او لي تحب بالجولي
و المربعات غطستها في الكوكاو المرحي

kakinova · 2013-08-12, 19:05

عرايش و تشاراك بالقلاساج لونها فالصورة يظهر قاتم بزاف لكنها فالحقيقة كلار على هكذا

مقروض النقاش درتو بشكلين مقروضات و مقروض الوردة بالنقاش ايضا

هادا صابلي عملتو اليوم الاخير لهذا عملتو كويرات صغار فقط

المخبز

قاطو بحلوة الترك

المربعات عملتها بالكوكاو المرحي متوسط لاني ما نحبش الجلجلانية و القلوب عملتها بالجلجلانية

تشاراك مسكر بالوردي و الابيض

حلوى السمارتيز

غريبية و في وسطها جوز مرحي

تشاراك البيمو محشي كوكاو و جلجلانية و مربى بقاتلي لعجينة من العرايش و خلاصلي الحشو عملتو بهاذ الطريقة

و هادي طورطة بسيطة عملتها في عيد ميلاد بنتي

douki23 · 2013-08-12, 19:08

بارك الله فيكي اعجبني كثيرا الصينية من فضلك الوصفات و صحة عيدكم

ام ملاك. · 2013-08-12, 19:12

ماشاء الله بصحتكم كل عام وانتم بالف خير

fatma81 · 2013-08-12, 19:12

رووووووعة اعطيك الصحة

نهال13 · 2013-08-12, 19:19

ماشاء الله خرجت روعة ياريت تعطينة الوصفات وطريقة لقلاصاج تع القاطو الوردى

fadila34 · 2013-08-12, 19:21

يعطيك الصحة

ilhemdetlemcen · 2013-08-12, 19:23

bsahatkom okti a3adahe 3alyna wa 3alaykom bi saha inchallah

maiar · 2013-08-12, 19:38

يعطيك الصحة كلش هايل

kakinova · 2013-08-12, 19:59

الحلويات لي عملتها هي

مخبز

مربعات و قلوب السيليكون

هليلات الكوكاو مرمدين فالبيمو

صابلي

قاطو بحلوة الترك

قاطو البان ديبيس

غريبية

مقروض

بقلاوة

بنيون

حلوى السمارتيز

تشاراك مسكر

عرايش

الوصفات لي تحب وصفة تقولي ان شاء الله المساء او الغد نكتبهم كامل