الى الاخت سطايفية وبكل فخر

[عبير الامل]

السلام عليكم ورحمة الله وبركاته
أختي الكرية اريد منك خمدة وذلك بالجواب على سؤالي هذا
متى تبدا وتنتهي فترة التحويلات الخارجية لجامعة سطيف وما مدى امكانية قبولي في هذه الجامعة اتمنى ان تمديني بهاته المعلومات وما مدى صعوبة الدراسة هناك *لانهم كاين بزاف يلي خوفوني منها *وشكرا فقط اريد ان انوه انى كنت ادرس علوم المادة اولى جامعي والحمد لله طلعت للسنة الثانية واردت التحويل الى جامعة سطيف لوجود بعض التخصصات الغير موجودة في جامعتنا
شكرا وتقبلي مروري

[سطايفية بكل فخر]

اهلا ختي سمحيلي هدا وين شفت موضوعك
بالنسبة للتحويلات الخارجية الديلي اختي مزال نورمالمون ظرك نتاكدلك
+
مدام التخصص لي جاية ليه مكانش في جاميعتك رايحين يقبلوك
+
شكون هادو لي خوفوك واش قالولك علينا هههه

الدراسة مش صعيبة ادا انت قريتي
حنا لي هالكنا السابوطاج هدا مكان وملقري تو رانا ننجحو ونطلعو عوامنا بمعدلات مليحة فقط اجتاهدي
اي سوال اخر تفضلي بيه

[عبير الامل]

صباح الخير اختي السطايفية شكرا جزيلا على الرد علي لن انسى معروفك هذا
اريد فقط ان اتعرف على تاريخ بدا التحويلات لاني راح ندفع دوسي نهار الاثنين ونتمنى يقبلوني لاني لمت ان فيها تخصصات مميزة وهل سيتم قبولي بنسبة كم .؟؟ تحمليني ثقلت عليك اختي وبارك الله فيك

[سطايفية بكل فخر]

واش من تخصص حابة ديريه باش نسقسيل عليه زملائي
+
الديلي قالولي من غدوة حتى 19 سبتمبر ان شاء الله كي نطلع للجامعة نتاكدلك اختي
+
قوليلي وشحال معدلاتك وانت واش من ولاية

[كريستيان]

ربما 22 سبتمبر اخر اجل

[عبير الامل]

صباح الخير اختي سطاايفية

انا حاب ندير شعبة كيمياء اختي الكريمة
معدل العام 11 قريب 12 ومعدلي في البكالوريا 12.57
اختي الكريمة ديري فيا مزية قوليلي باه ما نتعبشي وين نحط الدوسي في الهضاب ولا في لافاك باه ما نشقاشي وانا من ولاية الوادي
شكرا تعبناك معانا وتقبلي مروري

[سطايفية بكل فخر]

ختي التاريخ لي مديتولك صحيح
بالنسبة لعلوم المادة راهي تابعة للباز غاليتي يعني روحي طول للباز وسقسي ثما برك يوصلولك للمكان
+
بالنسبة للدوسي ادي معاك وراقيك كاملين باش متشقايش اي ورقة عندك ديريله فوطوكوبي ليقاليزي لخطر كل ديبارتومن توالنا واش تطلب

[عبير الامل]

صباح الخير اختي سطايفية
امس رحت باه نسجل دخلت للجامعة وكم كانت جميلة ورائعة بل من اروع الجامعات التي دخلتها وتوجهت الى كلية العلوم لجامعة الباز دخلت قلي لاجون يلي ثم على مكان دفع الدوسي وكي رحت وين قالي لقيت يلي يشد الدواسة خارج قالي معادش نقبلو الدواسة رغم انه ما زال وقت الترونسفار فكم اتمنى منك اختي ان تستفسري لي بلاك فتحو اليوم الباب مرة اخرى لقبول الملفات ديريها مزية فيا نا كلمي بلاك تعرفي طالبة في تلك الكلية ورديلي الخبر في اقرب وقت من فضلك لاني احببت ان ادرس في سطيف فكم اتمنى ان تساديني اختي لعلهم فتحو لي بابا من جديدا
تقبلي مروري وارجو الرد في اقرب وقت من فضلك

[سطايفية بكل فخر]

المشاركة الأصلية كتبت بواسطة عبير الامل

صباح الخير اختي سطايفية
امس رحت باه نسجل دخلت للجامعة وكم كانت جميلة ورائعة بل من اروع الجامعات التي دخلتها وتوجهت الى كلية العلوم لجامعة الباز دخلت قلي لاجون يلي ثم على مكان دفع الدوسي وكي رحت وين قالي لقيت يلي يشد الدواسة خارج قالي معادش نقبلو الدواسة رغم انه ما زال وقت الترونسفار فكم اتمنى منك اختي ان تستفسري لي بلاك فتحو اليوم الباب مرة اخرى لقبول الملفات ديريها مزية فيا نا كلمي بلاك تعرفي طالبة في تلك الكلية ورديلي الخبر في اقرب وقت من فضلك لاني احببت ان ادرس في سطيف فكم اتمنى ان تساديني اختي لعلهم فتحو لي بابا من جديدا
تقبلي مروري وارجو الرد في اقرب وقت من فضلك

اهلا ختي
+
ههه وي مليحة كي جيتي زيارة كي تقراي فيها تكرهيها من بردها وحمانها هههه
+
اختي راهم يكدبو عليك راهم يليكيديو ختي روحي قوليلهم راهو مزال الحال على الترونسفار ولا مقبلولكش اطلعي لنيابة الجامعة واشكي ثما
+
انا للاسف خلصت ومعدتش نروح ثما لاني معندي مندير لكن ان شاء الله ادا لقيت بنات نسقسيهملك
لكن نصيحة اهبطي وحدك وديري واش قتلك

[عبير الامل]

اختي الكريمة سطايفية وبكل فخر
ارجو ان تسدي لي اخر خدمة اعرف اني اثقلت كاهلك بطلباتي لكن ارجو منك ان كان عندك نسخة من ورقة الترونسفار ابعثيهالي غدوا باه نمد لواحد يسجلي في بلاصتي ومانيش حاب نتعبه نمدله الدوسي مريقلف فهمتيني اختي
انتظر ردك بفارغ الصبر تقبلي مروري

[سطايفية بكل فخر]

اختي ورقة الترونسفار كل ديبارتومون عندها الورقة الخاصة بها لدلك لازم تهزيها من عند علوم المادة
وانا للاسف منيش نطلع للجامعة لاني خلاص خلصت لاليسونس ومعنديش حتى ليكارت باش ندخلها
بالتوفيق
كي يجي لي يسجلك يهزلك وحدة ويملهالك