مساعدة من فضلكن يا لحراير

ام مؤيد عبد الغفور · 2013-09-20, 17:03

اليوم جاب زوجي مخ نتاع بقرى وحرت واش ندير بيه ايا لفحلات تكرمو عليا بوصفت وجزاكم الله كل الخير

*أم كوثر* · 2013-09-20, 17:43

والله يا أم مؤيد جيتي على الحاجة لي ماناكلهاش وطلبتي هههههه
اتمنى لبنات يفيدوك اختي

om mita · 2013-09-21, 20:16

انا نقولك كيفاه نديرو
احكمي المخ غلية مع شوية ماء وملح ورقة وفص ثوم رند حتى تشوفيه حكم روحو شوية باه يجيك ساهل للتقطاع
قطعية قطع متوسطة
ديري طماطم مرحية حساب الكمية الي عندك رابيلها ثوم علا حساب الرغبة تاعك دريلها شوية ملح وكمون وزيت وخليها طيب شوية من بعد لوحي المخ واذا كنت تحبي الحار رابيه او قطعيه قطع صغيرة جدا وخليه يطيب يجي هايل واذا حبيتي كسري عليه بيضات
انشاله نكون افدتك اختي

أم ياسين الزهراء · 2013-09-21, 22:05

غليه في شوي ماء وخل ومنبعد ديريه في مقلى مع الزيت وفتتيه حتى يطيب وزيدي عليه البصل اطراف صغار مع الثوم والفلفل الاكحل والهريسة ادا تحبو الحار والطماطم حب مرحية وخليها تنشف من الماء وكسري عليهم البيض والحشيش وبصحتكم اممممممممممممم

ام مؤيد عبد الغفور · 2013-09-22, 10:17

مشكورين على الافادة