سوس الخشب

wahibaazel · 2013-10-24, 03:54

عندي مشكله ظهر السوس في بيتي في المطبخ ثم في أثاث البيت وراني خائفة يعدي الصوف عاونني من فضلكم ،الحطب معمر به هل من حل رجاء

wahibaazel · 2013-10-24, 05:55

من فضلكن يا خبيرات لا تبخلن علي بالرد وجزاكن الله خيرا

نيفرتيتي. · 2013-10-24, 07:52

ياختي انت السوس وانا الغريشة في المطارح راني هزيت مطرح وطيشتو ودرك لخرين ماعرفت ماندير روحي سقسي كاش نجار درك يدلك شوفي واحد ثقة
ربي يعاونك

ام البنتين · 2013-10-24, 09:06

شوفي انا ما عنديش معلومات دقيقة نفيدك بيها و لكن حبيت نعاونك برك لازم تعرفي السبب ربما نقص التهوية في البيت هو السبب اسئلي النجار كيما قالتلك الاخت هو ربما ينصحك بكاش مبيد للحشرات يكون فعال و ما تغفليش خلاص لان السوس و الدود و الغريشة صحيح كائنات دقيقة و لكن ادير كولرث.و في انتضار ذلك جربي المبيدات الفعالة لي تتشرى كغبرة و تتخلط بالماء و ترش و لكن لازم لي يعرف باش يقدر الكميات و لازم تخرجو من البيت في ايام الرش لانه مضر للا طفال لازم تسقسي النجارين الكبار لي يخزنو الحطب بكميات كبيرة اكيد يعرفو الحل.

wahibaazel · 2013-10-24, 18:43

بارك الله فيكن أخواتي الكريمات

* دموع الشوق * · 2013-10-26, 01:40

السلام حنونتي
على حد علمي لازم تهوي المكان
و تجيبي كاش مبيد حشرات فعال
و ترشي بقوة على الخشب و تتحسسي للصوت إذا اختفى معناه مات السووس
و لكن لازم تواصلي و تبقي حذرة ممكن يتحوصل و تحسبي بلي مات
لازم تواصلي الرش بالمبيد الحشري حتى تتأكدي من زوال السوس تمااااما
و روحي لنجار قديم عندو خبرة ينفعك أكثر
و ربي يفرج عليك