المدرسة العسكرية العليا للإشارة قليعة دفعة سبتمبر 201

[prince of algeria]

السلام عليكم

اليوم وصلني استدعاء به امر التحاق مطلوب مني التوجه الى المدرسة العليا للاشارة بالقليعة ناحية عسكرية اولى

يوم 22/09/2013 على الساعة الثامنة صباحا

علما انا تخصصي اعلام الي معناه informatique

بارك الله فيكم لنجعل هذا الفضاء فضاء تعارف بيننا

وكل شخص له اي معلومات يفيدنا بها بارك الله فيكم

عاونوا خاوتكم لا تبخلونا بأي معلومة والله ولي التوفيق والسلام علليكم

[dophiiin]

rabi ysahalek kho .. mem ana informatique mais mazel ma waslatnish !

[badis senfour]

ربي يسهلك خويا

[the_leader]

أخي كان في هذه المدرسة في إطار أداء الخدمة العسكرية في 2005
وكان ديما يشكرها ويقللي روح ادفع دوسيك فيها
المفروض انها مليحة والله أعلم

[amine eco]

القليعة مليحة ............كي تكمل يعطوك ملازم احتياطي و ليس ضابط ....اي بعد ميتاسيون يزيودك 1000 دج عكس ضابط الاحتياطي

في عادة هوما ميرجوش فائض يمدو سورسي

[أخوكم الصادق]

مدرسة جيدة و المعاملة فيها مقبولة و موقعها مناسب لكن الأمر السلبي فيها أن الفائض يخرج بسورسي لمدة 6 أشهر أي أن الفائض يعاد تجنيده في الدفعة القادمة.

[شايب سيف الدين]

السلام عليكم أنا من ولاية سكيكدة أو راهم بعتولي استدعاء للالتحاق بالمدرسة العليا للاشارة قليعة يوم 22/09/2013
علما أن تخصصي هو علوم اقتصادية تسيير مؤسسة.

[mansofian]

nwassik haja barek mkan lah temdelehoum telephone ta3ek kont

[aeksma1941]

زيدز فيدونا يا جماعة الله يجازيكم على هذي المدرسة

[TAREKCH34]

https://www.djelfa.info/vb/showthread.php?t=1226009

[bkchouaib]

انا أيضا ليسانس علام الي
جاتني في مارس للقليغة و ما رحتش و الثانية في سبتمبر 2013 للقليعة أيضا
راح نتلقاو أنشاله

[bkchouaib]

أنا أيضا من سكيكدة ملقاة الخير

[ATEF 23]

نا ايضا في القليعة رحت في مارس لنفس التكنة و خرجزني بسورسي وكنت عندي ملف طبي.المهم فيها معاناة الايام الاولى و من بعد كي كي يلبسوا تخف
في مارس كنا في 650 واحد نباتو في اونغار النهوض على 3.30 تا الصباح باه تروح تفطر على 5 واش راح نديرو تحمل ايامات
وزيد التكنة هادي تطول الاجراءات باه تخرج معفي تقعد شهر او اكتر توصل حتى 45 يوم
زيد حاجة غير احفظوا الاناشيد الوطنية قسما كاملة و من جبالنا و جزائرنا وبالتوفيق ان شاء الله رب معانا

[khayrou 35]

سلام عليكم انا كنت فيها دفعة مارس 2013 و الحمد لله خرجت منها اعفاء بسبب طبي هاد المدرسة متخرجش بسبب الفائض و انما تمد سورسي او الاعفاء بسبب انا شخصيا ريحت فيها 43 يوم باه خرجت منها معفى .
لما تلتحق بهاد المدرسة نصيحة وجد روجك نفسيا مليح لانو لما تباتو فلونغار راح تتعرضو لعذاب نفسي كبير لانو نتا تكون راح معول تجوز 18 شهر و لما تلتحق بيها تحاول تخرج بشتى الطرق بسبب الاحتكاك باصحاب الملفات الطبية .
البورتابل ممنوع مي تقدر دخل واحد سكيمي و نصيحة جيب معاك باتري الي تشد بزاف لانو متلقاش وين تشارجيه .
الضباط الي راح يشدوكم هم عبارة عن ملازمين اوائل من الدفعة السابقة.
الغداء عادي و العشاء يسال عليك الخير .
جيب معاك كتب باه تجوز الوقت .
الجماعة ابت يطولو باه يلبسو حوالي شهر على هادي قتلك عداب نفسي .
اي سؤال تفضلو طرحوه و ان شاء الله نقدر نجاوبكم

[ATEF 23]

المشاركة الأصلية كتبت بواسطة khayrou 35

سلام عليكم انا كنت فيها دفعة مارس 2013 و الحمد لله خرجت منها اعفاء بسبب طبي هاد المدرسة متخرجش بسبب الفائض و انما تمد سورسي او الاعفاء بسبب انا شخصيا ريحت فيها 43 يوم باه خرجت منها معفى .
لما تلتحق بهاد المدرسة نصيحة وجد روجك نفسيا مليح لانو لما تباتو فلونغار راح تتعرضو لعذاب نفسي كبير لانو نتا تكون راح معول تجوز 18 شهر و لما تلتحق بيها تحاول تخرج بشتى الطرق بسبب الاحتكاك باصحاب الملفات الطبية .
البورتابل ممنوع مي تقدر دخل واحد سكيمي و نصيحة جيب معاك باتري الي تشد بزاف لانو متلقاش وين تشارجيه .
الضباط الي راح يشدوكم هم عبارة عن ملازمين اوائل من الدفعة السابقة.
الغداء عادي و العشاء يسال عليك الخير .
جيب معاك كتب باه تجوز الوقت .
الجماعة ابت يطولو باه يلبسو حوالي شهر على هادي قتلك عداب نفسي .
اي سؤال تفضلو طرحوه و ان شاء الله نقدر نجاوبكم

ما هو الملف الطبي لكان عندك باه خرجتت