كيف انصح بنت اختي فيما يخص هذا الخاطب..

[ام البنوتة]

عندي بنت اختي عمرها 20 سنة و لديها عمتها مغتربة في فرنسا لها سنة فقط زواج.هذه العمة لها اخ زوجها طبعا مغترب يريد خطبة بنت اخيها و التي هي بنت اختي
هذا الشاب من خلال كلام العمة انه لا يصلي و لا احد يصلي في البيت سوى زوجها و ان ابوهم اي ابو زوجها و هذا الشاب هجر عائلته و يعيش ببيت مستقل عنهم
هاذي العمة اصلا لما جاءت الى الجزائر هي و زوجها تقول بصفة عادية انها تنزع الخمار لما تذهب الى البحر مع زوجها يعني بالمختصر هذا الرجل غير ملتزم دينيا فكيف يكون اخوه
المهم اختي اي ام الفتاة رافضة الموضوع من جهة عدم الالتزام و الغربة و عدم القدرة على السؤال عنه جيدا...من الاخر هي متوجسة من فكرة اقامته لعلاقات مع النساء و شرب الخمر
المشكل ان الفتاة بحكم قلة تجربتها في الحياة و صغر سنها منبهرة بفرنسا و بعنتها المغتربة التي حمستها للموضوع جدا و الهدف ان لا تكون وحدها في الغربة.
الان اختي تريدني ان اقنع ابنتها بان الشاب غير مناسب و ان الزواج شيء اخر و اها لن تسعد مع من لا يخاف الله الا انني غير متحمسة للتدخل و اخاف مستقبلا ان تلومني بنت اختي لان كل واحد يرى السعادة بمنظاره الخاص.
ماذا افعل هل اكلمها و اقنعها بانه ليس شاب مناسب و ليس ممن يرضى المرء دينه و خلقه ام اتجنب الدخول في الموضوع
ملاحظة فقط اختي و زوجها حسما الامر لكن هي لا تريد ان تكسر مشاعر ابنتها لذلك تريد من يقنعها بالامر

[فافا مينوشة]

ختي انتي خالتها والخالة في مقام الام ومن حقك تنصحيها وريلها الصح من الخطا
وانتي اعرفي كيفاش تقنعيها على حساب عقلها وشخصيتها حنونة وربي يهديها وتسمعلكم الكلام

[املي في ربي]

اختي الكريمة لازم تنوري الفتاة و تقوليلها كل المخاوف و تبينيلها العواقب من كل الجوانب لازم تفهميها مليح و في الاخير هي تختار الزواج مبني على الدين و الاخلاق اولا و اذا غابت لن تكون سعيدة فرنسا و الغربة و الروحة و الجية ماراهيش رايحة تدوم جامي لا تغرها لازم تخمم بعيد و يما انو سنها صغير راهي غاويتها الدنيا بزاف لازم تقنعوها باللتي هي احسن بدون ضعط و في الاخير خلو القرار ليها باه ما تلومكمش من بعد و ما تتخلوش عليها بالتوفيق

[biti]

لازم تفهميها قوليلها اذا دخلتي ولقيتيه مع وحدة في الدار واش تعملك فرانسا
واذا رجع شارب وضرب و خسرك وجهك شكون بيك واهم شئ الاستخارة

[أسومة المتفائلة]

لازم تهدري معاها وتقنعيها راهي صغيرة والدنيا مازالت قدامها
حاولو تنصحوها

[pro24]

خليها تزوج بيه عادي
لكن بشرط ان كانت هي ملتزمة
غادي ترجعوا عادي الى الطريق المستقيم باذن الله
لدي ابنت اخي تزوجت من شارب خمر ولم تكن ملتزمة
وبعد زوجها لبست النقاب ولم يقل لها اي شيء ومن بعد امرته بالصلاة فأصبح يصلي والحمد لله
وهما الان ملتزمان
بالتوفيق

[الوليـــــد]

يمكنها أن تتزوجه و تصلح من حاله .

[سامو حنان]

و الله الأمر صعيب قولي لها اذا حبيبتي اضيعي مستقبلك روحي لكن اذا حاوزك او ضربك ما تشكيلناش لأنك انتي اللي حبيبتي ،،، و قوليلها اللي عايشين في الغربة ((( الا من رحم ربي )) يشربو الخمر عادي و يذهب """ الى المراقص """ و عندئذ ستندمين أنكي لم تأخذي براي أمك ،،،، ربي يوفقك

[naamane3]

ربي يوفقك وتقدري تقنعي[center]ها برأيك [/center]

[سيدة القصر الهام]

اذا هي رزينة و مربية و ملتزمة ممكن تصلح من حاله ، لكن صعب جدا انها تأثر على عبد ترسخت فيه عادات دخيلة

أحسن حاجة كوني لها صديقة و جيها باسلوب باهي ، حاولي تقوليلها اذا على الزواج قسمة و نصيب و كان جا هو مكتوبك تتجمع كل الدنيا و حد ما ينحيهولك و اذا مش مكتوبك ربي حطه قدامك ليبتليك و يشوف ايمانك و مقدرتك على جهاد النفس

و اذا على فغااانساااااااااا قوليلها ساهلة و تقدري تروحيلها مام كان ماتزوجتيش و ممكن يجيك آخر و يديك و تشوفي و تعيشي

احكيها باسلوب تاع لي jeunes و كوني ذكية في اقناعها و كسبها لصالحك ..

ماتبالغيش فنصائح روتينية بنفس الوقت فتحيلها عينيها

موفقة وربي يرزقها الرجل الصالح ان شاء الله