ساعدوني أرجوكم

FATIHA MIMI · 2013-09-03, 22:18

احتاج إلي إنسان عندو نفوذ في سلك الأمن اي الشرطة باش يعاونو زوجي وهو شرطي دائماً متغرب علي
اتخيلو روحكم متزوجين بصح الطرف الثاني ماكاش
يا خاوتي في وجه الله ثم الوالدين عاونوني
انا صح راني متكلة على ربي بصح حبيت ندير السبب فقط
وإنشاء الله يكونو كاينين الناس اللي في قلوبهم الرحمة و يساعدوني بالاك كاش وحدة عندها زوجها و لا باباها و لا خوها يقدر يتدخل باش يعاني برك
و اي راجل عندو صاحبو و لا جارو يقدر يعاونو في هاذ الامر
انا نقلكم عندي ربي ثم نتوما
راني نستني فيكم يا خاوتي
واذا كاين مساعدة قولولي انا نكتبلكم رقم الهاتف باش نفهمكم ماتبخلوش علي
ووالله ما نسمح لواحد يقدر يعاوني وبخل علي
وزوجي راه ماعلابلوش بلي راني حابة نعاونو
انا زوجي ضرك راه في الجلفة بعيد علي بزاف
اي مساعدة اكتبولي في الرد ضعي رقم الهاتف و انا نكتبو
برك ماتكسروش خاطري ارجوكم

بلسم غرام2018 · 2013-09-03, 22:28

للاسف حبيبتي
مي الدعاء ثم الدعاء ربي يرجعهولك سالم غانم ان شاء الله
مي علاه مكريتوش في نفس مكان عملوا وتهنيتو

FATIHA MIMI · 2013-09-04, 06:28

شكرًا لك اختي الحبيبة وربي يرزقك من كل خير

رانيا3 · 2013-09-04, 23:00

ربي يعاونك اختي لعزيزة كون جات عندي معريفة ما نبخلش عليك

أيمن عبد الله · 2013-09-04, 23:15

أختنا الفاضلة فرج الله همك وجمع بينك وبين زوجك

كتابة ارقامالهواتف ممنوعة

والحل ربي يفرج عليكم وتجمعوا إن شاء الله في مدينة عمل زوجك

أو هو ينتقل إلى مقر سنكه ...وأمثاله كثيرون

samira135 · 2013-09-04, 23:29

الحل هو تجي تسكني معاه في الجلفة كل شيء رخيس والناس طيبين مش رايحة تلقاي صعوبات و اذا قررتي تعيشي في الجلفة قوليلي ونعاونك بلي نقدر عليها

FATIHA MIMI · 2013-09-05, 13:07

بوركت يا اختي وزيرة التجارة و إدعيلي اذا رحت الجلفة راني نجي نزورك

نجلاء السلفية · 2013-09-05, 17:59

فرج الله همك وجمع بينك وبين زوجك

ilosa23 · 2013-09-05, 20:18

فرج الله همك يا اختي
ان شاء الله ربي يلم شملك وتلقاي اللي يعاونك

sarl02 · 2013-09-05, 20:47

هناك الالاف ممن هم في حالة زوجك ...لازم يصبر والحل الوحيد هو انو يكريلك وتتحولي معاه لمكان عمله ..وقوليلو احط ملف اجتماعي يرسل الى المديرية العامة للامن الوطني بلاك احولوه بلا معريفة واعرف من حدث معه ذلك وبالتوفيق.

FATIHA MIMI · 2013-09-05, 23:35

شكرًا لكم إخوتي
تمنيت نلقى خبر يفرح لكن!!!!!!!!!!
لكن دعائكم لي و مواساتكم أبهجت خاطري حينها علمت أن أناسا طيبين أمثالكم رجالا كانو او نساءاً
علمت حقاً ان رحمة الله لا تزال على وجه الأرض إلا لوجودهم في هذا الكون
و اقول لكم بصدق للاخت رانيا3 وو الاخ ايمن و الاخ. Sarl2 و الاختilosa23و الاخت flower2 و الاخت samira135 و الاخت رانيا3 و عزيزتي بلسم الحياة اقول لكم بوركتم و حفظكم الله و اعزكم الرحمان و أمدكم من كل خيراته ما تشتهون أحبكم في الله لا إخوتي و كل رجائي ان لا تنسوني بالدعاء شكرا

joumanaa · 2013-09-05, 23:41

rabi yefaraj alikoum w yerodehlek fi akrab wakt

هدى الجيجلية · 2013-09-05, 23:49

إن شاء الله ربي
أيفرج همك يارب
وأيلم شملكما

samira135 · 2013-09-06, 00:06

اقتباس:

المشاركة الأصلية كتبت بواسطة fatiha mimi

بوركت يا اختي وزيرة التجارة و إدعيلي اذا رحت الجلفة راني نجي نزورك

ههههههههـ عجبتني هذي ( أختي وزيرة التجارة)

الله يفرج عليك أخيتي

ومرحبا بيك ديري في بالك انو عندك أخيتك في الجلفة

إذا كان عندك وسيلة إتصال فيس أو إيمايل باش نكونو على إتصال

FATIHA MIMI · 2013-09-06, 22:20

شكرًا اختي وزيرة التجارة انا ما عنديش فايس او إيميل
بصح نقدر نمدلك نتاع اختي و إذا كتب ربي ورحت مع زوجي للجلفة نوعدك بإذن الله نزورك
امبعد نكتبلك الفايس نتاع اختي
لخاطر في دار اهل زوجي ماعندهمش الانترنت و قلت كي نعود نزوح لدارنا راني ندخل إنشاء الله