مساعدة في الادوات الجامعية

si.si810 · 2013-10-03, 13:30

السلام عليكم انا طالبة بيولوجيا ارجوكم ارشدوني ماهي ادوات الدراسة لهذا التخصص وكيفية تقسيم الكراريس بين tp و td و les cours واذا كان الموضوع مكرر فأنا اعتذر وارجو ان ترشدوني الى المواضيع السابقة في هاذا الخصوص وشكرا مسبقا

ben mensour · 2013-10-03, 14:53

انا ثاني عطاوني بيولوجيا والادوات لي ديتهم هوما :
1/ دومينو
2/ لومبلي
3/ لي بوستار تاع الهداف
كخخخخخخ والله ما علابالي واش هوما لكرارس انا ثاني اني حاب نسقسي

ٍضوء القمرِِ · 2013-10-03, 18:03

les tp اوراق بيضاء
les td ديريهم في كراس وles cours في كراس الاغلبية يمدولكم poly copier .ولا كيما حبيتي المهم نظمي دروسك باش جيك ساهلة المراجعة
السنة الاولى اسهل سنة لازم تخدمي مليح على خاطر يفيدك المعدل في اختيار التخصص

زينب07 · 2013-10-03, 23:29

والله مام انا بيولوجي اي ولاية نتوما واش بديتو ولا لا حنا بدينا ليكور وزيد راني كنت تقني تسما مقريناش العلوم وهكا جاتني biologie cellulaireجاتني صعيبة وانا درك ندمت لدرتها لاني لونفي لفيه كامل علميين غير انا تقني معلبالي بوالو كرهتها من نهار الاول وزعما كنت حابتها وحابة نمجوري فيها مي دركا تخوفت منها لانها الموديل هدا ليضمن النقاط واش تنصحوني ربي يخليكم خاوووووووووووووووتي قلت ندير لكور علوم وزيد هزيت لكتاب تاع العلوم تارمينال مفهمتلو واااااااااااااالو ادعولي ربي يفرجها عيا كرهتها من درك باصكو نشوف فيهم كامل يشاركو من غير انا انصحوني ربي يخليكم وجامي ننساكم من داعئي

si.si810 · 2013-10-04, 20:12

شكرا اخت ضوء القمر على المساعدة وبالنسبة للاخت زينب متخافيش نعرف لي كانو كيفك وتغلبو على الصعوبة صح كانت صعيبة اعليهم فالاول لانها تعتمد شوي على واش قرينا فالعلوم فالباك ولكن هاذا رايح يكون حافز ليك باه تجتاهدي اكثر و حاولي تحضري قبل وبعد الدرس لي راح تاخديك باه تسهال اعليك شوي وربي معاك اختي العزيزة شوية ارادة برك وتتغلبي على كلشي انشاء الله

sakura be · 2013-10-05, 11:41

اقتباس:

المشاركة الأصلية كتبت بواسطة زينب07

والله مام انا بيولوجي اي ولاية نتوما واش بديتو ولا لا حنا بدينا ليكور وزيد راني كنت تقني تسما مقريناش العلوم وهكا جاتني biologie cellulaireجاتني صعيبة وانا درك ندمت لدرتها لاني لونفي لفيه كامل علميين غير انا تقني معلبالي بوالو كرهتها من نهار الاول وزعما كنت حابتها وحابة نمجوري فيها مي دركا تخوفت منها لانها الموديل هدا ليضمن النقاط واش تنصحوني ربي يخليكم خاوووووووووووووووتي قلت ندير لكور علوم وزيد هزيت لكتاب تاع العلوم تارمينال مفهمتلو واااااااااااااالو ادعولي ربي يفرجها عيا كرهتها من درك باصكو نشوف فيهم كامل يشاركو من غير انا انصحوني ربي يخليكم وجامي ننساكم من داعئي

اخت سيسي راني جاوبتك هنا https://www.djelfa.info/vb/showthread...1401180&page=8

اخت زينب ماتخافيش نهائيا والله قرات معايا وحدة قرات كيفك ومع كتاب العلوم نتاعنا نتاع الباك جابت نتائج ممتازة بالعكس احنا كنا نختالفوا بزاااف مع الاستاذ لانو كنا لاعبينها فاهمين وتتخلطلنا الحالة وهي ولا اشكال

زينب07 · 2013-10-11, 14:53

مشكورين خازتي على الرد وعلى النصح والله طلعتولي المورال هههه والله راني حابةنقراها مي متخوفة مي بربي راح نتغلب على كل شيء وان شاء الله منلقاش صعوبات ومشكورين وجزاكم كل خير ربي يحفظكم كااااااااااااااااااااااااااااااااامل