السلام عليكم
البارح كنت صايمة وقعدت ندور ونخمم واش نطيب لفطور المغرب؟؟؟ مليت من الطواجن من الفريت أوملات..ألخ
وتاني كانت في بالي شورما بصح كنت فنيانة وراكم عارفين السخانة هاد اليامات المهم نخليكم مع الوصفة:
-خبز عادي ،بطاطا مقلية،وشوارما(درت لحم دجاج طيبتو بعد مابرد نفتتو وحطيت له بصلة صغيرة مرابية 3سنات ثوم شوية كمون مغرف ك خل شوية ملح 2 م ك زيت وهو على النار نضيف له 2ملاعق كرام فراش ونطفي)
نجيب الخبز ندهنه بشوية فرماج وانا درت شوية زيت زيتون ونحط الشوارما ثم البطاطا نغلقها وتقطع على حساب المقلة اللي عندك ونكون سخنا المقلة من قبل ونجيبو حاجة ثقيلة ونحطوها عليها ونضغط عليها شوية (وتقدرو تستخدمو تاع الشوارما ) ماتديش الوقت بزاف وتحمار بالخف ونقلب للجهة الأخرى نفس الشي ونقطعها وتقدم ساخنة تقدروا تغيروا فالحشوة على حسب الموجود..عملتها يومين والله خاوتي سخفو عليها وبداو يدابزو عليها هههه قالولي طعمها يهبل ويشبه للبوراك باسكو انا كي كنت نقلي البطاطا في نفس المقلة نخدم فيها يعني ما فيهاش كثرة المواعن وماتديش الوقت بزاف وإن شاء الله تعجبكم وصفتي وماضحكوش عليا هههه هادي أول مرة نشارك هنا
آسفة على ردأة الصور لأني كنت نصور بالبورطابل تحياتي.
( تقرير عن مشاركة سيئة )، و الموجودة أسفل كل مشاركة .
2015-08-13, 15:23
شوارما الخبز العادي
العرض العادي
