مساعده من فضلكم

ام سنونو · 2014-10-23, 11:13

اسعد الله صباحكم لي عندها تجربه في الرضاعه الطبيعيه تعطيني حل لمشكلتي ارجوكم اابني عندو 13 شهر و يرضع ياس و خاصه في الليل يبات يرضع و مالقيتش حل ارجو النصيحه و شكرا

hloukaman · 2014-10-24, 15:56

السلام عليكم ورحمة الله وبركاته
أنا رضعت ولادي رضاعة طبيعية وكنت كيفك ولادي ما يرقدوش
حتى تفطميهم باه تريحي ربي يعينك
ديريلوا قرعة عاونيه بها والأكل الخاص به باه يشبع

سلواان · 2014-10-24, 16:03

السلام عليكم..
سيدتي..
أشبعيه قبل النوم ...حاولي الهاءه كذلك لتؤخري موعد نومه ..طيب هذا من جهة ...
من جهة أخرى وبالمحافظة على ما قلته لك...
ابدئي معه فترة تربص يعني يجب أن تمرريه على مرحلة انتقالية ..مثلا اذا كان يستيقظ 4 مرات في الليلة الواحدة خفضيها وبالتدرج الى أن تصل الى درجة الصفر..لكن على شرط...
كوني شديدة بعض الشيء (جمدي قلبك ) ودعيه يبكي ...سيكون من وراء ذلك فائدتين ..
1 ــ البكاء مفيد لجهازه الصوتي..
2 ــ سيتوقف عن البكاء حينما يشعر بالتعب ويدرك أنه لاجدوى من وراء بكائه .
ستنجحين حتما ان تتبعت الخطوات ..وبالتوفيق..

ام سنونو · 2014-10-27, 14:16

شكرا جزيلا اخواتي علي ردودكم و اخيرا لقيت لي يفهمني.........ساعمل بالنصيحه ادعولي

life is life · 2014-10-28, 00:53

اقتباس:

المشاركة الأصلية كتبت بواسطة سلواان

السلام عليكم..
سيدتي..
أشبعيه قبل النوم ...حاولي الهاءه كذلك لتؤخري موعد نومه ..طيب هذا من جهة ...
من جهة أخرى وبالمحافظة على ما قلته لك...
ابدئي معه فترة تربص يعني يجب أن تمرريه على مرحلة انتقالية ..مثلا اذا كان يستيقظ 4 مرات في الليلة الواحدة خفضيها وبالتدرج الى أن تصل الى درجة الصفر..لكن على شرط...
كوني شديدة بعض الشيء (جمدي قلبك ) ودعيه يبكي ...سيكون من وراء ذلك فائدتين ..
1 ــ البكاء مفيد لجهازه الصوتي..
2 ــ سيتوقف عن البكاء حينما يشعر بالتعب ويدرك أنه لاجدوى من وراء بكائه .
ستنجحين حتما ان تتبعت الخطوات ..وبالتوفيق..

13 شهر يا عباد ربي 13 شهر 13 شهر 13 شهر 13 شهر

أختي ام سنونو شبعيه لازملو وجبة افطار و وجبة عشاء و ياكل تاني تيسويس ووو و لوكان راكي ديريله لبيبرو تساعدي شوية و ترتاحي تاني لانو يشبعه
ولد خويا 11 شهر ينوض مرتين برك ، امو عاملة لذلك نعطيه لبيبرو و حتى هيا راها تفطم فيه من درك لانو الوضع لا يسمح

المهم في الليل بعد ما يتعشا العبي معاه و لهيه قدر الامكان ولد خويا يبقى يلعبحتى مع 11 تاع ليل 12 يرضع ،و يرقد ينوض مع 2 و 5 و صباح

مي لازم ما تخليهش يجوع اختي و الطفل كي يكون شبعان و نظيف ما ينوضش الا اذا مريض يا اختي الكريمة

و ما تسمعيش لهاذ لكلام تاع تقسحي قلبك وووو لا اختي هكدا تقتليه يا لطيف قالك البكاء مفيد لجهازه الصوتي. قال

لا حول و لا قوة الا بالله يا اختي صح البكاء ليه فائدة و هي انو يتفتحو ليبومو ماشي حهاز صوتي ووو مي في حدود المعقول و مرة في زمان ماشي لبكا نتاع الجوع

حذااااااااااااااري ثم حذاااااااري اختي لأنو الطفل اذا خليتيه يبكي راح تبدى بالشحنة يبقى يشحن و توليله الفحمة و من بعد يحكمو الصرع يا لطيف

اللهم النهوض لثلاث مرات في الليل ،،،، خير ما ترجعي في الدوا على ولدك

هاذي هي حال كل الامهات اختي و كل المربيات فصبرا جميلا اعانك الله الامومة موش ساهلة """ إلا على عديمين الرحمة و الشفقة ""

ام سنونو · 2014-10-28, 11:12

اشكرك اختي العزيزه علي النصيحه