ادخلوتعرفو مشكلة ديالي

فافا مينوشة · 2013-06-01, 19:50

الحقوني تبهدلت احي عليا
اليوم صباح خرجت نقضي حمد لله انا بحجابي الشرعي ومحتشمة ونخاف من خيالي مش نشكر في روحي حمد لله ناس يشهدولي انا وخاوتي المهم
منين كملت القضية وقربت للحومة تبعني واحد بانلي نتاع حراس الغابات لابس كيما هما ولا منعرف وش يكون تبعني وبدا يشد فيا من يدي وانا حشمت قتلو مخطوبة يخاه وراك قدام حومتي تبهدلت ياناس قاعد يشد فيا ويقولي تعيشي شدي الرقم وليت هربت وطاحولي الدراهم وبدا يعيط ويقول هاهو رقمي فلرض ارفديه انا رفدت الصرف لي طاحلي
رفدت راسي لقيت جارنا شافني وياااااااااااااااااااااااااااااااااااااااا لكشفة
جيت لدار قلت لماما كامل وش صرا وختي ماما قاتلي وش دخلو فيك الجار وعلاش شافك مشيتي ولا خرجتي معاه كامل البنات يتعرضو لهاد المضايقات وختي تاني قاتلي مديريش عليه
راني خايفة ويلا جارنا حسبها حاجة وحد اخرى ويشبعني وياااااااااااااااااااااااا خاه نندب
مع انو هاد شخص مين خرج الله لا يتربحو مفهمتش
تبهدلت راني خايفة وشادة مضربي ماما قاتلي ويدا شافك الجار وش فيها ياك مدرتيش حاجة لي تغلط ومديريش على الناس حاجة صغيرة يردوها كبيرة
بصح انايا خفت يقولك صاحبها ودارلها هكداك وياااااااااااااااااااا قلبي راه رايح يحبس وخايفة يسمعو بيا الناس ونولي علكة في لساناتهم
مدررررررررررررررررررررررررتش حاجة غالطة هو لي تبلاني وانا والله ان سانة عاقلة وعلاش علاش يسلطو على بنات الفاميلية
طمنوني وقولولي بلي نورمال راني خايفة غير من جارنا
بويسك عند ربي راني صافية وربي عالم بلي انا مليحة وكلشي
علاش علاش متمدوليش الردود لي يقتلوني انا اصلا راني ميتة بلا موت
تعيشووووووووووووووو

مريم الصابرة · 2013-06-01, 20:04

السلام عليكم مينوشة
واشبيك خايفة هذا دليل إنك مأصلة ومتربية وهذا حراس الغابة خلى الغابة تشعل وجا يجري ورا بنات الناس ياخي حالة الناس هبلت
اختي ما درت والو ومع ربي ضميرك مرتاح جاركم ماكان ما دخلو رفدت الصرف ما رفدتيش الرجال طايح من الأرض ربي يسهل كان فهم حاجة اخرى
المهم إنت مع ربي صافية وربي يهنيك وهذا اللي شدك من يدك كنت تكفيه على وجهو تبقالو خمسة باه يشفا عليك رجال آخر الزمان ما تتقلقيش عادي مواقف هذي انا مرة واحد تبعني وبقا يتبع ويبسبس وقفت قدام مول السردين وقف معايا شريت رطل عندبالو نديه رميتو عليه قتلو ماشي كنت تبسببس حاب تاكل السردين كول ضروك مهابل

فافا مينوشة · 2013-06-01, 20:08

يعطيك الصحة مريم طمنتيني يا زينة بصح جارنا فمو مشرك والمجتمع ميرحمش الله لا يتربحهم رجال اخر زمن كيما قلتي حاشا البعض
ههههههههههههههههههه غزيتيلو كي رميتي عليه سردين ههههههههههه نستعرف بيك

مريم الصابرة · 2013-06-01, 20:24

اقتباس:

المشاركة الأصلية كتبت بواسطة فافا مينوشة

يعطيك الصحة مريم طمنتيني يا زينة بصح جارنا فمو مشرك والمجتمع ميرحمش الله لا يتربحهم رجال اخر زمن كيما قلتي حاشا البعض
ههههههههههههههههههه غزيتيلو كي رميتي عليه سردين ههههههههههه نستعرف بيك

السلام عليكم مينوشا
إسمعي جارك هذا المشرك فمو ما عندو ما يدير الناس راهي تعرفكم وإنت واش ديري تربي الرجال واش لازم يديرو هذا واحد ضدم من الغابة لعندك ويجيب فالنيمير ونتاعو إنت واش ديريلو الله غالب فوق يدك
الناس راهم يعرفوكم ما تعمريش راسك ربي خير او الناس
رميت عليه السردين قاعد يبسبس عند راسي شافني قطة وربي يحبني بعث قدامي مول السردين
انا اختك غاضني السردين كان غالي انا ما كليتوش رميتو عليه اللي كانو فايتين كامل شبعو ضحك عليه هكذا يحرم يخلط في قطة ما تزعفيش عادي اختي ماكان والو

فافا مينوشة · 2013-06-01, 20:48

عندك الحق وهو ربي وكيلو هههههههههههه ضحكتيني بصح باش يتعلم مرة اخرى هبلونا هبلونا يا مريم ختي

houda_jijel · 2013-06-01, 21:02

قولي 'حسبي الله لا اله الا هو عليه توكلت و هو رب العرش العظيم'"سبع مرات و ادكري الله و ادعيه الستر سيسترك بادن الله و متخافيش

achwak crazy girl · 2013-06-02, 09:40

ختي ما تخافي ما والو لانو معملتيش حااجة غالطة انت متربية وهو لي تبلا عليك وسيرتو كي قلتي ليماااك متخافيش وعلى جااارك يفهم كيمااا يحب لانو انت مدرتيش حااجة غالطة ومديريش على هدرة النااس

haytoo82 · 2013-06-02, 09:51

انت ماكيش غالطة ماكي مصحبة معاه هو ضلمك وكان جاء جاركم راجل ويقدر الجيرة كان يتعارك معاه ويفك عليك كانو خوك ولا ابيك هذارايي ما تستغربيش وش راح يقول استغربي علاه وقفش معاك خاصة كيعدتي عاقلة وخاطياتك الطوايش

الجزائرية 1995 · 2013-06-02, 13:08

انت مسقمة على وجه رب موش على جال الناس لذلك رب راح ينصرك فقط بعض الوقت راح يتأكد بلي راكي بنت فاميليا يارت لبنات كامل يخافو على سمعتهم كيما انتي سلام

mitrochka · 2013-06-02, 17:51

أختي مينوشة
كيما تخرجي من الدار إقراي دعاء
اللهم إني أعوذ بك أن أضل أو أضل او أزل أو ازل
أو اجهل او يجهل علي

sirin_25 · 2013-06-02, 17:53

ما تخافيش يا أختي الغلطة ماهيش تاعك انتي

و جاركم هدا يقدر يكون فاهم الحكاية صح على خاطر راهو عايش في مجتمعنا و علابالو وش راه يصرا أغلبية الشباب ما عندهم لا حشمة و لا حياء
و ادا فهم بالغالط ما يهمكش فيه الناس يعرفوك ما نظنش يشكو فيك

فافا مينوشة · 2013-06-02, 20:19

ربي يخليكم حنوناتي البنات طمنتوني الله يفرج عليكم واش تتمنو يحققلكم ربي
وش نقولكم طمنتوني ربي يجازيكم دنيا واخرة

ميسون 1997 · 2013-09-01, 18:57

مادام انتي عارفة روحك مادرتي والو مالا علاه راكي خايفة قاع هكا يهدر ولا يقعد والله وديري على هدرة الناس ماتطلعي درجة وشفتي الجيران كي يخرجولك غير فاللحظة لي تبهدلك وانتي ماشي دايرتها هههههههه ربي يستر

ilosa23 · 2013-09-03, 14:22

شوفي يا اختي :
انت متربية وبنت ناس ومحتشمة بحجابك صح؟؟؟؟؟؟؟؟؟؟؟؟
اذن وعلاش خايفة؟؟؟؟؟؟؟؟؟؟؟؟؟ من جارك؟؟؟؟؟؟؟؟؟؟؟؟؟
خليه ربي يتولاه ويتولى الشخص اللي ظلمك
شوفي هاذ الكلام اللي رايحة نقولهولك عن تجربة
في هاذ الدنيا اذا هدرو فيك الناس ماتخافيش
اذا كنت صح درتيها يشفاو عليها وما ينساوهاش مدى الحياة
واذا مادرتيهاش وكانت غير مجرد اشاعة يهدرو يهدرو ومن بعد ينساوها لانو اصلا ماكانش منها
وهاذي قصة صرات لصديقتي في الجامعة هدرت فيها واحدة وقاتلهم فلانة شربت الخمر والدخان وصديقتي مسكينة عاقلة وخاطيها
تخيلي من الخلعة نتاع الاشاعة راحت قالتا لباباها
شوفي واش قالها:
اذا كنت يا بنتي صح شربتي الدخان والخمر الناس ما ينساوهالكش حتى وتوبي
واذا ما شربتيش وراكي بريئة وهاذ الهدرة غير اشاعة الناس تهدر تهدر ومن بعد تنسى
وفعلا هدرو هدرو ومن بعد نساوها لانها مجرد اشاعة واللي يتكلم في اعراض الناس يوجد روحو يوم القيامة
والسيد اللي تبعك ادعي عليه هذا الدعاء وانت ساجدة في الصلاة
قولي : اللهم اكفني اياه بما شئت

غربة أهل السنّة · 2013-09-03, 19:22

السّلام عليكم و رحمة الله و بركاته

قولي حسبي الله و نعم الوكيل
و لا تشغلي نفسك بما لم تفعلي
في زمننا هذا يستهدفون المتحجبات و العفيفات للإيقاع بهنّ
لا تخافي يا اختي مادمت لم تفعلي شيئا خطأ
أخبري والدك أو أخوك
و أكثري من الإستغفار حتّى تشعري بالسّكينة بدل التفكير في هذه المشكلة
تذكّري انك صنت نفسك بتحجبك و لذلك اسال الله أن يصونك