قاطو ساهل ومايطيبش

ام ساجد · 2012-08-18, 15:19

السلام عليكم حبيت نشارك معكم بهاذ الحلوى اللذيذة والجميلة وانشاء الله تعجبكم
المقادير و التحضير 3كيلات نواد كوكو + كيلة سكر عادي ونلمهم بالزبدة تكون طرية
اي بحرارة الغرفة ونبقى نلم حتى نتحصل على شبه عجينة نقدر نشكل منها كورة
ثم نقسمها الى اربعة اجزاء ونلون باستعمال الملون مع شوي ماء زهر
1- نلون اخضر فاتح -بيستاش-
2-نلون وردي
3-اصفر
4- نخليها بيضاء
وناخذ من كل لون شوي ونحط في كف اليد ونشكل كورة دون ان تمتزج الالوان
ببعضها يعني مانخلطهاش لمها برك ثم نمرغدها في سكر احرش ثم نحطها في الطابع
تاع المعمول او اي طابع تكون فيه قفلة منين تهبطي الحبة بش يسهل العملية ولوكان يكون
طابع بشكل وردة يجي يهبل
نتمنى تكون فهمت عليا وراو قاطو مضمون وناجح ويجي طري ولذيذ
ملاحظة بعد ما تنزلي الحبة من الطابع نحطها في صحن ورقي لكسات ونخليه يشيح ويشد
يعني حتى تتماسك الزبدة وبالصحة
صحة عيدكم وصح عيد كل الجزائريين وكل الامة الاسلامية

sassy86 · 2012-08-18, 16:24

مشكورة اختي

rinna sousou · 2012-08-18, 16:42

شكرا اختي على الوصفة بصح المقادير غير السكر و النواد كوكو و الزبدة صراحة انا جربت قاطو ما يطيبش فيه نواد كوكو و سكر و زبدة و حليب غبرة وجدت الوصفة تاعو في كتاب بصح لم اقتنع به كي شغل ناقصة حاجة

ام ساجد · 2012-08-18, 16:58

اقتباس:

المشاركة الأصلية كتبت بواسطة rinna sousou

شكرا اختي على الوصفة بصح المقادير غير السكر و النواد كوكو و الزبدة صراحة انا جربت قاطو ما يطيبش فيه نواد كوكو و سكر و زبدة و حليب غبرة وجدت الوصفة تاعو في كتاب بصح لم اقتنع به كي شغل ناقصة حاجة

مساء الخير اختي هذي هيا المقادير وخدمت شحال من مرة تقدري تجربي كيلة صغيرة مثلا فنجال القهوة
صحة فطورك وصحة عيدك باي