الى ساندي قاطو عباد الشمس

أم امتنان · 2014-10-14, 13:50

اختي بالنسبة للقاطو تع لقلاساج500غ ماغرين كاس ونص سكر ارطب كاس ونص نشا بيضة وزوج صفار فانيلا 2 خميرة
كاس كوكاو مرحي رقيق اختياري وتلمي بالفرينة تقطعي وكي يطيب تلصقي زوج مع بعض بالمعجون واخيرا الطلية
بالنسبة للقاطو الثاني اسمو قاطو عباد الشمس وهاهو لمول تاعو وراه بنين وزاكي
وكي يتخبى في الثلاجة متتغيرش بنتو وتقدري تحشيه في وقت الحاجة برك يعني تخبيه في علبة في المجمد بعد مايبرد تماما وكي يجيك ضيف على غفلة تجبديه وتحشيه ويوجد قبل ما تطلع القهوة والمقادير انتاعو هي 250غ ماغرين غرفية سكر ونص غرفية نشا بيضة مغرف فانيلا ومغرف خميرة تع قهوة طبعا وتلمي بالفرينة عادي كيف الصابلي تديري كعابر كيف لمشوك وتفتحيهم في ليكيسات تع لحديد وتثقبي وتحطي يطيبو
ميتحمرش هاد النوع من تحت يقعد ابيض حمريه من فوق برك بالنسبة للحشو انا درت رطل كوكاومحمص مليح باش يجي بنين وارحيه طبعا وباطة تع رطل معجون وحلوة الترك اشري تع الميزان وديري قدر زوج غرافة على الاقل راه تخلي الحشو لونو ابيض وتعطيه نكهة لحلاوة مع معجون المشمش الحامض يعطيها بنة عجيبة بالتوفيقوكي تجربيه راح تدعيلي اكيد سلام إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.هنا درت لكاكاو في لعجينة ودرت الحشو شكولا ونيسلي ولوز افيليإضغط هنا لرؤية الصورة بحجمها الطبيعي.

ساندي 28 · 2014-10-14, 14:02

مساء الخير والله فرحت كي شفت اسمى وفرحت اكثر الى درتى الموضوع علاجالى ورديتى عليا
بارك الله فيك حبيبتى ام امتنان
تعرفى دايما نشوف هدو لى مول ويعجبونى بصح ولا مرة خممت نشريهم لحد الان منعرف علاش ههههههههه وكل مانشوف هدا القاطو يعجبنى وكي زدتى عطيتيلى الوصفه اكيد نشريهم ونجرب ونردلك الخبر
ربي يحفظك اختى ويحفظلك اولادك ويعطيك ماتتمناي واكيد كي نجربهم ونذوقهم نزيدك دعوه اخرى تستاهلى
شكرا مرة اخرى الف شكر اختى الفاضله

أم امتنان · 2014-10-14, 14:39

اقتباس:

المشاركة الأصلية كتبت بواسطة ساندي 28

مساء الخير والله فرحت كي شفت اسمى وفرحت اكثر الى درتى الموضوع علاجالى ورديتى عليا
بارك الله فيك حبيبتى ام امتنان
تعرفى دايما نشوف هدو لى مول ويعجبونى بصح ولا مرة خممت نشريهم لحد الان منعرف علاش ههههههههه وكل مانشوف هدا القاطو يعجبنى وكي زدتى عطيتيلى الوصفه اكيد نشريهم ونجرب ونردلك الخبر
ربي يحفظك اختى ويحفظلك اولادك ويعطيك ماتتمناي واكيد كي نجربهم ونذوقهم نزيدك دعوه اخرى تستاهلى
شكرا مرة اخرى الف شكر اختى الفاضله

اختي بلا مزية رانا كامل هنا خواتات وايدا كشما خصك راني هنا ومبروك العضوية البرونزية وعقبال الدهبية بالنسبة لهادو ليمول راهم متوفرين بكل الاحجام والاشكال اشري ومتخافيش راهم يقعدو كيما راهم المهم ميتبلوش بالما كي تشريهم اول مرة امسحيهم بشوي زيت قطرة برك مش اكثر وتقردي ترشيهم بالنشا كي تكملي خدمة بيهم امسحيهم برك وخبيهم

sara lora · 2014-10-14, 14:56

الف شكر ليك حبيبة حتى انا راني سجلت الوصفة

بارك الله فيك

بشيرة 13 · 2014-10-14, 14:57

يعطيك الصحة

ساندي 28 · 2014-10-14, 15:24

يبارك فى عمرك حبيبتى والله معرفت الى وليت عضو برونزي غير انتى الى ولهتينى هههههههههه عقبالك يارب
كانو عندي لى مول نتاع القنيدلات بصح اغالبهم تصدئو منعرف علاش ممكن منخدمش بيهم بزاف مرات برك
يعنى على حساب واش فهمت كي نكمل بيهم نمسحهم فقط
ان شاء الله كي نخرج نشريهم ونجرب بارك الله فيك حبيبتى
والله قاطواتك كلهم هايلين ماشاء الله شكرا اختى