دائما مع حلويات العيد

[ريمه]

سلام واش راكم صافا
هادي المره رايحه نحط وصفة حلوى طلبتوها مني في موضوعي حلويات العيد السنه على الرابط
https://www.djelfa.info/vb/showthread.php?t=1064189
ديجا درتها هدا زمان بمناسبة نجاح اختي ورجعت حطيتها في واحد المنتدى وحبيت نحطها هنا حسب طلبكم
شاشية الباي اسمها
هدي المره الحلوى بعجينة اللوز واليكم الطريقه
اول شي تجيبي عجينة اللوز تباع جاهزه بالاسواق
في عجينة لوز ملونه بالوردي وادا شريتيها بيضاء تقدري تحطي عليها ملون او استعملي اي ملون تبغيه
نبدا بالحشوه
تحطي 4 كؤوس بسكوت جاف ومطحون و تحطي كاس حلوه الشاميه او حلوة الترك و تضيفي عليها كاس زبده مدابه
مرات ما تطلعش العجينه ضيفي شويه ماء الزهر حتى تلتم وتتكون العجينه خدي كيس بلاستيكي و حطي العجينه تاعك
ورقيها و حطي شويه من الحشو على شكل بودان يعني حرابيش طويله لفي العجينه عليهم و قطعيها بالشكل الموضح بالصوره
رجعي القطع في الحاويات واستمري لتخلصي كل العجينه بعد ما تخلصي جيبي شوية عجينه بيضاء و لونيها بلون مغاير و اعملي وردات صغيره مثل الصوره
زيني بيها القطع من بعد جيبي حلويات فضيه و زينيها والصوره تبين كلشي
ممكن تضيفين عليها ملمع بايتي من فوق









وهادي الصوره لنفس الحلوى درتها في العيد كل مناسبه نديرها

ترقبو وصفات ثانيه لحلوياتي