جاتني في القليعة.... عاجل مساعدة اخوان لاهل الخبرة

yazid200881 · 2013-08-29, 17:50

السلام عليكم احكي حالي فانا من مواليد 1987 متخرج في 2010 مهندس دولة في الهندسة المدنية هذا اول استدعاء ياتني حاليا اتاني في القليعة لدي ربما بعض المميزات التي تتكرني اذهب وبعض المثبطات
من مميزاتي اني ربما املك ملفا طبيا لا ادري هل هو كفيل بالخروج ام لا فلدي الاذن اليمنى لا تعمل ابدا ولدي بعض المفات الطبية حولها .. الاذن الاخرى حوالي 80 بالمئة ايضا لدي صديق يعرف طبيب الثكنة
الامر الدي يزعجني هو انني شخص سوي ومتدين ولا ازكي نفسي عياذا بالله فانا ملتح والبس القميص واحفظ كتاب الله فيا ترى هل قبل دخولي علي ان احلق اللحية ام انني استطيع الاستمرار بها داخل الثكنة قبل ان اقبل كذلك فيما يخص القميص الامر الثاني هل يوجد مصلى بالثكنة يسمح لي ان استغله ....
سعيد بالتعرف على بعض الاخوة الذين يريدون الذهاب الى القليعة انا في 15 سبتمبر ان شاء الله نقلع ههه
في امان الله اخوان

Ninjaa1 · 2013-08-29, 23:22

شوف نقولك رأيي ولا تناقشني ولا تسألني ، أهم أمر أنك تقوم بالتأخر في الالتحاق بالثكنة قدر المستطاع حتى الـ 15/ من شهر أفريل
الملف الطبي للأذن كان عندي صديقي ما يسمعش بإحدى الأذنين وخرج إينابت يعني حظوظك جيدة
أمر اللحية أنت ومدى إلتزامك بها، كاين اللي نحاوها بعد الضغط وكاين اللي قرر ما ينحيهاش حتى يلبس وبالتالي إذا كان غير مقبول ما يخسر والو
يعني تعود ليك والضغوطات
ماكاش مصلى ، تصلي فلونغار وإذا لبست تصلي في الشالي

جمال الدين · 2013-08-30, 00:25

فيما يخص التأخر كل ثكنة ونظامها هنالك من الثكنات من تقوم بتسريح المتأخرين كفائض و هنالك من تسرح الأوائل
ـ فيما يخص الثكنة ستجد المصلى بإعتبار أن ثكنة القليعة متخصصة في الإشارة وهي مدرسة وطنية ذات سمعة عالية
ـ اللحية ستقوم بنزعها داخل الثكنة مجبر لا مخير و إما يسمحون لك بالتوجه نحو الحلاق و العودة مباشرة إلى الثكنة
ـ الملف الطبي درجات إحتمال قبوله عالية إن شاء الله بما أن سمعك ناقص فماذا يفعلون بك
ـ صلي صلاة الإستخارة و أدعو ربك و قم الليل إن إستطعت
و إن شاء الله نسمعو عليك خبر يفرح بعدما يطلقوك بإعفاء و تحكيلنا و تفيد الزملاء عن هاته الثكنة بإذن الله

ATEF 23 · 2013-08-30, 10:26

السلام عليكم.انا ايضا و جهت للقليعة وكنت تم في مارس و خرجت بسورسي الايامات الاولى تصلي في لونغار ما كانش مصلى
سمعت بلي الطبيب تا التكنة بدلوه ما نعرف خبر صحيح ولا لا الطبيب لقديم ميش مليح انا عندي ملف طبي على عينيا و خرجني بسورسي
ادا ممكن تسقسي صاحبك على الطبيب ادا ليعرفوا هو لمازال يخدم تم ولا

yazid200881 · 2013-08-30, 23:41

بارك الله فيكم اخوان على بعض المعلوومات

yazid200881 · 2013-08-30, 23:46

اقتباس:

المشاركة الأصلية كتبت بواسطة atef 23

السلام عليكم.انا ايضا و جهت للقليعة وكنت تم في مارس و خرجت بسورسي الايامات الاولى تصلي في لونغار ما كانش مصلى
سمعت بلي الطبيب تا التكنة بدلوه ما نعرف خبر صحيح ولا لا الطبيب لقديم ميش مليح انا عندي ملف طبي على عينيا و خرجني بسورسي
ادا ممكن تسقسي صاحبك على الطبيب ادا ليعرفوا هو لمازال يخدم تم ولا وادا ممكن اسمه

زيد اشرح شوية خووي ... يعني في اللباس قبل مايقبلووك .. الجو بارد ثم ولا لا ايضا قضية الهاتف والشالي شحال فيه

ATEF 23 · 2013-08-31, 12:17

الهاتف ممنوع غير ادي زوج واحد ادفعو وواحد خبيه.بالنسبة للبرد ما نعرف سبتمبر كيفاه انا تاني نخمم على البرد انت ادي معاك لباس تا شتاء و ....

yazid200881 · 2013-08-31, 13:02

اقتباس:

المشاركة الأصلية كتبت بواسطة atef 23

الهاتف ممنوع غير ادي زوج واحد ادفعو وواحد خبيه.بالنسبة للبرد ما نعرف سبتمبر كيفاه انا تاني نخمم على البرد انت ادي معاك لباس تا شتاء و ....

الله يحفظك خونا عاطف .... نتلاقاو ثما ان شاء الله ونتعاودوو هههه

ATEF 23 · 2013-08-31, 15:09

ن شاء الله وقتاه ناوي تروح

Ninjaa1 · 2013-08-31, 19:49

الطبيب بدلوه صافي 15 يوم ، البرد كاين والأمطار غزيرة والرطوبة هي اللي تهلك بزاف عالية ، اللبسة غير أدي واللي تشوفو يفيدك أديه
البورتابل ممنوع ، مي راك.... دبر راسك المهم ما تتحكمش (كل شيء مسموح وممنوع)
دفعة مارس اللي معايا كاين حتى اللي دخل بالقميص واللحية ، كثر فرضو عليهم ينحوها وقامو بالأمر أما واحد كان من الأواخر اللي دخل في أواخر أفريل ما نحاهاش وقاللهم حتى نتقبل من عند الطبيب باه انحيها وخرج سورسي ولا إينابت الله أعلم
الشالي أصغر واحد فيه 36 بالضبط
وكاين اللي فيه أكثر من 50

yazid200881 · 2013-09-01, 13:21

اقتباس:

المشاركة الأصلية كتبت بواسطة atef 23

ن شاء الله وقتاه ناوي تروح

نروح في ليلة 15 ان شاء الله وانت خونا عاطف وقتاه ترووح ومنين

yazid200881 · 2013-09-01, 13:24

اقتباس:

المشاركة الأصلية كتبت بواسطة ninjaa1

الطبيب بدلوه صافي 15 يوم ، البرد كاين والأمطار غزيرة والرطوبة هي اللي تهلك بزاف عالية ، اللبسة غير أدي واللي تشوفو يفيدك أديه
البورتابل ممنوع ، مي راك.... دبر راسك المهم ما تتحكمش (كل شيء مسموح وممنوع)
دفعة مارس اللي معايا كاين حتى اللي دخل بالقميص واللحية ، كثر فرضو عليهم ينحوها وقامو بالأمر أما واحد كان من الأواخر اللي دخل في أواخر أفريل ما نحاهاش وقاللهم حتى نتقبل من عند الطبيب باه انحيها وخرج سورسي ولا إينابت الله أعلم
الشالي أصغر واحد فيه 36 بالضبط
وكاين اللي فيه أكثر من 50

آآآه ربي يحفظك خوي راح نزيدك شوية اسئلة دركا انا عندي ملف طبي يعني كي يديرو الفحص ثم يحولوني نورماملون للعيادة الجهوية تع البليدة ونعرف واحد ثم مهنييني فيها صافي دركا اي واحد مريض يحولوه للعيادة هذي والكلمة الاخيرة عندها هي ام ماذا

Ninjaa1 · 2013-09-01, 15:22

بالنسبة للطلبة الضباط الاحتياطيين فطبيب المدرسة له السلطة فقط إما لمنح القبول أو التأجيل أو الرفض المبدئي الذي يحال إلى البليدة لتقرير أمر الرفض النهائي لسبب طبي أو القبول

ATEF 23 · 2013-09-01, 15:31

مازال ما قررتش وقتاه نروح الاستدعاء 15-09 حاب ندير الروتار على قد ما نقدر واحد صاحبي قالي راح ندخل 24
بالنسبة للفحص الطبي الاول في التكنة ادا شاف الطبيب بلي راك غير مقبول للخدمة العسكرية يحطك غير مقبول و من بعد يبعتوك للمستشفى العسكري بالبليدة ادير فحص طبي مضاد
كل ليلة يعيطو على الجماعة لتروح للبليدة .ممكن تروح مع الاول مع الاخر على حسب الملفات الطبية كيفاه
انا نجي من قالمة

lamine-258 · 2013-09-01, 15:33

إن شاء الله خير .....نتلاقاو ثم أنا لمين من باتنة......