مشكلتي .......

[مشكلتي]

السلام عليكم و رحمة الله اولا اود شكر كل من يساهم في الموضوع انا طالبة طب تقدم لخطبتي شاب لكني حائرة بما اني سنة 2 هل يمكنني اكمال دراستي مع تحمل مسؤولية الزواج مع اني لا يمكنني التفريط في دراستي ? ام لا اريد مشوراتكم و بارك الله فيكم

[/زهرة عصفور الجنة/]

ان كنت ستسكنين وحدك فلامانع من ذلك مع تأجيل مسألة الانجاب لغاية انهاء دراستك اما ان كان العكس فلن تستطيعي حسب تجربتي

[kmilya]

كان خلاك تكملي قرايتك عادي مي اجلي الانجاب

[ولد حمد الباتني]

تقراي طب مستحيل تتزوجي وتكملي تقراي
الطب واعر ولازمك ديما فالسبيطارات ووو

[رحمة من المولى]

الله يسهلك ان شااااااااااااااااااااااااااا الله

[مواطنة]

السلام عليكم
اذا الخاطب حابك تكملي وهو عندو مستوى يسمحلو باش يتفهم وضعك يعني 5 سنوات باش تكملي شيء جميل لكن يصبر على الدراسة اما الاولاد 5 سنوات ماشي كامل يقبلو و هذا حق
على حسب ما شفت صديقات قراب و زميلات في الجامعة
اللي ساكنة وحدها تقدر تكمل و لي ساكنة مع الاهل مجرد تروح تقرى تحس روحها راهي غلطانة ويكرهوها في القراية حتى تحبس باستثناء الاهل لي يكون فيها الام او الاب او ابنهم الخاطب طبيب
على حساب ما شفت الطبيبة ما يفهمها و يفهم غيابها على الدار غير الطبيب خاصة راكي في بداية الطريق
لكن اذا حابة تتزوجي ما تقدريش تشرطي تكملي قرايتك بلا ما جيبي ولاد حتى تكملي يعني واش استفاد غير القراية في النهار و المراجعة في الليل و الدراري الى اشعار اخر
ادا قبل بالقراية ما شاء الله و اذا انت حبيتي تبدلي شعبة باش تنقصي الاعوام
حطي كل الاحتمالات قدامك )اختبارات*دور حراسة*مراجعة بلا حدود*مستشفيات هنا و هناك كل مرى وين*واذا الله رزقك بالدراري لازم تخممي حتى على وقتاش ينزادو لازم بعيد على الاختبارات و الا راح العام ماشي باش نخوفك هذي الحقيقة نعرف وحدة كل ما جي وقت اختبر تولد يروح العام و ماشي غير هي وحدة ولدت قبل التخرج ب 15يوم جات لعرض الموضوع مريضة و خلي امثلة البنات اللواتي خيرن بين الدراسة او الزوج ماشي ساهلة
ادرسي قضيتك مليح و كي تكملي اعرضي النقاط على الخاطب و شوفي اجابتو
نعرف وحدة هبل واحد باش يخطبها بقاولها سنتين تكمل فب الاول كان فرحان و قابل من بعد خمم و قالها الجامعة بعيدة 50كلم تقريبا و انا نخمم لبعيد يعني الحمل خيرها بين تحبس و تقرى شي في جامعة قريبة ولا يحبس خلاهالها في يدها الرجل كان مستقيم لكن البنت فهمت بلي حتى لو تركت 3سنوات دراسة احتمال يدور في كلامو كيما المرة الاولى وعدها تكمل امالا حبست

[rymahamdi]

والله مسؤولية الزواج صعبة خاصة مع وظيفة اخرى سواء كانت دراسة او عمل اذا كنت قادرة على التوفيق بينهما توكلى على الله واذا كنت سوف تقصرين في واجباتك تجاه زوجك و بيتك فلتؤجلي موضوع الزواج و الله اعلم

[s@r@h11]

الله يسهلها عليك ختي الزواج و القراية في وقت واحد حاجة صعيبة بزااااااف و راح تكوني مقصرة في وحدة فيهم و الله بعينك

[عبد الله 22]

السلام عليكم ياخت الطبيبة حتي بعد الدراسة وفيها شك بش تقدر تكون عائلة بمعنها الحقيقي

[moonlight7915]

تزوجي و خلي القرايا للظروف

[سارةالتلمسانية]

الله يسهل حنونة انا بنت خالي كانت كيما نتينا وتزوجت بصح اخرت الانجاب الى 3 سنوات وقرات وكملت عادا دك راهي تخمم في الاطفال ونزيدلك كانت تسكن مع عائلة راجلها وحققت حلمها ووفقت بين زواجها والدراسة بصح راجلها هو اللي عاونها

[fadhilahed]

يا اختي تقدري تكملي قرايتك وانتي متزوجة هناك عدة اخوات في الجامعة وهن متزوجات فقط يجب ان يكون زوجك متفهم ويساعدك

[بيلسان11]

لازم الزوج يكون متفهم جدا الطب ماش ساهل و التنازل عليه كذلك ماش حاجة هينة, صلي الاستخارة أختي ربي ما فيه غير الخير راح ينورلك دربك ان شاء الله, ربي يجيب اللي فيه الخير, ربي يوفقك,

[اخلاص نور]

السلام عليكم
بما اني ادرس في هذا المجال اعتقد انه صعب نوعا ما لانه كما تعلمين السنة الثالثة صعبة جدا ولكن يمكنك الزواج اذا شفتي روحك قادرة على هذا الشيء وطبعا مساعدة من زوجك وربي يجيب لي فيها الخير وزيدي صلي استخارة وربي يسهل ان شاء الله والف مبروك ^_^

[أم امتنان]

مهما كان ماتنوين فعله توكلي على الله و اسال الله لكي التوفيق والنجاح وكل بنات المسلمين