مـــ{رسة العتاد بالحـــــــــــراش

[غصن زيتون]

يالجماعة شكون اللي بعثوه لمدرسة العتاد بالحراش
اذا كان اي من الاعضاء دفعة مارس اودخل للمدرسة من قبل يقدر يحكينا عنها وماهي الحالات التي رفضت بسبب ملف طبي او الفائض

[ياسينMASCARA]

شكرا على الموضوع في إنتظار الإجابات

[abdelkader-03]

السلام عليكم
كيف الحال
انا طالب جامعي وقد تحصلت على شهادة ماستر 2 ولدية شهادة التأجيل مدتها تنتهي في 19.05.2013.
وقبل انتهاء مدة الشهادة فقد وصلني أمر بالتجنيد بالحراش للعتاد
وانا انتطر إمتحان في مسابقة الدكتورة.
اذا نجحت في المسابقة اللهم بارك ...
وإذا لم انجح لقدر الله ...
اريد ان اقوم بدفع الملف مباشرة .
انا لا أريد ان افوت 18 شهرا ,,
سؤالي هو:
هل يمكنني أن أدفع الملف لأدخل مباشرة رغما انني لدي امر بالتجنيد 18 شهرا ؟؟؟؟
وشكرا بالتوفيق

[ranssi aram]

مدرسة الحراش ....شوف يا اخي انا رحت في مارس لي فات 2013 .....واش نقولك لوردبال تاعي في 15/03/2013 وحتى جابوهالي ليجوندارم في 17/03/2013 ...المهم انا حتى رحت في 27 مارس وكان رقمي 824 وكان دلك يوم الاربعاء ...زادو دخلو يو الحميس والاحد ومن تم حبسو الدخول ....مدرسة نظيفة ...انا الصراحة في اليوم الاول قلقت ومن تم والله لومبيونس دايرة حالة ....واحد ميقلقك المهم الانسان يحتلرم روحو وخلاص وتم ماكن لاكورفي لا والو مادامك سيفيل ....كان عدد كبير حوالي 1000 بداو لي جاو الاوائل لبسوهم ومن تم كل ابوع يلبسو60 اما انا كان عندي دوسي واغلبية لي يروح يدير كونثر فيزيت في البليدة اكيد يخرج لان العدد كببببببببببببير اما في اليو الاخير وكان دلك في 11/04/2013 جمعوناكامل وبطبعي انا كنت من بين لي راحو لبليدة في 40 الاخيرة مدولنا ورقنا وروحنا اما الباقي كانت حوالي 700 موشي لابسة و 150 لابسة واش دارو طلقو لي لبسو في الاول ...وجماعة شوية كبار في العمر ...وجماعة متزوجين ....وبدا الزهر يخبط حكمو منهم 300 والباقي روح فائض .....انا ننصكم انو لي يروح يدي معاه شوية ماكلة تاع الدار لي دوم وتبقى على الاقل اسبوع على خاطر الاجة الوحيدة لي موش مليحة هي الماكلة .....ربي يوفق الجميع وكانش استفسار اني هنا وبربي نشالله نجاوبكم

[غصن زيتون]

اخي هل انت متاكد انهم طلقو الجماعة الكبار

[ismailam]

خويا وقياس النظر كم يكون باه يقبلو الدوسي

[ranssi aram]

شوفو ياجماعة انا كنت تما صح طلقو الكبار في العمر بحكم ان العدد كان كبير بزاف اي ماعندهم مايديرو بيهم ولا كيما نقولو يخيرو و اما بالنسبة لملف الظر والله ماعلابالي علا حساب الكونتر فيزيت

[hamzaka07]

السلام عليكم ..
بالنسبة لمدرسة العتاد بالحراش وين في الاغلب يكون الميتاسيون .؟؟

اللى عندو معلومة يفيدنا بارك الله فيكم

[غصن زيتون]

المشاركة الأصلية كتبت بواسطة ranssi aram

شوفو ياجماعة انا كنت تما صح طلقو الكبار في العمر بحكم ان العدد كان كبير بزاف اي ماعندهم مايديرو بيهم ولا كيما نقولو يخيرو و اما بالنسبة لملف الظر والله ماعلابالي علا حساب الكونتر فيزيت

مشكور اخي الكريم

[غصن زيتون]

اخواني انا كذالك بعثوني للحراش وحسب المعلومات التي جمعتها عن هذه المدرسة من الاعضاء الذي توجهو في مارس فان المدرسة العدد الذي تقبله حوالي 300مجند فقط اما الباقي يرجعوهم واضيف لكم بانو اغلبية الجامعيين بعثوهم للحراش اخواني فيها امل كبير انو يكون فائض بزززززززاف