عاونوني راني راح نهبل

[سرور12]

السلام عليكم... راني في حالة وباغية تدبرو عليا واش ندير... مخطوبة عندي عام ومشكلتي تكمن في المهرلما جاو خطبوني قالو لبابا قيم كلش ونحنا نعطيوكم دراهم على خاطر ماكانش شكون يخرج يشريلها جهازها بابا قالهم راني مانعرف فيها والو ماجازتش عليا من قبل ايا ولا عمو قدر المبلغ وتفاهمو وهزو الفاتحة من غدوة بدات المشاكل عيطلي راجلي نسمح بالحس عندهم باباه قال غالي بزاف وخوه قال كون انا والله ماديتها ايا راجلي حشم وكوبا عليا زعفت انا ورحت سقسيت ماما قالتلي حنا خاطيين وهوما لحددو الشرط عيطت لراجلي وتناقشنا في الموضوع قلت علاه مانهبطوش فيه ونفضو المشكل قالي والله مينقص دورو وقالي انا لي حددت المبلغ وقلت لعمي عليه... اليوم انا قاعدة جا خويا قالي راهو ولد عم راجلك يبلاقي في القهوة ويقول ولد عمي ماهوش راجل قلقت الحق ومالقيت كيفاش ندير وبالمناسبة هوما كانو باغيين يجيبولو بنت عمو وهو مابغاش يديها الله يستركم دبرو عليا وماتهينونيش كيما هاذاك النهار رجعتوني نشهر بمهري ونتفاخر بيه... انا لي طلباتو انكم تدعولو يهديهم ربي ويريحوني راني تعبت والله تعبت والسبب وسخ الدنيا

[عبيربنت الاهرام]

انا صراحة يعني مفهمتش البعض من موضوعك
فهمت بس المهر غالي وكدا انا بعتقد المفروض من جاءكم من رضيتم دينه وخلقه فزوجوه
ودا واضح جدا يعني لازم نقدر ظروف الزوج والحالة لي بيمر بها يعني بخصوص ادا كان على قد حالو
والتمسوا ولو خاتما من حديد
والله اعلم بتمنى مكنش خرجت من الموضوع لانو مفهمتش بعض المفردات يمكن تكلمتي بلهجتكم
تقبلي مروري

[ساندين]

خلاص سهليها عليهم يا اختي

راح تكسبي خطيبك واهل خطيبك

[sarl02]

انا كنت من بين االمتدخلين في موضوعك السابق ولقد قلت لك ان المهر مبالغ فيه ....لكن اذا كنتي متفاهمة مع خطيبك واش دخل الشعب لاخر ...والله حرام ان يفرق بين طرفين بسبب دراهم وسخ الدنيا اروحو وايجو ...واش انقولك اختي ان شاء الله ربي اتمملك بخير مع خطيبك وتنازلو انت وهو باش اتمشو الامور لانو والله هذا الامر ما يبقى الصح فالتفاهعم والعشرة الطيبة.

[سرور12]

والله الذنب ماهوش ذنبي ولاذنب دارنا شيخي وسلافي رافضيني اولا على جال بنت عمو والحاجة الثانية يحبو وحدة خدامة المهر راجلي لي حددو هو وعمو وراهو ميبس راسو قلتلو نقصو قالي والله مانقص

[basma09]

يا اختي انتي واش دخلك ياك هو وعمو اللي قررو شحال المهر و تان انتي درتي اللي عليك و قلتيلو نقص فيه و محبش ماتقلقي روحك ماوالو ياخي نتي جربتي معاه و هو اللي رفض عادي
وزيد بزيادة راهم يديرو فامشاكل بلعاني باين لانو السبة كيما قلتي علاجال حبوه يتزوج ببنت عمو
المهم راجلك مادامكم متفاهمين مايهمك حتي واحد و ما تهمك حتي هدرة
ربي يهني بالك و يجمعكم عن قريب ان شاء الله

[حنان 90]

هذا مهوش راجل اخطيك منو ...لو كان راجا مكاش لي يدخل فيه فما بالك وليد عمو ...هذا باين كل الناس تحكم فيه ....

[سرور12]

المشاركة الأصلية كتبت بواسطة حنان 90

هذا مهوش راجل اخطيك منو ...لو كان راجا مكاش لي يدخل فيه فما بالك وليد عمو ...هذا باين كل الناس تحكم فيه ....

بالعكس راهو ماعاديهم وقالهم ماتدخلوش فيا وانا مانيش باغية نكون سبة انو يكره دارهم انا لي باغياتو يحبوني واذا بيهم الدراهم والله نرجعها ماعنديش مشكل باغية نرتاح من المشاكل

[مواطنة]

اختيمبروك عليك علاش تقلقي في روحك
خطيبك باين حابك و متمسك فيه و كي مواليه تدخلو ماشي معناه انو ضعيف الشخصية لانو مازالو شاد في كلامو حتى لو تدخلو بالاك يحبو يدخلو روحهم وهو ضد الفكرة بلعقل يوالفوه. بما انك اقترحت تخفيض المبلغ الذي هو حقك الشرعي نامي مهنية لانك لم تخطئي
واذا حبيتي تخلي خطيبك لجانبك ماتزيديش تهدري على المهر اطلاقا لانه امر مفروغ منو
انساي كلام اهلو لان اذا كان في نيتهم الفساد انت سدي باب الفساد وقولي لاهلك يمتنعو عن التكلم في المهر لغير المعن بالامر
ماتهبلي روحك ما والو وقوي نفسك هذه البداية و باش تسلكي زواجك لازمك ماتكثريش الهدرة مع اهله في امور لا تعنيهم بلعقل يوليو ما يدخلوش روحهم باذن الله

[النجمة القطبية]

الفتاة فى بلادنا دايما تعاني المجتمع يحاسبها على الجهاز لانها مضطرة تشرف اهل الرجل وفى نفس الوقت يحاسبوها على المهر
انا قتلك سابقا اختى بالنسبة لجهازك مهرك عادى وفى بلادنا انتى تحتاجى تدي معاك اضعاف هذاك المبلغ للاسف عادات وتقاليد بالية لا ادري متى سيرتاح المجتمع منها
منيش عارفة سبب هذه المشاكل المهر على كل حال راح يروح للتحضير لبيت الزوجية اذا هذا هو سبب المشاكل كلمي والدك يكلمهم وخليهم يحددو المهر اللى حبوه وحدهم وادى قيسك برك
اما اذا كان المشكل الحقيقي بنت عمو والخدمة فى هذى ربي يهديهم
على كل حال ندعيلك ربي يفرج عليك اختى وتقلقيش روحك

[الزبرجد]

الحقيقة لا أدري كم قيمة المهر ....و لكن الظاهر أنها غالية

حتى لو فرضنا أنكم نحيتو للخاطب جلدو....لا حرج مادام هو المبادر و الموافق

أهم ما يجب عليك التركيز عليه هو الاسراع في اتمام الزواج ......هكذا تسير القافلة و تترك الكلاب تنبح حتى تفتر

لأن وليد عم خطيبك لو كان يحب الخير لابن عمو كان يهدرلو مباشرة في الوجه ...و ليس التشهير في المقاهي و المجالس

[سرور12]

المشاركة الأصلية كتبت بواسطة sarl02

انا كنت من بين االمتدخلين في موضوعك السابق ولقد قلت لك ان المهر مبالغ فيه ....لكن اذا كنتي متفاهمة مع خطيبك واش دخل الشعب لاخر ...والله حرام ان يفرق بين طرفين بسبب دراهم وسخ الدنيا اروحو وايجو ...واش انقولك اختي ان شاء الله ربي اتمملك بخير مع خطيبك وتنازلو انت وهو باش اتمشو الامور لانو والله هذا الامر ما يبقى الصح فالتفاهعم والعشرة الطيبة.

شكرا اخي الفاضل على النصيحة ربي يجعلها في ميزان حسناتك

[سرور12]

المشاركة الأصلية كتبت بواسطة الزبرجد

الحقيقة لا أدري كم قيمة المهر ....و لكن الظاهر أنها غالية

حتى لو فرضنا أنكم نحيتو للخاطب جلدو....لا حرج مادام هو المبادر و الموافق

أهم ما يجب عليك التركيز عليه هو الاسراع في اتمام الزواج ......هكذا تسير القافلة و تترك الكلاب تنبح حتى تفتر

لأن وليد عم خطيبك لو كان يحب الخير لابن عمو كان يهدرلو مباشرة في الوجه ...و ليس التشهير في المقاهي و المجالس

شكرا اخي الفاضل اسعدتني مشاركتك ربي يهنيك

[سرور12]

المشاركة الأصلية كتبت بواسطة النجمة القطبية

الفتاة فى بلادنا دايما تعاني المجتمع يحاسبها على الجهاز لانها مضطرة تشرف اهل الرجل وفى نفس الوقت يحاسبوها على المهر
انا قتلك سابقا اختى بالنسبة لجهازك مهرك عادى وفى بلادنا انتى تحتاجى تدي معاك اضعاف هذاك المبلغ للاسف عادات وتقاليد بالية لا ادري متى سيرتاح المجتمع منها
منيش عارفة سبب هذه المشاكل المهر على كل حال راح يروح للتحضير لبيت الزوجية اذا هذا هو سبب المشاكل كلمي والدك يكلمهم وخليهم يحددو المهر اللى حبوه وحدهم وادى قيسك برك
اما اذا كان المشكل الحقيقي بنت عمو والخدمة فى هذى ربي يهديهم
على كل حال ندعيلك ربي يفرج عليك اختى وتقلقيش روحك

مرسي حنونة وربي يهنيك ماتتصوريش شحال فرحتني مشاركتك

[سرور12]

المشاركة الأصلية كتبت بواسطة مواطنة

اختيمبروك عليك علاش تقلقي في روحك
خطيبك باين حابك و متمسك فيه و كي مواليه تدخلو ماشي معناه انو ضعيف الشخصية لانو مازالو شاد في كلامو حتى لو تدخلو بالاك يحبو يدخلو روحهم وهو ضد الفكرة بلعقل يوالفوه. بما انك اقترحت تخفيض المبلغ الذي هو حقك الشرعي نامي مهنية لانك لم تخطئي
واذا حبيتي تخلي خطيبك لجانبك ماتزيديش تهدري على المهر اطلاقا لانه امر مفروغ منو
انساي كلام اهلو لان اذا كان في نيتهم الفساد انت سدي باب الفساد وقولي لاهلك يمتنعو عن التكلم في المهر لغير المعن بالامر
ماتهبلي روحك ما والو وقوي نفسك هذه البداية و باش تسلكي زواجك لازمك ماتكثريش الهدرة مع اهله في امور لا تعنيهم بلعقل يوليو ما يدخلوش روحهم باذن الله

انشاالله يارب ربي يهنيك وشكرا على النصيحة ريحتيني الله يريحك