رحلة الطريق إلى قالمة

[amine 2012]

بتاريخ 13 اوت وصلني استدعاء : القضاء العسكري من وزارة الدفاع عبر الفاكس
وجدت الدوسي و رحت عقبت لافيزيت يوم 21 اوث
وصلت الى امام الكازارنا في قالمة
المفاجأة عدد كبير من الشباب ينتظرون امام الثكنة لاجتياز الفحص الطبي و النفسي و الرياضي
كل هؤولاء الشباب حاملين هواتف نقالة و هم يتصلون بمعارفهم ؟؟؟ غريب مرهم
جلهم يتصلون و تسمع منهم كلام : وين راك أرواح فوتني راني برا قدام الكازارنا ...غريب أمرنا
دخلنا و كل واحد في فوجه و يقودهم جندي
كل فوج يفوت لافيزيت تاعه في وقت معين
و كلهم هواتف ترن و تتصل و كلمتهم المشهورة : ارواح فوتني ؟؟؟؟؟؟
عشت 7 ساعات داخل الثكنة و عرفت ان الكاسكيطا ماكان ماكان .......صعيبة بزاااااف
على كل حال انا ايضا كنت موصي واحد تما باش يفوتني على لافيزيث و لكن الله غالب لم اقبل سبب قساوة الطبيبة هناك
صعب بأن تفوت على الطبيبة
لكن صراحة الكاسكيطا صعبة
رأيت أشياء و تصرفات من عند عسكريين و الله غريبة
إخواني قبل ان تفكروا في الجيش
فكروا فيما ينتظركم هناك
لأن الطينة تزداد بلة عند الدخول اليها
علابالي بلي بزاف الناس ما يصدقونيش
انا الله غالب ما قبلتنيش فلافيزيث بصح خمموا في مستواكم الدراسي و شدوا في ربي هو الدي يعطي الارزاق
ماش غير الكاسكيطا لي توكل
كاين التعليم ..كاين تربية الدجاج ....كاين الجبس
ناس خدامين فالسيفيل و الحمد لله
انا رسميا أنسحب و راني قادر كون نروح لخنشلة نفوت
بصح ما نزيدش ندير دوسي تاع نعريفة ومن اليوم ندير دواسة بلا معريفة و اخطيي من حكان الراس و خاطيتني بلاصة الناس
و هكدا رزقي لي مكتبوا ربي ليا يجي و انا نكسب رزقي بلحلال و الحمد لله
و رسميا الكاسكيطا ننساها وننحيها من بالي خلاص بركات
الحمد لله لي ما قبلتنيش فلافيزيث
الحمد لله الحمد لله
انا لا اقول لكم اخطيكم من الكاسكيطا و انما اقول لكم الكاسكيطا صعيبة بزاف و كسبوا الرزق تاعكم بلا معريفة خير لكم لان الارزاق من الله فقط
و كل انسان كتب له الله رزقه
كاين لي كتبلوا ربي : التعليم و كاين ي الدرك و كاين البوليسي و كاين المحامي و كاين الوزير
كل واحد و رزقه

[amine 2012]

بركاونا من لمعارف

[عاطل عن العمل]

بارك الله فيك الااخ على السرد المفصل للتجربة اللي مريت بيها ..

الكاتبة تلحق الاخ الكريم

و انا شخصيا ما نلومش لي يشوفو المعرفة لان البلاد في حد داتها تمشي بالمعرفة الواحد يتكل على ربي و يسبب ..

[MEDINBLACK1]

غريبة افريقيا صراحة

[j_dog]

ههههههههه حساب ما فهمت تقول عليك داخل حبس يا اخي هادا هو العسكر لازم يدرلك هاكا انت فوت لافيست عند الطبيب نورمال و داخل الثكنة تاني نورمال صاح شوية صعيبة مي هدا هو العسكر

[genthk]

كلام مِنْ ذَهبْ خويا أمين صّدقني صراتلي نفس الحكاية ماشفت حتى معريفة توكلت على ربي و كي ما قبلونيش عرفت بلي ما فيهاش خير و ربي بعدها عليا و الحمد لله راني راضي و نشوف مستقبلي في بلاصة خلاف إن شاء الله

[مانقراش]

الطبيبة و مادارت فيك ...
أبواب الرزق كثيرة أخي

بالتوفيق ...

[" سرحات "]

اخي المعريفة عادي مفيهـاش مشكل
بصح المشكل رااه في الرشوة
يعني المعرفة راه يدخلك في وجهك برك عـادي اخي الكريم المعريفة من عصر العباسي وهي كاين وزيد اقرااااااااا وشوف

[customx2008]

شوف اخي الكريم انت قلت روحت للكازيرنة ماروحتش للفندق وزيد ماكيش في الدار حتى يقلشكوك وزيد انت قلتها انك عندك معريفة ماشي مشكل المعريفة تاني مليحة في هذا الزمان بصح انت روحت واتكلت على معريفتك
معليهش ماكتبتش انا فوت العسكر وكنت حاب ننخرط في الجيش منين كان عمري 18 سنة ( دورك كبرنا ههههه) لكن ابي الله يحفظوا
ماحبهاليش لانه كان في الجيش قبل وشوفنا كل الحاجات الا ممكن ماتتوقعش تشوفها لكن فاتت نورمال
الجيش الخدمة صعيبة فيها تمرميد والخدمة بزاف لكن اخرجت بنتيجة انها مع كل معريفتك
ومادخلتش الله غالب مش كاتبة وروح شوف حاجة اخرى مثل شركة او الجمارك او حتى الدرك

[houssem_57]

السلام صديقي.. يا ولدي نفس الهدرة راني قلتها لوحد الشخص قبيل في كومونتار.. انا من قالمة و ماحبيتش ندخل فيها

[zaki4]

كثيييييييييييييييرا فعلوا مثلك