ملف كامل لتزيين الجاتوهات

sarrazine · 2013-05-20, 13:28

.. التزيين بالشوكولاتة ..

.. من أجمل وأشهى الأشياء اللي بنزين فيها الكيك والجاتوه .. هي الشوكولاتة .. سواءً كانت مبشورة .. مقطعة .. شرائح .. رقائق .. بأشكال معينة .. كل نوع بيضفي شكل جميل على الكيكة ..

.. واليوم عندنا مجموعة من الصور بتقدم بعض الأفكار الجميلة لاستخدام الشوكولاتة في تزيين الكيك ..

.. (( الطريقة الأولى )) ..

.. عمل وحدات ( أشكال ) من الشوكولاتة ..
.. بهذه الطريقة ممكن نصمم وحدات الشوكولاتة اللي ح نزين فيها الكيك حسب رغبتنا وتصورنا للشكل النهائي المطلوب ..

.. في البداية .. بنحضر ورق الشمع
(أو ورق الزبدة Wax paper) ..

.. وبعدين بنستخدم أقماع مصنوعة من ورق الزبدة
.. وبنملأها بالشوكولاتة الذائبة ..

.. إذا كنتي متمكنة من عمل الأشكال بنفس الحجم والشكل .. شكلي الشوكولاتة على ذوقِك .. واتركيها لحد ما تجمد .. ونكون حصلنا على أشكال جميلة ..

.. أما إذا كنتي غير متمكنة .. ممكن ترسمي الأشكال على جهة من ورق الزبدة وتقلبيها .. وتمشي بالشوكولاتة على الخطوط والأشكال اللي رسمتيها .. وهيك بيصير عندك أشكال مرتبة ومتساوية ..

.. وممكن تعملي فراشات بسيطة بهذه الطريقة أيضاً ..

.. بترسمي الأشكال على ارواق صغيرة .. وبتمشي عليها بالشوكولاتة .. وبعدين بتستخدمي القالب الخاص بالكيك الصغير عشان تعطيع انحناءة خفيفة ..

.. وبعد ما يجمد أزيلي عنها الأوراق .. وبيكون جاهز للتزيين ..

.. وممكن تعملي هذا الشكل باستخدام أنبوب ..

.. والمجال هنا مفتوح لأي أي شكل بتحبيه .. بس ارسميه على ورق الزبدة .. وامشي فوقها بالشوكولاتة الذائبة .. وانتظريها لحد ما تجمد .. وزيني ..

.. (( الطريقة الثانية )) ..

.. الشوكولاتة على شكل ورق الشجر ..

.. وهذه الطريقة تتم بمساعدة ورق الشجر .. بتحضري أشكال من أوراق الشجر اللي بتعجبِك .. وباستخدام فرشاة قومي بدهن الأوراق بالشوكولاتة .. وبعد ما تجمد أزيلي عنها الأوراق و ح تحصلي على شكل الأوراق ونقشتها ..

.. وزيني ..

.. (( الطريقة الثالثة )) ..

.. رقائق ولفائف الشوكولاتة ..

.. رقائق الشوكولاتة ممكن الحصول بعدة طرق .. لو كانت الشوكولاتة اللي بتستخدميها عبارة عن قطع جامد .. فإما بنستخدم قشارة البطاطا أو المبشرة بالشفرة الكبيرة .. ويراعى في هذا النوع إنك تطلعي الشوكولاتة من الثلاجة قبل بفترة حتى تطرى ويسهل بشرها أو عملها بالقشارة ..

.. أو ممكن لو كانت الشوكولاتة المستخدمة ذائبة إنك تدهنيها على سطح مستو مثل الصورة ..

.. وبعد ما تجمد بتبدأي بعمل الرقائق باستخدام الأداة الموضحة في الصورة أو السكينة أو أي أداة ممكن تحقق المطلوب ..

.. وممكن عشان ما تتكسر معاكِ اللفائف بالذات .. ممكن تنقليها باستخدام أعواد الأسنان ..

.. وممكن تطبقيها على الشوكولاتة البيضاء كمان ..

.. أما الشوكولاتة المبشورة ممكن تحضريها بسهولة .. يا إما باستخدام المبشرة على الشفرة الناعمة .. أو باستخدام السكين ..

وممكن تستخدمي طرق عديدة لتشكيل الشوكولاتة حسب احتياجِك ..

وممكن تزيني وجه الكيكة ببودرة الكاكاو .. بأشكال جذابة باستخدام هذه الطريقة .. وتتم بوضع أي شكل مخرم على وجه الكيكة .. وترش فوقها بودرة الكاكاو وننزع الشكل لنحصل على نقش جميل على سطح الكيكة ..

وفي حال عدم توفرها .. إنتِ ممكن ترسمي أو تطبعي رسومات أعجبتك على ورق .. وفرغيه .. واستعمليه على ذوقِك ..

mankoul