الاحرار الذين نجحو بما كانو يرغبون

هنا محلو · 2013-09-03, 12:53

السلام عليكم

انا طالبة تحصلت على معدل 14.18 و كنت ارغب بدراسة الطب و لم اصل اليه ارغب باعادة باكالوريا حرة هل اجمد السنة و اعيد او ادرس الجامعة و اعيد الباكالوريا و هل تنصحوني بالتسجيل في الدعم و كيف تنصحوني بطريقة الدراااااااسة ارجووووووووكم انا احتاجكم وجزتكم الله الخير

Kd 35 · 2013-09-03, 13:01

معاك حر نجح فيما كان يرغب
السنة الأولى 14.37
السنة الثانية كحر مع الكثير من العمل 16.35
لازم تدرسي يومياً إبتداءً من أكتوبر كيما يدرسوا هوما فالليسي نفس المدة لكن فقط المواد الأساسية مات فيزيك وعلوم
حلي المواضيع والحوليات اللي يديروهم في الفروض والإختبارات، وحوليات أخرى جيبيهم من موقع ency education ننصحك حفظي الرسومات والنصوص العلمية تاع العلوم
الحفظ إبتداءً من جانفي، لكن ماتنسايش المواد العلمية أيضا
والله ولي التوفيق

Kd 35 · 2013-09-03, 13:02

نسيت أهم حاجة إيه جمد السنة
كل صحابي مجمدوش السنة وجابوا أقل من السنة اللي قبلها
أنا الوحيد اللي جمدت والوحيد اللي تحصل على معدل أعلى من السنة الفارطة

* طالبة الرضى* · 2013-09-03, 14:39

نفس المشكلة راني نواجه فيها

و الله نحتاجوا النصح من ذوي الخبرة

الأحرار لي تحصلوا على واش بغاو مانقدروش نصولو لمبتغانا بلا مانجمدوا لعام

العديد نصحني باه مانجمدوش و نعاود

الله أعلم أشيروا علينا

shy'n · 2013-09-03, 16:40

انا تاني العديد نصحني مانجمدش
لكن مع الاحتمالات و الاهتزازات و الانتشارات لي جامي سمعت بيهم مستحيل نقراهم وحدي و زيد نقرا في الجامعة
راني عارفة روحي مش قادرة

كل واحد يشوف روحو ادا قادر ولا لا

rose du paradis · 2013-09-03, 17:10

ana tani ra7 nebloque l annee w n3awed condidate libre psk mankderche nakraw n3awed au mm temp mais golet nerou7 nechouf la fac au moin 15 jr w apre nebloque

ratil talin · 2013-09-03, 17:25

السلام عليكم
الاخوة انا من رايي نقراو عادي في الجامعة ونحضروا للباك لاننا لن نضمن اي شيء في امتحانات هذا العام ثم ان بعض التخصصات في الجامعة تساعدنا انا مثلا سجلت علوم دقيقة بالقبة فاكيد تعاونني في المات والفيزيك
هذا رايي والله ولي التوفيق

shy'n · 2013-09-03, 17:40

اقتباس:

المشاركة الأصلية كتبت بواسطة rose du paradis

ana tani ra7 nebloque l annee w n3awed condidate libre psk mankderche nakraw n3awed au mm temp mais golet nerou7 nechouf la fac au moin 15 jr w apre nebloque

أنا تاني هذاك واش قلت على الأقل نشوف اجواء الجامعة

اقتباس:

المشاركة الأصلية كتبت بواسطة ratil talin

السلام عليكم

الاخوة انا من رايي نقراو عادي في الجامعة ونحضروا للباك لاننا لن نضمن اي شيء في امتحانات هذا العام ثم ان بعض التخصصات في الجامعة تساعدنا انا مثلا سجلت علوم دقيقة بالقبة فاكيد تعاونني في المات والفيزيك

هذا رايي والله ولي التوفيق

اواه مستحيل البلوكاج فيها فيها كيفاش ندير للاحتمالات ؟ انا هذاك واش راه مخوفني.....

حظ سعيد للجمبع

* طالبة الرضى* · 2013-09-03, 17:41

أنا تاني قلت هاك أختي ratil talin لأنو مانقدروش نظمنوا أي حاجة و من بعد ترجعلنا الندامة على لعام لي راح هكاك

ربي يقدرنا برك و يوجهنا لي فيه خير لينا

لازم نصليو صلاة إستخارة و لي فيها خير ربي يجيبها

ربي يوفقكم كامل

chawki.13 · 2013-09-03, 19:34

سلام عليكم...أنا ثاني راني ناوي نبلوكي العام باش نعاود واش رايكم نتقاو في الفيس بوك باش نحكو مليح ..

chawki.13 · 2013-09-03, 19:38

اقتباس:

المشاركة الأصلية كتبت بواسطة Kd 35

معاك حر نجح فيما كان يرغب
السنة الأولى 14.37
السنة الثانية كحر مع الكثير من العمل 16.35
لازم تدرسي يومياً إبتداءً من أكتوبر كيما يدرسوا هوما فالليسي نفس المدة لكن فقط المواد الأساسية مات فيزيك وعلوم
حلي المواضيع والحوليات اللي يديروهم في الفروض والإختبارات، وحوليات أخرى جيبيهم من موقع ency education ننصحك حفظي الرسومات والنصوص العلمية تاع العلوم
الحفظ إبتداءً من جانفي، لكن ماتنسايش المواد العلمية أيضا
والله ولي التوفيق

مبروك عليك خوي

ا معليش تعطيني الفايس بوك تاعك ادا كان تقدر تفيدنا بنصائح

shy'n · 2013-09-03, 21:50

اقتباس:

المشاركة الأصلية كتبت بواسطة chawki.13

سلام عليكم...أنا ثاني راني ناوي نبلوكي العام باش نعاود واش رايكم نتقاو في الفيس بوك باش نحكو مليح ..

كاين قروب اذا راك حاب نمدهولك

abas chemseddine · 2013-09-03, 22:41

je suis la
ana awedt le bac 3 fois wdjebt dentist wech kount hab

kachma thabou tsaksiwni rani lahna

mon face:https://www.fb.com/chmisOoU

Wiya Miya · 2013-09-03, 23:43

السلام عليكم و رحمة الله و بركاته
أنا مثلكم اخوتي أود إعادة البكالوريا و كثيييييييييييرا من الناس نصحوني باش مانبلوكيش العام لآنوو قد يؤدي إلـــــــــــــى الخمـــــــــووول ......... مي أنا و الله مازلني حـــــــــــــــــــــــــــــــــــائرة بزاااااااف
خائفة نبلوكي و منتوفقش فالبكالوريا من بعد ننــــــــــــــــدم على العام لي رااااح هكاك
أووو ..... خائفة نقراهم في زوج و من بعد مانديش مليح و لا منتوفقش و نولي نادمة
موضووووع جد حســـــــــاس ففيه تحديد المصير فأرجو منكم التفاهم و أتمنى أن تصلوووا إلى حل معين كي أكون معكم مع العلم أنني سأدرس البيولوجيا
ربي يحفظكم جميعا

Kd 35 · 2013-09-04, 00:55

تم حذف الفايس بوك