ساعدوووني

biker-boy · 2013-08-28, 11:05

السلام عليكم ورحمة الله و بركاته
أنا طالب جامعي سنة 3 هدا العام
إكتشفت أنني أعاني من دوالي الخصية وأنه يتوجب علي إجراء عملية جراحية فهل حلمي بالإلتحاق بالدرك الوطني طااااار

RedBull · 2013-08-28, 11:14

ادا كانو لي فاريس باينين و ومنفخين يفيقولك ، وادا كانو خفاف ما يتحلبولكش ولاداعي للعـملية

loay123 · 2013-08-28, 12:31

يايأخي أنت راك في رحمة .....المشكل نتاعك ماهوش صعيب بزاف.....أ،ا في عمري 20سنة واكتشفت منذ 5سنوات بلي عندي مشكل الخصية المهاجرة وما عملش عملية جراحية غيرباش نقاجي ...............إذا عملت عملية جراحية راحت المقاجية.......................................... ...رانا عاشين غير برحمه الله والوالدين

التحنجير · 2013-08-28, 12:36

ربي يشافيكم ويحققك امانيكم اجمعين

عاطل عن العمل · 2013-08-28, 12:51

بالنسبة لي عندهم عائق طبي يمنعهم من الالتحقاق بالشبه عسكري . يا اخواني لا تقنطو من رحمة الله .. فعسى ان تكرهو شيئا و هو خير لكم ..

و الله انا و الحمد لله اتمتع بصحة جيدة و لياقة بدنية و متفورة فيا كل الشروط و ما صحتليش و مع ذلك ما درت والو في بالي .. الكاتبة تلحق ..

و ربي هو الرزاق و ما يتغلق باب حتى يفتح 10 ..
ادعو ربي يفرج عليكم و يفرج على كل مؤمن ..

biker-boy · 2013-08-28, 17:57

شكرا على الردود

houssem_57 · 2013-08-28, 20:48

رانا كيف كيف ما قبلونيش السمانة ليفاتت بسبب الخصية المهاجرة,,, بصح راح ندير عملية نرجعها و نزيد نحي ساكاتريس بالليزر او البومادة

loay123 · 2013-08-28, 22:20

الأخ houssem_57 أود أن أسألك أين دفعت وماذا قالوا لك عن مشكل الخصية المهاجرة....
أنا راني سمعت بلي يقدروا يفوتوا بصح لازم شوية معريفة مع الطبيب ......كما أنو سمعت بلي إذا درت العملية قبل ماتدخل ماراش يقبلوك بسباب السيكاتريس ....حاول كثيرون قبلك

houssem_57 · 2013-08-28, 22:33

اقتباس:

المشاركة الأصلية كتبت بواسطة loay123

الأخ houssem_57 أود أن أسألك أين دفعت وماذا قالوا لك عن مشكل الخصية المهاجرة....
أنا راني سمعت بلي يقدروا يفوتوا بصح لازم شوية معريفة مع الطبيب ......كما أنو سمعت بلي إذا درت العملية قبل ماتدخل ماراش يقبلوك بسباب السيكاتريس ....حاول كثيرون قبلك

يا خوي في قسنطينة طبيب معريفة يعرف الوالد دخلنا في 5 جا الطبيب قاللنا شكون حسام قتلو انا قالي مليح قلت انا مفروزو و راني فايت... ايا كي شافولنا كلش قالولنا مقبولين جا الطبيب قالنا نشوفلكم من التحت كي شافني ب وحدة قالي ماكش مقبول حاولت معاه والو و هدر في الهاتف مع صاحبو اللي شافهولنا قالو فوتو برك فالو ما نقدرش