♥♥♥ choco guimauves ♥♥♥ مارشميلو بالشوكولا من مطبخي

[ladymillion]

***بسم الله الرحمن الرحيم***




موضوعي لليوم بسيط وفكرة يحبوها الاطفال وحتى الكبار ههههه مارشميلو بالشوكولا في الاسياخ هايلة في الحفلات والاعياد الميلاد للاطفال را نخليكم مع التحضير السهل



<> 1 حضري المارشميلو نتاعم وراهي متوفرة في المحلات والسوبر ماركت كامل

<> 2 جيبي اسياخ الشواء عادي بلليهم ملييح وارشقي فيهم المارشميلو 2 حباتأو 3 انا درت 3


<> 3 ذوبي الشوكولا في حمام مائي وغمسي المارشميلو في الشوكولا وارشقيها على حاجة تكون طريع باش تتغرس فيها الاسياخ وتسهل عملية تجفيف الشوكولا بشكل جميل انا استعملت Polyster يكون في علب الربوات والفناجين ووووو ، وحطيها في الثلاجة تبرد الشوكولا



<> 4 حضري المكونات لي حابة تمرمدي فيهم المارشميلو بالشوكولا استعملت (( جوز مكسر ، كريات السكر صغيرة ملونة ، فارميسال شوكو وملونة ، والباقي درت خطوط بالشوكولا ))
والتزيين كيما تحبي

<>5 اجبدي الاسياخ من الثلاجة وشعلي النار تكون جد هادئة حاولي تفوتي سيخ واحد على النار وعن بعد ماشي بزاف راح تبدا الشوكولا تذوب بسرعة مرمديها في واش حبيتي من مكونات التزيين لي حابة تستعمليهم
اما اذا حابة ديري غير خطوط مايشقاش ديري هاذ المرحلة

وقدميها للاطفال انا درتهم للعيد يفرحوا بيهم شوي هههههه






نتمنى تكون عجبتكم